Os oes gennych gyflwr meddygol, neu os ydych erioed wedi cael salwch difrifol, gall fod yn anodd cael yswiriant teithio. Darganfyddwch sut i gael yr yswiriant rydych ei angen am y pris iawn.
Yswiriant teithio os oes gennych gyflwr meddygol
Cyn belled ag y byddwch chi'n datgan unrhyw gyflyrau iechyd presennol wrth gael dyfynbris, bydd llawer o yswirwyr yn parhau i ddarparu yswiriant teithio.
Mae cyflwr iechyd presennol fel arfer yn rhywbeth rydych chi, yn y ddwy flynedd ddiwethaf, wedi:
- gweld meddyg yn ei gylch neu
- gael triniaeth ar ei gyfer.
Efallai y bydd eich yswiriwr yn gofyn am eich hanes meddygol sy’n mynd ymhellach yn ôl ar gyfer rhai cyflyrau. Mae yswirwyr fel arfer eisiau gwybod:
- manylion am eich cyflwr iechyd neu anabledd
- sut y caiff eich gweithgareddau dydd-i-ddydd eu heffeithio fel arfer
- unrhyw drefniadau arbennig y gallech fod eu hangen, gan gynnwys offer meddygol.
Mae ein Cyfeirlyfr yswiriant teithio yn rhestru darparwyr sy'n arbenigo mewn yswiriant ar gyfer cyflyrau iechyd ac anableddau amrywiol. Gallai hyn hefyd helpu os ydych wedi cael eich gwrthod am yswiriant mewn mannau eraill.
Cyfeiriadur yswiriant teithio
Gallwch ddefnyddio ein Cyfeiriadur yswiriant teithio i ddod o hyd i ddarparwyr sy'n arbenigo mewn rhoi yswiriant i bobl sydd â chyflyrau iechyd neu anableddau presennol.
Beth sy’n cael ei ystyried yn gyflwr meddygol ar gyfer yswiriant teithio?
Dros 65 oed?
Bydd angen i chi rhoi gwybod am eich cyflyrau meddygol sy’n bodoli eisoes i gyd wrth brynu yswiriant teithio.
Os nad ydych yn sicr beth i roi gwybod am, mae’n bwysig peidio rhagdybio ei fod yn cael ei gynnwys. Gofynnwch eich darparwr yswiriant pob tro, neu gall unrhyw gais mae’n rhaid i chi ei wneud cael ei wrthod.
Mae gan wahanol gwmnïau yswiriant ddiffiniadau gwahanol. Ond mae’n debyg y bydd eich yswiriwr yn ystyried unrhyw un o’r canlynol fel cyflwr meddygol sy’n bodoli eisoes:
- unrhyw gyflwr rydych yn aros am lawdriniaeth ar ei gyfer
- unrhyw gyflwr rydych yn aros am ganlyniadau profion amdano ar hyn o bryd
- unrhyw gyflwr, hyd yn oed un bach, rydych wedi gweld meddyg amdano yn ystod y flwyddyn ddiwethaf
- unrhyw gyflwr difrifol – canser, trafferthion y galon, problemau anadlu – rydych erioed wedi’i gael.
Defnyddio brocer yswiriant teithio
Os nad ydych eisiau siopa o gwmpas am yswiriant eich hunain, gallwch, am gost, gofyn i frocer yswiriant wneud hwn ar eich rhan. Bydd dim ond angen i chi ddarparu eich manylion unwaith, a bydd y brocer yn danfon y rhain ymlaen i sawl yswiriwr gwahanol.
Gall brocer yswiriant hefyd eich cefnogi os oes angen i chi wneud cais.
Gallwch ddod o hyd i frocer yswiriant trwy’r British Insurance Brokers’ AssociationYn agor mewn ffenestr newydd
Yswiriant teithio os ydych yn teithio yn y DU
Hyd yn oed os nad ydych yn teithio dramor, mae’n dal yn syniad da cael yswiriant teithio.
