Os ydych yn prynu tŷ yng Nghymru byddwch yn talu Treth Trafodiadau Tir (LTT) os yw'r eiddo'n costio dros £180,000. Os ydych yn prynu eiddo ychwanegol, bydd rhaid i chi dalu’r cyfraddau preswyl uwch ar gyfer pob band
Beth yw Treth Trafodiadau Tir?
Cyfrifiannell Treth Trafodiadau Tir
Defnyddiwch ein Cyfrifiannell Treth Trafodiadau Tir i ddarganfod yn gyflym faint byddwch yn ei dalu.
Mae Treth Trafodiadau Tir (LTT) yn dreth efallai bydd rhaid i chi ei thalu os prynwch eiddo preswyl neu ddarn o dir yng Nghymru.
O 1 Gorffennaf 2021, ni fydd rhaid i chi dalu LTT ar eiddo sy’n costio hyd at £180,000.
Os ydych yn prynu ail gartref, byddwch yn talu cyfraddau preswyl uwch LTT ar eiddo sy’n costio mwy na £40,000.
Mae’r dreth hon yn berthnasol i eiddo rhydd-ddaliad a phrydles – boed a ydych yn prynu’n llwyr neu â morgais.
Os ydych yn prynu yn yr Alban, darganfyddwch fwy am Treth Trafodiadau Tir ac Adeiladau
Os ydych yn prynu yn Lloegr neu Ogledd Iwerddon, darganfyddwch fwy am Dreth Stamp
Faint yw Treth Trafodiadau Tir?
Mae sawl band cyfraddau ar gyfer Treth Trafodiadau Tir (LTT).
Cyfrifir y dreth ar ran pris pryniant yr eiddo sydd o fewn pob band.
Er enghraifft, os prynwch dŷ am £300,000, cyfrifir y LTT sy’n ddyledus gennych fel a ganlyn:
0% ar y £180,000 cyntaf = £0
3.5% ar y £70,000 nesaf = £2,450
5% ar y £50,000 nesaf = £2,500
Cyfanswm y LTT = £4,950
Cyfraddau Treth Trafodiadau Tir (LTT)
£0
£180,000
0%
£180,001
£250,000
3.5%
£250,001
£400,000
5%
£400,001
£750,000
7.5%
£750,001
£1,500,000
10%
Dros £1.5 million
12%
Treth Trafodiadau Tir ar ail gartrefi
Bydd rhaid i brynwyr eiddo preswyl ychwanegol, fel ail-gartrefi ac eiddo prynu-i-osod, dalu cyfraddau preswyl uwch Treth Trafodiadau Tir (LTT) ar eiddo sy’n costio mwy na £40,000.
£0
£180,000
4%
£180,001
£250,000
7.5%
£250,001
£400,000
9%
£400,001
£750,000
11.5%
£750,001
£1,500,000
14%
Dros £1,500,000
16%
Pryd bydd rhaid i chi dalu Treth Trafodiadau Tir?
Bydd rhaid i chi gyflwyno ffurflen Treth Trafodiadau Treth (LTT) a thalu’r hyn sy’n ddyledus gennych i Awdurdod Cyllid Cymru o fewn 30 diwrnod o'r diwrnod ar ôl cwblhau (neu ddyddiad effeithiol y trafodiad).
Os na chyflwynwch ffurflen a thalu’r dreth, gallai Awdurdod Cyllid Cymru codi cosbau a llog arnoch.
Sut i dalu Treth Trafodiadau Tir
Fel arfer bydd eich cyfreithiwr yn delio â’r ffurflen Treth Trafodiadau Tir (LTT), er gallwch ei wneud eich hun.
Y naill ffordd neu’r llall, chi sy’n gyfrifol am sicrhau y caiff ei chyflwyno’n brydlon.
Os yw pris eich cartref newydd o dan £180,000, mae rhaid i chi gyflwyno ffurflen (oni bai fod eithriad) hyd yn oed na fydd rhaid i chi dalu dim LTT.
