Beth yw’r Lwfans Blynyddol Prynu Arian?

 I'r mwyafrif o bobl, y cyfanswm y gellir ei gyfrannu i'w pensiynau bob blwyddyn dreth y byddant yn cael gostyngiad treth yw £60,000. Mae hyn yn cynnwys unrhyw gyfraniadau gan eich cyflogwr. Ond os ydych yn achosi MPAA, mae hyn yn gostwng i £10,000 y flwyddyn.

Mae’r MPAA ond yn berthnasol i gyfraniadau i bensiynau cyfraniadau wedi’u diffinio ac nid cynlluniau pensiwn buddion wedi’u diffinio.

Y prif sefyllfaoedd lle byddwch yn gweithredu’r MPAA yw:

• os cymerwch eich cronfa bensiwn cyfan fel cyfandaliad neu ddechrau cymryd cyfandaliadau o’ch cronfa bensiwn (ond edrychwch ar y rheolau arbennig ar waelod yr adran hwn am gronfeydd bychan)
• os rhowch arian eich cronfa bensiwn i mewn i gronfa incwm lle gallwch dynnu incwm ohoni’n hyblyg a dechrau gwneud hynny
• os prynwch flwydd-dal hyblyg neu’n gysylltiedig â buddsoddiad lle gallai’ch incwm ostwng
• os oes gennych gynllun tynnu arian i lawr wedi’i gapio a ddechreuodd cyn Ebrill 2015 a dechrau cymryd taliadau sy’n uwch na’r cap.

Ni fydd yr MPAA yn cael ei weithredu fel arfer: 

• os cymerwch gyfandaliad di-dreth a phrynu blwydd-dal oes sy’n rhoi incwm a warantir am oes sydd unai’n aros fel ag y mae neu’n cynyddu
• os cymerwch gyfandaliad arian parod di-dreth a rhoi eich cronfa bensiwn mewn cynnyrch tynnu incwm yn hyblyg ond ni fyddwch yn cymryd unrhyw incwm ohono.

Mae rheolau arbennig os ydych am gyfnewid nifer o gronfeydd pensiwn bach gwerth llai na £10,000, felly mae;n bwysig i wirio gyda’ch darparwr y bydd yn cael ei drin fel un a gymerwyd o dan rheolau cyfandaliad cronfa fach.  Fel arall, mae yna risg y bydd yr MPAA yn cael ei weithredu.

Os ydych chi'n destun i'r MPAA ac nad ydych chi'n gwneud unrhyw gyfraniadau i gynllun pensiwn cyfraniadau wedi’u diffinio, gallwch barhau i arbed y lwfans blynyddol £60,000 safonol i gynllun buddion diffiniedig os ydych yn rhan o un.

Yn yr un modd, pe baech yn cynilo’r uchafswm o £10,000 y flwyddyn i gynllun cyfraniadau wedi’u diffinio, yr uchafswm cynilion rhyddhad treth y gallwch eu gwneud mewn cynllun budd-daliadau wedi’u diffinio byddai £50,000 (a elwir yn lwfans blynyddol amgen), gan roi cyfuniad cynilion pensiynau cyfanswm o £60,000.

Ar hyn o bryd, mae'r lwfans yn £60,000 y flwyddyn. Gallwch siarad â'ch darparwr pensiwn neu weinyddwr i gael mwy o fanylion ar sut mae hyn yn gweithio.

Ar ôl i chi ddechrau MPAA, ni allwch ddod ag unrhyw lwfansau blynyddol ymlaen sydd heb gael ei ddefnyddio o'r tair blynedd dreth flaenorol i ganiatáu cyfraniadau o fwy na £10,000 i bensiwn cyfraniadau wedi’u diffinio. Efallai y byddai'n bosibl cario lwfans blynyddol sydd heb ei ddefnyddio ymlaen i'w ddefnyddio mewn pensiynau buddion wedi’u diffinio.

Bydd y MPAA ond yn dechrau bod yn berthnasol y diwrnod ar ôl i chi gymryd buddion hyblyg. Mae hwn yn golygu ni fydd unrhyw gynilion blaenorol yn cael eu heffeithio.