Os ydych yn prynu cartref yng Nghymru sy’n costio mwy na £225,000, neu £40,000 fel ail gartref, byddwch yn talu Treth Trafodiadau Tir (LTT). Dyma beth sydd angen i chi ei wybod.
Cyfrifiannell Treth Trafodiadau Tir
Bydd ein Cyfrifiannell Treth Trafodiadau Tir yn dangos yn gyflym i chi faint fyddwch chi'n ei dalu.
Os ydych am ddarganfod sut mae Treth Trafodiadau Tir yn cael ei gyfrifo, rydym yn esbonio sut mae'n gweithio isod.
Beth yw Treth Trafodiadau Tir?
Mae Treth Trafodiadau Tir (LTT) yn dâl y byddwch yn ei dalu os byddwch yn prynu eiddo neu ddarn o dir yng Nghymru sy’n costio dros £225,000, neu dros £40,000 os yw’n ail gartref.
Os ydych yn prynu mewn rhannau eraill o’r DU, gweler ein canllawiau eraill:
Treth Stamp yn Lloegr a Gogledd Iwerddon
Treth Trafodiadau Tir ac Adeiladau yn yr Alban
Faint yw Treth Trafodiadau Tir yng Nghymru
Mae Treth Trafodiadau Tir (LTT) yn seiliedig ar:
- bris yr eiddo rydych yn ei brynu, ac
- os ydych yn berchen ar fwy nag un eiddo.
Bydd ein Cyfrifiannell Treth Trafodiadau Tir yn ei gyfrifo i chi, neu gweler y cyfraddau isod. Byddwch yn talu cyfraddau gwahanol os yw pris eich eiddo yn ymestyn dros fwy nag un band.
Er enghraifft, os yw eich eiddo yn costio £500,000, ni fyddwch yn talu dim ar y £225,000 cyntaf, 6% ar y £175,000 nesaf a 7.5% ar y £100,000 olaf.
| Bandiau pris prynu eiddo | Y gyfradd dreth byddwch yn ei dalu |
|---|---|
|
Llai na £225,000 |
0% |
|
£225,001 i £400,000 |
6% |
|
£400,001 i £750,000 |
7.5% |
|
£750,001 i £1,500,000 |
10% |
|
Mwy na £1,500,000 |
12% |
| Bandiau pris prynu eiddo | Y gyfradd dreth byddwch yn ei dalu |
|---|---|
|
Hyd at £180,000 |
4% |
|
£180,001 i £250,000 |
7.5% |
|
£250,001 i £400,000 |
9% |
|
£400,001 i £750,000 |
11.5% |
|
£750,001 i £1,500,000 |
14% |
|
Mwy na £1,500,000 |
16% |
Sut i dalu Treth Trafodiadau Tir
Bydd angen i chi neu’ch cyfreithiwr gyflwyno Ffurflen Dreth Trafodiadau Tir, hyd yn oed os nad oes angen i chi dalu unrhyw beth.
Y naill ffordd neu'r llall, chi sy'n gyfrifol am sicrhau ei fod yn cael ei gyflwyno mewn pryd.
Pa mor hir sydd gennych i dalu Treth Trafodiadau Tir?
Mae gennych 30 diwrnod ar ôl prynu’ch eiddo i gyflwyno Ffurflen Dreth Trafodiadau Tir a thalu unrhyw dreth sy’n ddyledus.
Os na fyddwch yn cyflwyno ffurflen dreth ac yn talu’r dreth, efallai y bydd Awdurdod Cyllid Cymru yn codi cosbau a llog arnoch..
Pryd na fyddai angen i chi gyflwyno Ffurflen Dreth Trafodiadau Tir?
Nid oes angen i chi gyflwyno ffurflen dreth os yw’r eiddo:
- yn cael ei adael i chi mewn ewyllys, ac nid ydych yn talu amdano
- yn cael ei drosglwyddo i chi yn dilyn ysgariad neu wahaniad
- yn costio llai na £40,000.
Mae rhai sefyllfaoedd hefyd lle nad oes angen ffurflen dreth ar gyfer trosglwyddiad lesddaliad sy’n costio llai na £40,000.
Dysgwch fwy ynghylch a pryd nad oes angen i chi ffeilio datganiad ar llyw.cymruYn agor mewn ffenestr newydd
