Beth i’w wneud os yw’ch bil ynni’n uchel

Mae rhai tariffau sefydlog ar gael o hyd islaw'r cap ar brisiau Hydref, a allai eich helpu i arbed arian. Cofiwch wirio'r telerau gan y gallai fod ffioedd ymadael. Neu gallech aros ar y tariff diofyn.

Mae'r cap ar brisiau yn berthnasol i brisiau ynni a nwy gan gyflenwyr domestig yng Nghymru, Lloegr a'r Alban. Dewch o hyd i fwy o gymorth isod os na allwch gael ynni gan gyflenwr domestig neu'n byw yng Ngogledd Iwerddon.

Mae'n werth gwirio a allwch gael biliau ynni rhatach drwy newid cyflenwr neu dariff (y fargen rydych chi arni).

I gael rhagor o wybodaeth, gweler canllaw Ofgem Cap ar brisiau ynni a thaliadau sefydlog wedi'u hegluroOpens in a new window

Mae Ofgem yn cynnig cefnogaeth ac arweiniad gyda'ch biliau ynni a'ch mesurau arbed ynni gyda’i Gyngor ar ynni i gartrefiYn agor mewn ffenestr newydd

Os ydych chi'n byw yn Lloegr, gallwch siarad â Better Housing Better Health i helpu i ddarganfod pa gynlluniau sydd ar gael yn eich ardal leol

Os ydych chi'n byw yn yr Alban, darganfyddwch pa gymorth ariannol ychwanegol y gallech ei gael gan Home Energy Scotland.

Os ydych chi'n byw yng Nghymru, darganfyddwch awgrymiadau arbed ynni a grantiau gwella cartrefiYn agor mewn ffenestr newydd ar gov.wales.

Os ydych chi'n byw yng Ngogledd Iwerddon, mae gan nidirect awgrymiadau ar sut i arbed ynniYn agor mewn ffenestr newydd yn ogystal â help a chefnogaeth ar ynniYn agor mewn ffenestr newydd trwy’r Consumer Council.

Hawliwch yr holl fudd-daliadau y mae gennych hawl iddynt (yn enwedig Credyd Pensiwn neu Gredyd Cynhwysol) oherwydd bydd y rhain yn eich helpu i gael cymorth pellach, gan gynnwys y Taliad Tanwydd Gaeaf a'r Gostyngiad Cartrefi Cynnes sy’n werth gwerth £150 y flwyddyn

Os ydych chi wedi rhedeg allan o arian neu'n cael trafferth gyda chost annisgwyl, mae cymorth am ddim ar gael. Bydd ein canllaw yn eich helpu i ddarganfod ble allwch gael cymorth brys gydag arian a bwyd.

Bydd pawb dros oedran Pensiwn y Wladwriaeth yng Nghymru, Lloegr a Gogledd Iwerddon sydd gydag incwm o £35,000 neu lai yn cael y taliad, sy'n werth hyd at £300 y cartref.

Ewch i GOV.UK am ragor o fanylion am y newidiadau cymhwyseddYn agor mewn ffenestr newydd

Os ydych chi'n byw yng Ngogledd Iwerddon, gweler nidirect am ragor o wybodaeth am Daliad Tanwydd GaeafYn agor mewn ffenestr newydd. Ar gyfer 2026, mae'r household electricity discount schemeYn agor mewn ffenestr newydd yn golygu y bydd pobl sy'n byw yng Ngogledd Iwerddon yn cael gostyngiad untro o £63 mewn biliau trydan o fis Hydref ymlaen. Bydd hyn yn digwydd yn awtomatig – nid oes angen i chi wneud cais. 

Os ydych ar ei hôl hi ar eich biliau ynni, cysylltwch â'ch cyflenwr. Mae'n ofynnol iddynt gynnig:

• cymorth wedi'i deilwra i chi
• opsiynau talu hyblyg
• mynediad at wasanaethau cymorth.

