Talu drosoch eich hun

^{(Ffynhonnell: Swyddfa Ystadegau cenedlaethol 2020)}

Peidiwch â dychryn – mae’r ffigyrau uchod yn cynrychioli ffigurau cyfartalog blynyddol cartrefi.

I’r rhan fwyaf o bobl ifanc sy’n symud i’w lle cyntaf, bydd y costau yma’n llawer llai.

Mae angen lle diogel i fyw ar bob un ohonom.

Mae faint y bydd hynny’n costio yn dibynnu ar nifer o bethau, megis:

• math o dai
• lle y mae yn y wlad
• a ydych chi’n rhannu’r gost
• a ydych chi’n rhentu neu’n talu morgais.

Mewn mannau lle bydd llawer o bobl am fyw, fel dinasoedd mawr, gall costau llety fod yn llawer uwch nag ychydig filltiroedd i ffwrdd.

Ar gyfer eich cartref cyntaf efallai y byddwch am ystyried rhannu gydag eraill i geisio rhannu’r costau.

Mae’n hawdd prynu’r bwyd rydych ei angen pan fyddwch ei angen, bob dydd yn aml iawn.

Er y gall ymddangos yn ddrutach ar y pryd, yn aml iawn mae’n rhatach siopa unwaith yr wythnos.

Felly gallwch osod cyllideb wythnosol i chi’ch hun a chadw ati.

Mae'n hawdd i gael eich temptio gan yr holl gynigion a bargeinion mewn archfarchnadoedd mawr. Ond gwnewch yn siŵr rydych angen y pethau y byddwch yn eu prynu cyn i chi wario mwy nag sydd raid, neu wastraffu bwyd.

Gallwch hefyd geisio prynu brand yr archfarchnad ei hun neu’r dewis rhataf bob tro a all fod yn llawer rhatach na’r enwau cyfarwydd.

Mae cyfleustodau yn golygu nwy, trydan a dŵr.

Ni allwch newid cost eich biliau dŵr gan ei fod wedi'i osod gan eich cyflenwr rhanbarthol. Yn yr Alban, hwn fydd eich cyngor lleol oni bai eich bod ar fesurydd dŵr.

Fodd bynnag, gallwch fargeinio â'ch cyflenwr nwy a thrydan neu ei newid - felly gwnewch yn siŵr eich bod yn edrych o gwmpas am y bargeinion gorau.

Mae pob cwmni nwy a thrydan yn cynnig ystod o brisiau, yn yr un modd â ffonau symudol. Felly treuliwch amser yn sicrhau eich bod ar y tariff gorau i chi.

Mae newid cyflenwr yn hawdd a gall eich helpu i arbed llawer iawn o arian.

Gall hyn fod yn llawer mwy nag yr ydych yn ei ddisgwyl ar ôl ystyried y petrol, yr yswiriant, a’r biliau trwsio.

Yn yr un modd â biliau cyfleustodau, gallwch arbed swm sylweddol o arian wrth newid darparwr band eang neu newid eich cytundeb ffôn symudol.

Felly, pan fyddwch chi’n derbyn cytundeb newydd, neu pan fydd eich hen un yn dod i ben, gwnewch yn siŵr eich bod chi’n cymharu’r bargeinion y gallwch eu cael i arbed arian.

Os byddwch yn ei chael hi’n anodd talu am gostau byw o ddydd i ddydd, efallai bod gennych hawl i rai budd-daliadau.