Mae cynllun pensiwn hunan-weinyddu bach yn fath o bensiwn, fel arfer yn bensiwn gweithle cyfraniad, wedi’i diffinio a all roi hyblygrwydd buddsoddi ychwanegol.
Sut mae cynlluniau pensiwn hunan-weinyddu bach yn gweithio
Yn gyffredinol, mae cynlluniau pensiwn hunan-weinyddu bach (SSAS), yn cael eu sefydlu i ganiatáu i nifer fach o staff uwch mewn cwmni adeiladu cronfa o arian.
Yn gyffredinol, mae aelodaeth wedi'i gyfyngu i ddim mwy nag 11 aelod. Yn aml, cyfarwyddwyr cwmni neu uwch swyddogion gweithredol yw'r rhain. Fodd bynnag, gallant fod yn agored i weithwyr eraill a hyd yn oed aelodau o'r teulu.
Mae SSAS yn fath arbenigol o gynllun pensiwn cyfraniad wedi’i diffinio a noddir gan gyflogwr.
Mae gwerth hawl yr aelod o’r SSAS pan fyddant yn ymddeol yn dibynnu ar:
- faint o arian sydd wedi'i dalu ar ran yr aelod hwnnw
- faint o amser y mae pob cyfraniad wedi'i fuddsoddi
- twf buddsoddiad dros y cyfnod hwn a lefel y taliadau (os yw'n berthnasol).
Pan fyddant yn ymddeol, bydd aelodau fel arfer yn gallu cymryd hyd at 25% o'u cronfa fel cyfandaliad di-dreth. Defnyddir y gweddill i ddarparu incwm. Mae opsiynau erall fodd bynnag, y byddwn yn siarad amdanynt isod:
Angen mwy o wybodaeth am bensiynau?
Ffoniwch ni am ddim ar 0800 011 3797 neu defnyddiwch ein gwe-sgwrsYn agor mewn ffenestr newydd. Bydd un o’n harbenigwyr pensiwn yn hapus i ateb eich cwestiynau.
Mae ein help yn ddiduedd ac am ddim i’w ddefnyddio, p’un ai yw hynny ar-lein neu dros y ffôn.
Amseroedd agor: Dydd Llun i Ddydd Gwener, 9am i 5pm. Ar gau ar wyliau banc.
Mae cwmnïau yswiriant a darparwyr pensiwn eraill yn cynnig SSASs.
Mae SSAS yn cael ei redeg gan ei ymddiriedolwyr, a fyddai hefyd fel arfer yn aelodau o'r cynllun.
Gwneir cyfraniadau SSAS gan yr aelodau a/neu'r cyflogwr.
Mae cyfraniadau gan aelodau unigol yn gymwys i gael rhyddhad treth. Tra gallai cyfraniadau a wneir gan y cyflogwr fod yn ddidynadwy yn erbyn elw, yn destun i rai amodau.
Fel rheol, bydd SSASs yn derbyn trosglwyddiadau o bensiynau eraill os ydych am ddod â'ch pensiynau at ei gilydd.
Fel arfer gallwch hefyd drosglwyddo gwerth eich SSAS i bensiwn arall.
Y manteision o bensiwn SSAS
Un o brif fanteision SSAS yw y gall gynnig mwy o hyblygrwydd o ran lle y gellir buddsoddi'r arian.
Gall hyn gynnwys buddsoddi mewn asedau nad ydynt ar gael yn gyffredinol i lawer o fathau eraill o gynllun. Er enghraifft, gall SSAS brynu adeilad masnachu’r cwmni a’u prydlesu yn ôl i’r cwmni.
Fe allai hefyd, yn destun i rai telerau ac amodau, roi benthyg arian yn ôl i'r cwmni a phrynu cyfranddaliadau'r cwmni.