Mae gennych hawliau o hyd fel defnyddiwr, hyd yn oed os ydych mewn dyled. Os ydych chi'n cael trafferth, cysylltwch â'ch cyflenwr. Rhaid iddynt eich trin yn deg a cheisio eich helpu i ddod o hyd i ddatrysiad. Cewch help gennym ar siarad â'ch credydwr.

Am syniadau ar ffyrdd o leihau costau, gweler ein canllaw Help os ydych yn cynhesu eich cartref gan ddefnyddio olew gwresogi neu nwy petrolewm hylifedig.

Bydd y cap ar brisiau ynni yn cael ei gymhwyso’n awtomatig gan eich cyflenwr. Nid oes angen gwneud cais ac ni fydd angen unrhyw dalebau arnoch.

Nid oes llawer o fargeinion ynni ar gael i’r rhai sydd ar fesurydd rhagdaliedig, ond gallech arbed arian trwy newid tariffau. Ond mae bob amser yn werth gwirio a fyddech chi’n talu llai trwy newid i fesurydd safonol. Mae hyn oherwydd bod yna weithiau tariffau Debyd Uniongyrchol sy’n llai na’r cap ar brisiau.

Mae pobl sy'n byw mewn adeiladau a rennir fel blociau o fflatiau weithiau'n cael eu gwres a'u dŵr poeth drwy rwydwaith gwres yn hytrach na chyflenwr nwy a thrydan. Mae hyn yn golygu bod eich rheiddiaduron yn cael eu pweru drwy un ffynhonnell a rennir yn hytrach na phob fflat yn cael ei boeler ei hun.

Hyd at fis Ionawr 2026, nid oedd rhwydweithiau gwres yn cael eu rheoleiddio gan Ofgem, ac mae rhai cwsmeriaid wedi gorfod delio â chynnydd mewn prisiau o hyd at 450%.

Mae rhai newidiadau y mae angen i chi fod yn ymwybodol ohonynt os ydych chi'n defnyddio rhwydwaith gwres:

• Mae mwy o amddiffyniadau o amgylch biliau. Rhaid iddynt fod yn gywir ac ni all eich rhwydwaith gwres bellach anfon biliau am arian sy'n ddyledus am fwy na 12 mis.
• Gall cwsmeriaid bregus nawr ymuno â Chofrestr Gwasanaethau Blaenoriaeth a chael eu hamddiffyn rhag cael eu gwres wedi'i ddiffodd.
• Gallwch nawr gwyno i'r Ombwdsmon YnniYn agor mewn ffenestr newydd os ydych chi'n cael problemau gyda'ch rhwydwaith gwres.

Nid yw rhai pethau wedi newid, ni allwch newid cyflenwr o hyd, ac nid ydych chi'n cael eich cwmpasu gan y cap ar brisiau ynniYn agor mewn ffenestr newydd

Pethau syml fel sicrhau eich bod yn dadgysylltu plwg gwefrwyr ffôn, peidio â gadael dyfeisiadau ar ‘standby’ a defnyddio bylbiau golau ynni effeithlon yw’r camau cyntaf. Cofiwch, os ydych yn defnyddio mwy, byddwch chi’n talu mwy.

Gallwch hefyd wella effeithlonrwydd ynni eich cartref gyda gwydro dwbl ac inswleiddio.

Darganfyddwch fwy yn ein canllawiau: 

• Sut i leihau eich biliau ynni a 
• Sut i dalu am welliannau i’r cartref.

Wrth i brisiau ynni godi, efallai y bydd eich taliadau misol yn cynyddu hefyd. Ond gallwch chi bob amser ofyn i’ch cyflenwr eu newid, yn enwedig os:

• rydych chi’n meddwl bod eich taliadau’n rhy uchel, ac
• mae eich cyfrif eisoes mewn llawer o gredyd.

Yng Nghymru, Lloegr a’r Alban, dylai cyflenwyr ynni allu esbonio pam fod eich swm Debyd Uniongyrchol yn deg ac yn rhesymol. Os na allant, gallwch ofyn i’ch cyflenwr ad-dalu rhywfaint o’ch credyd.

