Beth yw’r cynllun Gwarant Swyddi i bobl ifanc?
Mae’r llywodraeth wedi cyhoeddi’r cynllun Gwarant Swyddi newydd sy’n cael ei lansio ddiwedd mis Tachwedd. Mae wedi’i anelu at bobl ifanc rhwng 18 a 24 oed. Darganfyddwch beth mae’n ei olygu, pwy allai fod yn gymwys, pa newidiadau sydd ar y gweill a beth i’w wirio ynghylch cyflog a budd-daliadau.
Mae’r cynllun Gwarant Swyddi yn cynnig swydd â thâl am chwe mis i bobl rhwng 18 a 24 oed sy’n cael Credyd Cynhwysol ac yn chwilio am waith.
Mae’r swydd yn cynnwys cymorth wedi’i deilwra cyn ac yn ystod y lleoliad. Fodd bynnag, nid yw’n gwarantu cyflogaeth barhaol yn y tymor hwy. Ei nod yw eich helpu i feithrin sgiliau a phrofiad i’ch cefnogi i gael eich swydd nesaf a gwneud yn dda ynddi.
Beth sydd wedi’i gyhoeddi a phryd mae’r newidiadau’n dechrau?
Mae’r cynllun yn dechrau ddiwedd mis Tachwedd ac mae ar gyfer pobl rhwng 18 a 24 oed sy’n byw yng Nghymru, Lloegr ar Alban sydd wedi bod yn cael Credyd Cynhwysol am 18 mis. O fis Ebrill 2027, bydd y llywodraeth yn gwneud newidiadau pellach i’r cynllunYn agor mewn ffenestr newydd
Beth sy’n digwydd os ydw i’n byw yng Ngogledd Iwerddon?
Gan fod cymorth cyflogaeth a budd-daliadau wedi’u datganoli, nid yw Gogledd Iwerddon yn rhan o’r cynllun Gwarant Swyddi. Gweler rhagor am gyflogaeth, hyfforddiant, profiad gwaith a phrentisiaethauYn agor mewn ffenestr newydd ar nidirect.
Pwy sy’n gymwys ar gyfer Gwarant Swyddi a phryd?
- O ddiwedd mis Tachwedd 2026, os ydych rhwng 18 a 24 oed, yn byw yng Nghymru, Lloegr, neu’r Alban ac wedi bod yn cael Credyd Cynhwysol ac allan o waith am 18 mis, byddwch yn cael gwarant o swydd am chwe mis sy’n cyd-fynd â’ch sgiliau.
- Mae’n debygol y bydd hyn am hyd at 25 awr yr wythnos ar gyfradd yr isafswm cyflog ar gyfer eich oedran.
- O fis Ebrill 2027, bydd yr amser y mae angen i chi fod wedi bod yn hawlio Credyd Cynhwysol yn gostwng o 18 mis i 12 mis.
- O fis Ebrill 2027, os ydych yn cael yr elfen iechyd o Gredyd Cynhwysol ac nad oes rhaid i chi chwilio am waith fel arfer, byddwch yn gallu gwirfoddoli i gymryd rhan yn y cynllun.
Faint fyddwch chi’n cael eich talu ac am faint mae’r swydd yn para?
Mae faint y byddwch yn cael eich talu yn amrywio yn dibynnu ar eich oedran. Dim ond 25 awr yr wythnos y mae’r llywodraeth yn eu hariannu, ond efallai y bydd eich cyflogwr unigol yn dewis eich cyflogi am fwy o oriau’r wythnos.
Dyma enghraifft i ddangos faint y gallech gael eich talu am 25 awr yr wythnos ar yr isafswm cyflog cenedlaethol (cyfraddau 2026/27). Byddwch yn ennill:
21 oed a throsodd Mae’r Cyflog Byw Cenedlaethol yn £12.71 yr awr
- Cyflog wythnosol: £317.75 (12.71 x 25)
18 i 20 oed Mae’r Isafswm Cyflog Cenedlaethol yn £10.85 yr awr
- Cyflog wythnosol: £271.25 (10.85 x 25)
Mae hyn yn para am chwe mis. Bydd cyfraddau’r Isafswm Cyflog Cenedlaethol a’r Cyflog Byw Cenedlaethol yn cynyddu o fis Ebrill 2027.
Sut gallwch gael mynediad at y cynllun yn eich ardal?
Siaradwch â’ch anogwr gwaith yn y Ganolfan Byd Gwaith, a all eich paru gyda chyfle lleol unwaith y byddwch yn gymwys.
Gall Hybiau Ieuenctid lleol a ffeiriau swyddi Gwarant Ieuenctid helpu gyda chanllawiau, cymorth gyda CV, a mynediad at gyngor ar iechyd meddwl neu dai. Gallwch ddarganfod ble mae eich hyb ieuenctid lleolYn agor mewn ffenestr newydd drwy chwilio ar wefan eich cyngor lleol.
A fydd dechrau gweithio yn effeithio ar fy Nghredyd Cynhwysol a chymorth arall?
Nid oes terfyn incwm i fod yn gymwys am Gredyd Cynhwysol. Yn hytrach, mae eich taliad yn cael ei gyfrifo ar sail amgylchiadau eich cartref. Os ydych yn gweithio, mae eich Credyd Cynhwysol fel arfer yn lleihau’n raddol wrth i’ch enillion gynyddu, yn hytrach na dod i ben pan fydd eich enillion yn cyrraedd swm penodol.
