Mae gan fuddsoddwyr ystod eang o gynhyrchion buddsoddi i ddewis ohonynt, pob un â'i fanteision a'i anfanteision ei hun. Yma edrychwn ar y prif fathau o fuddsoddiadau sydd ar gael a beth i'w ddisgwyl ganddynt.
Beth sydd yn y canllaw hwn
Cynhyrchion buddsoddi
Gallwch fuddsoddi'n uniongyrchol mewn buddsoddiadau, fel cyfranddaliadau, ond mae ffordd fwy poblogaidd i fuddsoddi ynddynt yn anuniongyrchol trwy gronfa fuddsoddi. Dyma lle mae'ch arian yn cael ei gyfuno â buddsoddwyr eraill a'i wasgaru ar draws amrywiaeth o wahanol fuddsoddiadau, gan helpu i leihau risg. Mae llawer o wahanol ffyrdd o gael gafael ar gronfeydd buddsoddi, megis trwy bensiynau personol, Cyfrifon Cynilo Unigol (ISAs) a phensiynau gweithle.
Mae'r tabl isod yn disgrifio'n fyr y ffyrdd mwyaf poblogaidd i fuddsoddi'ch arian.
Hefyd, edrychwch ar y nodyn o dan y tabl ar sut y gallai lefel y ffioedd a godir effeithio ar unrhyw enillion posib a gewch.
Ydych angen cymorth yn gwneud dewisiadau buddsoddi craff?
Ydach chi'n ansicr am p'un ai fuddsoddi eich arian ai peidio, neu ddim yn gwybod ble i gychwyn?
Am gymorth i wneud dewisiadau buddsoddi craff, deall risg, arallgyfeirio a ble i ddarganfod buddsoddiadau wedi eu rheoleiddio, darganfyddwch mwy ar wefan InvestSmart yr Awdurdod Ymddygiad Ariannol
| Cynhyrchion buddsoddi (anuniongyrchol h.y. cynhyrchion y gellir cyrchu cronfeydd buddsoddi drwyddynt). | Sut mae’n gweithio |
|---|---|
|
Ffordd o ennill llog di-dreth ar eich cynilon. Dim ond un ISA Arian Parod y gallwch ei agor bob blwyddyn, ond mae'n bosibl trosglwyddo i ISA Arian Parod arall neu ISA Stociau a Chyfranddaliadau gyda darparwr arall yn ystod y flwyddyn dreth. |
|
|
Ffordd ddi-dreth o fuddsoddi mewn cyfranddaliadau neu gronfeydd buddsoddi, hyd at derfyn blynyddol (ar hyn o bryd £20,000 ar gyfer 2024/25). Ar gyfer ISAs Prydeinig, y terfyn di-dreth yw £5,000. Mae llawer o ymddiriedolaethau uned ac OEICs yn dod wedi’u pecynnu ymlaen llaw fel ISAs. Fel arall, gallwch ddewis dros eich hun pa fuddsoddiadau a chronfeydd i'w rhoi yn eich ISA. |
|
|
Ffordd o fuddsoddi ar gyfer y dyfodol, â chyfraniad ‘atodol’ gan eich cyflogwr a rhyddhad treth gan y llywodraeth. Buddsoddir eich arian mewn cronfeydd cyfun. |
|
|
Ffordd o fuddsoddi ar gyfer y dyfodol, â rhyddhad treth gan y llywodraeth. Buddsoddir eich arian mewn cronfeydd cyfun. Gallwch ddefnyddio pensiwn personol os nad oes mynediad gennych i bensiwn gweithle. Nid ydych eisiau colli allan ar gyfraniadau eich cyflogwr. |
Gallwch ddarganfod mwy am fuddsoddiadau uniongyrchol a chronfeydd buddsoddi anuniongyrchol ar wefan yr FCAYn agor mewn ffenestr newydd.
Mae ein blog Risgiau buddsoddi a sgam gyda chryptoarian hefyd yn dweud wrthych am y risgiau sy'n gysylltiedig â chryptoarian a beth i wylio allan amdano.
Pam mae ffioedd yn bwysig
Gall ffioedd a thaliadau leihau eich enillion buddsoddi, yn enwedig dros gyfnod hwy o amser. Pan fyddwch yn buddsoddi’n uniongyrchol, fel arfer bydd rhaid i chi dalu taliadau ‘delio’.
Mae'r ffioedd yn amrywio yn ôl y gronfa, cynnyrch a darparwr ac nid ydynt bob amser yn hawdd eu gweld. Efallai y bydd ffioedd hefyd am lwyfannau cronfa neu gyngor ariannol, yn dibynnu ar sut rydych yn prynu'ch cronfeydd.
Y rhif i edrych amdano mewn dogfennau cronfa fel y Ddogfen Gwybodaeth Buddsoddwyr Allweddol (KIID) yw'r Ffigur Taliadau Parhaus (OCF).
Mae'r OCF yn ystyried y tâl rheoli blynyddol (AMC) a holl gostau rhedeg y gronfa.
Camau nesaf
Unwaith y byddwch yn gwybod pa fath o fuddsoddiad, cronfa neu gynnyrch a allai fod yn addas i chi, rydych yn barod i feddwl am fuddsoddi.
Darganfyddwch fwy yn ein canllaw Canllaw dechreuwyr i fuddsoddi
Help gyda chostau byw
Poeni am arian oherwydd rhenti cynyddol, biliau ynni uchel neu ddyled? Os felly, rydym yma i helpu.
Cymerwch y camau cyntaf i ddod o hyd i’ch ffordd ymlaen gyda’n canllawiau i’ch helpu gyda chostau byw.