Yng Ngogledd Iwerddon, caiff y cwmnïau ynni eu rheoleiddio gan yr Utility RegulatorYn agor mewn ffenestr newydd; os ydych chi'n meddwl bod eich bil yn anghywir siaradwch â’ch darparwr neu gallwch fynd i’r Cyngor DefnyddwyrYn agor mewn ffenestr newydd am gymorth.

Mae gan MoneySavingExpert gyfrifiannell i’ch helpu cyfrifo beth ddylai eich taliad misol fodYn agor mewn ffenestr newydd

Mae biliau ynni gaeaf fel arfer llawer yn uwch na rhai’r haf, felly yn lle codi tâl am yr hyn rydych yn ei ddefnyddio pob mis bydd cyflenwyr yn aml yn cymryd eich defnydd blynyddol a’i rhannu i 12 rhan, fel bod y gost wedi lledaenu’n fwy gyfartal. Gall hyn esbonio pam ofynnir i chi dalu am fwy nag ydych yn ei ddefnyddio.

Gallwch sicrhau bod eich biliau mor gywir â phosibl gan gymryd darlleniadau mesurydd yn rheolaidd. Os oes gennych fesurydd deallus mae’r darlleniadau’n cael eu danfon yn awtomatig.

Tra ei fod yn brin i gyflenwr ynni mawr fynd i’r wal, mae llawer o gwmnïoedd ynni bach wedi mynd i’r wal yn ddiweddar.

Os bydd hyn yn digwydd, mae ‘rhwyd ​​ddiogelwch Ofgem’ yn sicrhau nad ydych yn cael eich gadael heb ynni. Mae’r rhwyd ​​​​ddiogelwch yn eich symud yn awtomatig i fargen newydd gyda chyflenwr ynni gwahanol.

Os yw eich cyflenwr ynni wedi stopio masnachu, mae’n bwysig peidio â newid yn syth. Yn lle hynny, arhoswch nes bydd eich darparwr newydd yn cysylltu â chi. Ofgem fydd yn dewis eich cyflenwr newydd, a gall hynny gymryd sawl wythnos.

Os ydych eisoes yn y broses o newid, bydd eich newid yn dal i fynd drwodd.

Gwnewch yn siŵr eich bod yn cymryd darlleniad mesurydd fel eich bod yn barod ar gyfer pan fydd eich cyflenwr newydd yn cysylltu â chi.

Mae hefyd yn werth cadw hen filiau ynni ac aros nes bod eich cyflenwr newydd wedi’i benodi cyn canslo unrhyw Ddebyd Uniongyrchol. 

Darganfyddwch fwy ar Gyngor ar Bopeth am yr hyn y gallwch ei wneud os yw eich cyfrif mewn dyled neu mewn credyd pan fydd eich cyflenwr yn mynd allan o fusnesYn agor mewn ffenestr newydd

Bydd unrhyw gredyd ar eich cyfrif yn cael ei ddiogelu. Trosglwyddir y balans i’ch cyflenwr newydd, a fydd yn talu unrhyw gredyd sy’n weddill i chi – llai unrhyw ynni rydych wedi’i ddefnyddio ond heb gael bil amdano.

Mae’n bwysig nad ydych yn newid tariff neu gyflenwr nes bod eich cyfrif yn cael ei symud i’r cyflenwr newydd. Efallai y byddwch yn ei chael yn anoddach cael unrhyw arian sy’n ddyledus i chi os byddwch yn newid cyn i hyn ddigwydd.

Os oes arnoch arian a bod eich cyflenwr yn mynd i’r wal, bydd eich dyled yn cael ei throsglwyddo i’r darparwr newydd a bydd yn rhaid i chi dalu o hyd.

Darganfyddwch fwy ar Ofgem am sut rydych chi'n cael eich diogelu a'r hyn sydd angen i chi ei wneud fel cwsmerYn agor mewn ffenestr newydd