Mae’r mwyafrif o bolisïau’n cynnwys yswiriant ar gyfer:
- bagiau yn cael eu colli neu eu dwyn
- costau meddygol brys
- costau canslo, gohirio neu dorri’ch taith yn fyr (bydd rhai polisïau’n talu os yw’n gysylltiedig â choronafeirws)
- atebolrwydd personol, rhag ofn eich bod wedi cael eich siwio am niweidio eiddo neu achosi anaf.
Darganfyddwch fwy yn ein canllaw am Yswiriant teithio – sut mae polisi da yn edrych?
A yw yswiriant teithio yn werth chweil?
Gallai teithio heb yswiriant, yn enwedig os oes gennych gyflwr meddygol difrifol, fod yn llawer mwy costus na chost polisi.
Gallai olygu peidio â chael y driniaeth rydych ei hangen yn gyflym neu wynebu biliau meddygol enfawr neu gostau uchel i’ch cael adref.
Felly, mae’n bwysig peidio â mentro teithio heb yswiriant.
Gwnewch gais am Gerdyn Yswiriant Iechyd Byd-eang (GHIC) am ddim
Cael mynediad at ofal iechyd sy'n angenrheidiol yn feddygol wrth ymweld dramor. Darganfyddwch fwy o wybodaeth am reolau GHIC a sut i wneud cais drwy'r GIGYn agor mewn ffenestr newydd
Beth dylwn ei wneud os na allaf gael yswiriant teithio?
Efallai na fydd yn bosibl cael yswiriant ar gyfer y daith roeddech wir wedi edrych ymlaen ati, naill ai oherwydd oedran neu resymau meddygol. Efallai na fydd hefyd yn bosibl cael yswiriant os ydych yn aros am ddiagnosis am gyflwr meddygol difrifol neu ddiagnosis diwygiedig o gyflwr iechyd sydd gennych eisoes.
Fodd bynnag, efallai y bydd gennych fwy o siawns os byddwch yn newid i:
- lleoliad arall – yn agosach i gartref efallai, neu
- o bolisi aml-daith i un daith.
Mae’n werth dyfalbarhau gan nad yw’r risgiau o deithio heb yswiriant – yn enwedig os oes gennych gyflwr meddygol – yn werth chweil.
Mae gan ein Cyfeirlyfr yswiriant teithio fanylion cyswllt darparwyr sy’n arbenigo mewn darparu yswiriant teithio i bobl â chyflyrau meddygol difrifol.
Yswiriant teithio a choronafeirws
Bydd gan y mwyafrif o bolisïau yswiriant teithio sy’n cael eu cyhoeddi nawr ryw fath o yswiriant coronafeirws ond, fel bob amser, darllenwch delerau’r polisi yn ofalus iawn.
Er enghraifft, os yw yswiriant rhag canslo oherwydd coronafeirws wedi’i gynnwys yn y polisi, fel arfer dim ond os yw’r deiliad polisi’n profi’n bositif am y feirws y bydd hyn yn berthnasol. Os oes rhaid i chi ganslo oherwydd bod rhaid i chi hunan-ynysu neu fod mewn cwarantin, yna ni fydd y rhan fwyaf o bolisïau’n talu allan.
Os oes gennych bolisi yswiriant teithio yn barod, gwiriwch y telerau’n ofalus i weld a oes gennych yswiriant os:
- rydych yn profi’n bositif am goronafeirws cyn i chi deithio,
- neu tra’ch bod ar eich taith.
Darllenwch ein canllaw llawn ar Coronafeirws, yswiriant teithio a chanslo gwyliau
Ymunwch â’n grŵp Facebook
Yn y grŵp yma, rydym yn siarad am bopeth sy’n ymwneud â chynnydd costau byw Ydych chi’n pendroni sut i gael dau ben llinyn ynghyd? Oes gennych chi gwestiynau budd-daliadau? Dim ond eisiau mynegi teimladau neu rannu rhwystredigaethau? Dyma’r lle i chi.
