Mae Credyd Cynhwysol yn cynnwys lwfans safonol misol, ynghyd ag arian ychwanegol ar gyfer costau tai, magu plant, gofalu a byw gyda salwch neu anabledd. Dyma beth sydd angen i chi ei wybod, gan gynnwys ein cyfrifiannell budd-daliadau am ddim.
Beth sydd yn y canllaw hwn
- Gweler faint y gallech ei gael gyda’n cyfrifiannell budd-daliadau am ddim
- Sut mae Credyd Cynhwysol yn cael ei gyfrifo
- Symiau lwfans safonol
- Cyfraddau Credyd Cynhwysol ar gyfer pob gwlad yn y DU
- Symiau elfen ychwanegol
- Sut y gallai eich taliad Credyd Cynhwysol newid bob mis
- Terfynau incwm a chynilion sy'n effeithio ar GredydCynhwysol
- Lwfans gwaith: beth ydyw a phwy sy'n ei gael
- Siaradwch ag ymgynghorydd Help i Hawlio Cyngor ar Bopeth i gael cyngor am ddim
Gweler faint y gallech ei gael gyda’n cyfrifiannell budd-daliadau am ddim
Bydd ein cyfrifiannell Budd-daliadau yn dangos yn gyflym:
- os gallech fod yn gymwys i gael budd-daliadau, gan gynnwys Credyd Cynhwysol
- faint o arian ychwanegol y gallech ei gael
- so gallech gael taliadau a gostyngiadau eraill.
Os ydych chi eisiau darganfod sut mae eich taliad Credyd Cynhwysol yn cael ei gyfrifo, rydym yn esbonio sut mae'r gwahanol rannau'n gweithio isod.
Sut mae Credyd Cynhwysol yn cael ei gyfrifo
Mae Credyd Cynhwysol yn cynnwys:
- lwfans safonol, ac
- Elfennau ychwanegol os ydych yn:
- gyfrifol am blant
- ofalwr di-dâl
- methu â gweithio oherwydd salwch neu anabledd, a/neu
- rhentu eich cartref.
Mae'n cael ei gyfrifo fel taliad misol sengl, ond efallai y cewch eich talu ddwywaith y mis os ydych yn byw yn yr Alban neu yng Ngogledd Iwerddon.
Symiau lwfans safonol
Mae'r lwfans Credyd Cynhwysol safonol a gewch yn seiliedig ar eich oedran ac os ydych yn byw gyda'ch partner.
| Eich sefyllfa | Swm misol ar gyfer blwyddyn dreth 2026/27 |
|---|---|
|
Sengl – dan 25 oed |
£338.58 |
|
Sengl – 25 neu drosodd |
£424.90 |
|
Mewn cwpl ac mae’r ddau ohonoch o dan 25 oed |
£528.34 (Cyfanswm ar gyfer y ddau ohonoch) |
|
Mewn cwpl ac mae un ohonoch yn 25 oed neu drosodd |
£666.97 (Cyfanswm ar gyfer y ddau ohonoch) |
Gallwch ddefnyddio ein Cyfrifiannell Budd-daliadau i weld eich swm wythnosol.
Bydd eich taliad Credyd Cynhwysol yn dod i ben pan fyddwch chi (neu'r ddau ohonoch, os ydych yn hawlio fel cwpl) yn cyrraedd oedran Pensiwn y WladwriaethYn agor mewn ffenestr newydd Er mwyn parhau i gael cymorth, bydd angen i chi wneud cais am Gredyd Pensiwn yn lle hynny.
Cyfraddau Credyd Cynhwysol ar gyfer pob gwlad yn y DU
Mae'r cyfraddau Credyd Cynhwysol safonol yr un fath ar draws Cymru, Lloegr, yr Alban, a Gogledd Iwerddon.
Fodd bynnag, gall y swm rydych chi'n ei dderbyn ar gyfer costau tai amrywio yn dibynnu ar ble rydych chi'n byw, eich rhent a'ch rheolau tai lleol. Mae yna hefyd rai gwahaniaethau yn y ffordd y mae Credyd Cynhwysol yn cael ei weinyddu mewn gwahanol rannau o'r DU.
