Mae prisiau ynni’n uchel o hyd, ond mae cymorth ar gael i’ch helpu i dalu costau gwresogi eich cartref. Darganfyddwch sut i ddefnyddio tanwydd oddi ar y grid yn fwy effeithlon a ble y gallwch wneud cais am gymorth.
Sut alla i arbed arian ar danwydd oddi ar y grid?
Mae llawer o bobl yn poeni am gostau cynyddol ynni cartref, ond os nad yw eich cartref wedi’i gysylltu â’r prif gyflenwad nwy mae’n debygol y bydd eich biliau gwresogi yn cynyddu’n gynt na’r cyfartaledd. Mae pedair miliwn o gartrefi yn y DU yn dibynnu ar ffynonellau tanwydd amgen fel nwy petrolewm hylifedig (LPG), olew gwresogi neu danwydd solet fel pren neu lo.
Yn wahanol i brif gyflenwad nwy a thrydan, nid oes unrhyw Warant Pris Ynni i helpu i reoli cost y mathau hyn o danwydd. Nid oes llawer o opsiynau i’ch helpu i arbed arian ar ynni ar hyn o bryd, ond mae’r canllaw hwn yn dangos ychydig o ffyrdd y gallai eich helpu i leihau effaith cynnydd mewn prisiau.
Ffyrdd o ostwng costau os ydych yn defnyddio olew gwresogi
Mae cost olew gwresogi yn dibynnu ar rai ffactorau, gan gynnwys:
- pris olew crai
- faint rydych chi'n ei brynu
- pa gyflenwyr sy'n cwmpasu eich ardal, a
- pan fyddwch chi'n ei brynu.
Er y gallai rhai o'r rhain fod allan o'ch rheolaeth, mae rhai ffyrdd o hyd y gallwch arbed arian ar wresogi olew.
Rhestr wirio ar gyfer cynilo ar olew gwresogi
Cymharwch brisiau a pheidiwch â bod ofn fargeinio
Pan fydd yn bryd ail-lenwi eich tanc, gofynnwch i ychydig o gyflenwyr am ddyfynbris, a gweld a oes arbedion i'w gwneud. Gallwch roi eich cod post ar UKIFDAYn agor mewn ffenestr newydd neu safle Liquid Gas UK i ddod o hyd i'r cyflenwyr sydd yn eich ardalYn agor mewn ffenestr newydd
Gallwch hefyd fynd i BoilerJuice.comYn agor mewn ffenestr newydd neu fueltool.co.ukYn agor mewn ffenestr newydd i gael pris. Maent yn defnyddio UKIFDA neu Liquid Gas UK i weld a allwch ddod o hyd i gyflenwr lleol sy'n rhatach.
Os ydych chi'n byw yng Ngogledd Iwerddon, gallwch ddefnyddio gwiriwr prisiau'r Consumer CouncilYn agor mewn ffenestr newydd i gadw golwg ar gost gyfartalog olew gwresogi yn eich ardal chi.
Ystyriwch ymuno neu sefydlu clwb olew i gael gostyngiadau pellach
Cynlluniau prynu cymunedolOpens in a new window yw pan fod sawl cartref yn grwpio gyda'i gilydd i swmp-brynu ynni am bris gostyngol. Os oes tai eraill yn eich ardal leol sy'n defnyddio olew gwresogi, darganfyddwch a oes cynllun prynu cymunedol neu grŵp eisoes ar gael i chi ymuno ag ef.
Darganfyddwch drwy ofyn i'ch cymdogion neu bostio cwestiwn mewn grwpiau Facebook lleol neu ar Nextdoor y wefan a'r ap rhwydweithio cymdogaethYn agor mewn ffenestr newydd Gall prynu eich olew gwresogi mewn meintiau mwy olygu prisiau is i aelodau, ond gallai fod yn anoddach dechrau eich clwb eich hun.
Prynwch yn y misoedd cynhesach
Os gallwch, ceisiwch swmp-brynu eich olew gwresogi yn ystod yr haf. Mae mwy o alw amdano pan fydd y tywydd yn oerach fel y gall prisiau godi.