Beth fydd yn digwydd i fy Nghredyd Cynhwysol?
Os ydych yn cael swydd o dan y Cynllun Gwarant Swyddi, byddwch fel arfer yn cael cynnig gwaith am 25 awr yr wythnos ar yr isafswm cyflog cenedlaethol. Fel gydag unrhyw waith â thâl, mae eich cyflog yn cael ei ystyried wrth gyfrifo swm eich Credyd Cynhwysol.
Os ydych yn cael lwfans safonol Credyd Cynhwysol o £338.58 y mis ar gyfer pobl sengl o dan 25 oed, byddai eich cyflogaeth â thâl o dan y cynllun Gwarant Swyddi yn golygu eich bod yn ennill gormod i fod yn gymwys am Gredyd Cynhwysol, a byddai eich lwfans yn gostwng i £0.
Fodd bynnag, mae eithriadau i hyn, er enghraifft, os ydych yn gyfrifol am blentyn, neu os oes gennych allu cyfyngedig i weithio oherwydd salwch neu anabledd. O dan yr amgylchiadau hyn, rydych yn cael ‘lwfans gwaith’.
Gweler ein canllaw Faint yw Credyd Cynhwysol sy’n egluro sut mae’n cael ei gyfrifo.
Beth fydd yn digwydd i fudd-daliadau eraill y gallwn fod yn eu cael?
Os ydych yn ennill arian o gyflogaeth â thâl, gan gynnwys swydd o dan y cynllun Gwarant Swyddi, gallai effeithio ar fudd-daliadau prawf modd eraill, fel cymorth gyda’r Dreth Gyngor, lle mae eich incwm a’ch cynilion yn cael eu hystyried.
Fel arfer, nid yw’n effeithio ar fudd-daliadau fel Taliad Annibyniaeth Personol (PIP) neu Daliad Anabledd i Oedolion (ADP) gan nad ydynt yn dibynnu ar brawf modd.
Os ydych yn dechrau gweithio, dylech bob amser roi gwybod i’r sefydliad sy’n talu eich budd-daliadau neu’ch cymorth fel newid mewn amgylchiadau. Gallai hyn fod yr Adran Gwaith a Phensiynau (DWP), Nawdd Cymdeithasol yr Alban neu’ch cyngor lleol.
Beth sy’n digwydd i fy mudd-daliadau os byddaf yn gwrthod swydd a gynigir o dan y cynllun?
Nid yw’r llywodraeth wedi cyhoeddi eto beth fydd yn digwydd i’ch budd-daliadau os ydych yn gymwys ar gyfer y cynllun ac yn gwrthod rôl a gynigir i chi, neu os ydych yn dechrau rôl ac yn ei gadael yn gynnar.
Pa gostau dylech gynllunio ar eu cyfer cyn eich diwrnod cyflog cyntaf?
Trafodwch â’ch ymgynghorydd neu’ch anogwr unrhyw gostau y bydd angen i chi gyllidebu ar eu cyfer cyn dechrau rôl o dan y cynllun. Cyfrifwch sut y byddwch yn talu am drafnidiaeth, dillad gwaith a gofal plant. Ni fydd eich lwfans Credyd Cynhwysol yn lleihau tan eich diwrnod cyflog cyntaf, er mwyn osgoi bwlch mewn incwm.
Ble gallwch gael help nawr?
Teclynnau a chanllawiau a allai fod yn ddefnyddiol i chi:
- Gwiriwch pa fudd-daliadau, arian ychwanegol a chymorth ychwanegol y gallech fod â hawl iddynt gyda’n Cyfrifiannell budd-daliadau
- Defnyddiwch ein Cynlluniwr cyllideb i helpu i gadw golwg ar eich arian
- Darganfyddwch am gymorth gyda chostau byw
- Hanfodion cyflogaeth - Sut rydych yn cael eich talu yn y gwaith a Deall eich slip cyflog
- Beth yw’r Isafswm Cyflog Cenedlaethol?
Pa gamau gallaf eu cymryd?
- Os ydych yn credu eich bod yn gymwys am fudd-daliadau, dylech wneud cais amdanynt.
- Os ydych eisoes yn hawlio budd-daliadau fel Credyd Cynhwysol a PIP neu ADP, parhewch nes y cysylltir â chi ynghylch y cynllun Gwarant Swyddi.
Ble gallaf gael rhagor o help i ddod o hyd i waith? Neu waith sy’n fwy addas i rywun sydd â fy anghenion?
Gweler rhagor o wybodaeth am:
- wasanaethau i bobl ifanc drwy’r Ganolfan Byd GwaithYn agor mewn ffenestr newydd
- hybiau ieuenctid a gwasanaethau gyrfaoeddYn agor mewn ffenestr newydd
- cael swydd os ydych rhwng 16 a 30 oed drwy’r King’s TrustYn agor mewn ffenestr newydd
- cynllun Gwarant Swyddi’r llywodraethYn agor mewn ffenestr newydd
- ein canllaw Help i ddod o hyd i waith os ydych yn anabl