Gall SSAS hefyd fenthyg arian, yn destun i delerau ac amodau, at ddibenion buddsoddi. Er enghraifft, gallai'r SSAS godi morgais i helpu'r cynllun gyda phrynu adeilad y cwmni. Ac yna efallai y bydd yr ad-daliad morgais y mae'r cwmni'n ei dalu i'r SSAS yn cwmpasu'r ad-daliadau morgais yn eu cyfanrwydd neu'n rhannol.
Mae holl asedau SSAS yn cael eu dal yn enw'r ymddiriedolwyr.
Bydd rheolau’r cynllun yn dweud a ddyrennir ‘cronfa unigol’ i bob aelod neu a yw’r asedau’n cael eu cyfuno a bod gan bob aelod gyfran o asedau’r cynllun.
Oes gennych chi gwestiynau am sut y gall eich pensiwn gael ei dalu?
Ydych chi angen help i wneud synnwyr o sut a phryd y gallwch gael mynediad i'ch cronfa bensiwn, gallwch siarad ag arbenigwr Pension Wise. Mae Pension Wise yn wasanaeth gan y llywodraeth sy'n cynnig arweiniad diduedd am ddim dros y ffôn.
Tynnu’ch buddion o’r cynllun
Fel arfer, gallwch ddechrau tynnu buddion o'ch SSAS o 55 oed. Mae'r isafswm oedran yn cynyddu i 57 o 6 Ebrill 2028
Mae yna amryw o opsiynau am sut i gymryd yr arian pan fyddwch yn ymddeol. Mae'r rhain yn cynnwys:
- incwm gwarantedig
- incwm hyblyg
- un cyfandaliad neu fwy.
Fel arfer, gallwch gymryd hyd at 25% o werth eich cronfa yn ddi-dreth.
Darganfyddwch fwy yn ein canllaw Opsiynau i ddefnyddio eich cronfa bensiwn cyfraniadau wedi’u diffinio
Sut i sefydlu pensiwn SSAS
Os ydych yn ystyried sefydlu SSAS, mae'n bwysig cael cyngor arbenigol oherwydd gallant fod yn gymhleth.
I gael help i ddod o hyd i gynghorydd ymddeoliad, gweler ein cyfeirlyfr Dod o hyd i gynghorydd ymddeoliad
Os oes angen help arnoch i ddod o hyd i SSAS addas, mae chwilio'r cyfeiriadurYn agor mewn ffenestr newydd ar y Association of Member-Directed Pension Schemes (AMPS) yn lle da i ddechrau.
Help i ddefnyddio chwiliwr AMPS
- Wrth ddewis gwasanaeth i chwilio amdano, sicrhewch eich bod yn dewis yr opsiwn ‘SSAS Administrator’ neu ‘SSAS Professional Trustee’.
- Mae’n bwysig i wneud ymchwil i’r hyn sydd ei angen arnoch gan SSAS cyn gwneud y penderfyniad i agor un.
Cyn dewis SSAS efallai y byddwch hefyd am wirio bod:
Ymddiriedolwyr y SSAS wedi’u cofrestru gyda The Pensions Regulator (TPR). Darganfyddwch fwy am y gofrestr ar wefan TPRYn agor mewn ffenestr newydd
Y person neu gwmni rydych yn delio ag ef yn cael ei reoleiddio gan yr Awdurdod Ymddygiad Ariannol (FCA) ac, os yw’n berthnasol, wedi’i awdurdodi i ddarparu cyngor ar bensiynau. Chwiliwch y Financial Services Register ar wefan yr FCAYn agor mewn ffenestr newydd
Y cwmni yn bodoli ac nad oes ganddo ddogfennau heb eu casglu (fel cyfrifon). Chwiliwch y gofrestr ar wefan Tŷ'r CwmnïauYn agor mewn ffenestr newydd
Byddwch yn wyliadwrus o sgamiau
Gall sgamiau pensiwn fod yn anodd i’w hadnabod a’i hosgoi yn enwedig gan eu bod yn aml yn edrych fel cyfleoedd buddsoddi dilys.