Cadwch eich tanc wedi'i gynnal a'i gadw'n dda
Gall tanciau olew gwresogi lenwi â slwtsh a all eu gwneud yn annibynadwy. Os yw'ch tanc yn gollwng, mae'n ddrwg i'r amgylchedd ac mae'n wastraff arian. Trefnwch wasanaeth ar gyfer eich tanc i geisio trwsio unrhyw broblemau er mwyn osgoi'r gost o fod angen tanc newydd. Argymhellir eich bod yn trefnu gwasanaeth ar eich tanc olew gwresogi unwaith y flwyddyn ac yn gwneud gwiriadau gweledol ar gyfer unrhyw broblemau'n rheolaidd. Mae gan safle'r Hwb Gwresogi restr o wiriadau cynnal a chadw ataliol y gallwch eu gwneud eich hun
Mae hefyd yn werth darganfod os yw’ch yswiriant cartref yn cynnwys unrhyw gostau y gallech eu hwynebu os bydd eich tanc yn torri neu’n gollwng dŵrYn agor mewn ffenestr newydd trwy ymweld ag Oftec am fwy o wybodaeth.
Gosod boeler effeithlon
Er bod cost sylweddol ymlaen llaw i gael boeler newydd, dylai olygu arbedion hirdymor o ran atgyweiriadau a defnydd llai o ynni.
Mae boeleri sy'n defnyddio olew gwresogi fel arfer yn ddrutach na boeleri nwy confensiynol. Fodd bynnag, os nad yw eich boeler yn gweithio'n iawn, gallai fod yn defnyddio mwy o danwydd nag sydd ei angen felly efallai y bydd yn werth ei newid o hyd.
Mae benthyciadau di-log a ariennir gan y llywodraeth ar gael i'ch helpu i dalu am foeler newydd a mesurau arbed ynni eraill. Darganfyddwch a ydych yn gymwys a darganfyddwch ffyrdd eraill o ariannu boeler newydd yn ein canllaw Sut i dalu am welliannau i'ch cartref.
Dewch o hyd i ragor o wybodaeth am sut i arbed arian ar olew gwresogi ar safle Which?Yn agor mewn ffenestr newyddYn agor mewn ffenestr newydd
Cyngor Da
Gwiriwch yr argymhellion yn Tystysgrif Perfformiad Ynni (EPC) eich eiddo, os oes gennych un. Gallwch ddod o hyd i'ch tystysgrif ar Gofrestr EPCYn agor mewn ffenestr newydd
Ffyrdd o arbed arian os ydych yn defnyddio nwy petrolewm hylifedig (LPG)
Effeithiwyd ar gyflenwad LPG gan yr un cynnydd mewn prisiau cyfanwerthu â nwy naturiol y prif gyflenwad. Fodd bynnag, mae ffyrdd i dorri costau.
Rhestr wirio ar gyfer cynilo ar LPG
Cymharwch brisiau os gallwch
Os ydych yn prynu LPG mewn swmp ar gyfer tanc, cymharwch brisiau gan wahanol gyflenwyr sydd ar gael yn eich ardal os nad ydych mewn contract ac yn gallu newid.
Os ydych wedi'ch clymu i mewn i'ch contract presennol ac na allwch newid nawr, gosodwch nodyn atgoffa i chi'ch hun i siopa o gwmpas ychydig cyn i'ch contract ddod i ben.
Cadwch eich tanc wedi’i gynnal a’i gadw’n dda
Os yw'ch tanc yn gollwng, nid yn unig yw’n beryglus, mae hefyd yn gwastraffu arian. Os ydych yn poeni, cysylltwch â pheirianydd nwy sy'n gymwys i weithio ar danciau LPG. Gwiriwch a yw cynnal a chadw eich tanc yn gyfrifoldeb i'ch cyflenwr, oherwydd gallai arbed arian i chi ar wasanaethu ac atgyweirio.
Cymorth ariannol gyda chostau gwresogi olew ac LPG
Er nad ydych wedi’ch diogelu gan y Warant Prisiau Ynni neu rai o'r gostyngiadau sydd ar gael i bobl ar nwy prif gyflenwad gallwch ddod o hyd i gynlluniau, grantiau a budd-daliadau a fydd yn helpu gyda chost biliau a gosod mesurau arbed ynni.
Mae Llywodraeth y DU, Llywodraeth yr Alban a Llywodraeth Cymru wedi cyhoeddi help ar gyfer aelwydydd bregus. Os ydych chi’n wynebu trafferthion ariannol brys oherwydd cost cynyddol olew gwresogi, cysylltwch â’ch awdurdod lleol i ddarganfod pa gymorth gallwch ei gael.
Os ydych chi’n byw yn Lloegr
Gallwch gael cymorth gan y Crisis and Resilience Fund newydd drwy gysylltu â’ch cyngor lleol. Dewch o hyd i’ch cyngor lleolYn agor mewn ffenestr newydd
Os ydych yn byw yng Nghymru
Os ydych chi ar y Cynllun Gostyngiadau'r Dreth Gyngor, gallech gael taliad untro o £200 i helpu gyda'ch costau olew gwresogi neu LPG. Mae gennych chwe mis o lawnsiad y cynllun i wneud cais, felly mae'n werth gwneud cais cyn gynted ag y gallwch.
Darganfyddwch sut i wneud cais ar wefan Llywodraeth CymruYn agor mewn ffenestr newydd
Darganfyddwch pa gymorth ariannol ychwanegol y gallech ei gael gan y Gronfa Cymorth DewisolYn agor mewn ffenestr newydd
I gael awgrymiadau arbed ynni a grantiau gwella cartrefiYn agor mewn ffenestr newydd, ewch i nyth.llyw.cymru.
Os ydych chi’n byw yn yr Alban
Gall aelwydydd sy'n cael trafferth gyda chost gwresogi olew neu LPG wneud cais am gymorth o £300.
Efallai y byddwch yn gymwys os ydych eisoes yn derbyn budd-daliadau. Os nad ydych ar fudd-daliadau, efallai y byddwch yn dal i fod yn gymwys, er enghraifft, os ydych mewn dyled ar eich biliau ynni neu os oes gennych gyflwr meddygol sy'n golygu bod angen i chi wresogi eich cartref yn fwy. Mae'n werth gwirio'r meini prawf cymhwysedd llawn i weld a ydych chi'n gymwys.
Darganfyddwch sut i wneud cais a gwirio a ydych chi'n gymwysYn agor mewn ffenestr newydd ar homeheatingadvice.scot.
Gallwch gysylltu â'ch cyngor lleol i ddarganfod pa gymorth ariannol ychwanegol y gallech ei gael gan Home Energy ScotlandYn agor mewn ffenestr newydd
Os ydych yn byw yng Ngogledd Iwerddon
Efallai y byddwch yn gymwys i wneud cais am gerdyn rhagdaledig £100 y gellir ei ddefnyddio gyda chyflenwr olew gwresogi. Efallai y byddwch yn gymwys os:
- ydych yn derbyn budd-daliadau anabledd
- ydych yn byw mewn aelwyd pensiynwr nad yw'n derbyn Credyd Pensiwn, gydag incwm o dan £30,000
- ydych yn byw mewn aelwyd sydd ag incwm o dan £30,000 ac nad yw'n derbyn budd-daliadau sy'n seiliedig ar incwm.
Efallai y byddwch hefyd yn gallu cael cymorth drwy'r cynllun Discretionary Support. Darganfyddwch am Discretionary SupportYn agor mewn ffenestr newydd ar nidirect.
Cysylltwch â’ch cyngor lleolYn agor mewn ffenestr newydd neu’r swyddogion ynni am help, gan gynnwys yr Affordable Warmth SchemeYn agor mewn ffenestr newydd
Am awgrymiadau arbed ynniYn agor mewn ffenestr newydd, ewch i nidirect.
I gael mwy o fanylion am help arall y gallwch ei hawlio, darllenwch ein canllaw Beth i’w wneud am filiau ynni cynyddol.
Gwnewch gais am yr holl fudd-daliadau y mae gennych hawl iddynt (yn enwedig Credyd Pensiwn neu Gredyd Cynhwysol) oherwydd bydd y rhain yn ei wneud yn haws i chi gael cymorth pellach, gan gynnwys Gostyngiad Cartrefi Cynnes gwerth £150 y flwyddyn.
Os ydych yn cael trafferth i dalu eich biliau, mae ein canllaw Help gyda chostau byw yn rhoi llawer mwy o wybodaeth i chi am y cymorth ychwanegol sydd ar gael a beth i'w wneud os ydych yn poeni am gadw i fyny â biliau a thaliadau.