Am fwy o wybodaeth, gweler ein canllawiau:
Symiau elfen ychwanegol
Ar ben eich lwfans safonol, efallai y byddwch yn gymwys i gael un neu fwy o daliadau ychwanegol yn dibynnu ar eich amgylchiadau personol.
Gelwir y rhain yn elfennau ychwanegol a gallant roi cefnogaeth i chi ar gyfer:
- costau plant a gofal plant
- costau tai
- gofalu (elfen gofalwr)
- salwch ac anabledd hirdymor (elfen gallu cyfyngedig i weithio a gweithgaredd sy'n gysylltiedig â gwaith).
Bydd ein cyfrifiannell Budd-daliadau yn dangos i chi pa rai y gallech fod yn gymwys i'w cael.
| Elfen ychwanegol | Swm misol ar gyfer blwyddyn dreth 2026/27 |
|---|---|
|
Plentyn – os ydych yn gofalu am blentyn o dan 16 oed neu berson ifanc cymwysYn agor mewn ffenestr newydd o dan 20 oedYn agor mewn ffenestr newydd
Mae'r terfyn ar gyfer dau blentyn wedi dod i ben. Os oes gennych fwy na dau o blant ac yn cael Credyd Cynhwysol, efallai y byddwch yn gallu hawlio swm ychwanegol ar gyfer eich trydydd plentyn neu blant dilynol. |
|
|
Costau gofal plant – os ydych chi a'ch partner (os oes gennych un) yn gweithio ac yn talu am ofal plant |
Hawliwch 85% o'ch costau yn ôl, hyd at:
|
|
Elfen Iechyd – os ydych yn sâl neu os oes gennych anabledd ac nad ydych yn gallu gweithio
Gallu cyfyngedig i weithio a gweithgaredd sy’n gysylltiedig â gwaith a gafodd ei ddyfarnu cyn 6 Ebrill 2026 neu os ydych chi’n derfynol wael, neu gyda chyflwr gydol oes ddifrifol - £429.80 |
£217.26 |
|
Gofalwr - os ydych yn ofalwr di-dâl i berson ag anabledd difrifol am o leiaf 35 awr yr wythnos |
£209.34 |
|
Costau tai – os ydych yn rhentu a/neu'n talu taliadau gwasanaeth |
Gellir dalu'r cyfan neu ran o'ch rhent, a rhai taliadau gwasanaeth. Gall y swm ddibynnu ar ble rydych chi'n byw, sut rydych chi'n rhentu a’r nifer o ystafelloedd gwely sydd eu hangen arnoch chi |
Sut y gallai eich taliad Credyd Cynhwysol newid bob mis
Mae’r cyfanswm o Gredyd Cynhwysol a gewch yn seiliedig ar eich enillion a'ch incwm am y mis blaenorol – sef eich cyfnod asesu.
Er enghraifft, os gwnaethoch gais am Gredyd Cynhwysol ar 5 Ionawr, byddai eich cyfnod asesu cyntaf yn rhedeg tan 4 Chwefror a byddai eich Credyd Cynhwysol yn cael ei dalu ar 11 Chwefror. Mae hyn oherwydd bod eich taliad cyntaf bum wythnos ar ôl eich hawliad.
Mae hyn yn golygu y gallai eich taliad newid (neu ddod i ben) yn seiliedig ar:
- faint oedd eich incwm arall yn y cyfnod asesu hwnnw, fel o:
- gyflogau neu bensiynau
- budd-daliadau eraill.
- os byddwch yn dechrau neu'n peidio â bod yn gymwys ar gyfer elfennau ychwanegol
- y swm oedd gennych mewn cynilion a buddsoddiadau
- Os ydych yn ad-dalu dyledion penodol o'ch taliad Credyd Cynhwysol.
Dyma sut y gallai eich taliad newid bob mis.
Terfynau incwm a chynilion sy'n effeithio ar GredydCynhwysol
Nid oes terfyn incwm i fod yn gymwys ar gyfer Credyd Cynhwysol. Yn hytrach, mae eich taliad yn cael ei gyfrifo yn seiliedig ar amgylchiadau eich cartref. Os ydych chi'n gweithio, mae eich Credyd Cynhwysol fel arfer yn lleihau'n raddol wrth i'ch enillion gynyddu, yn hytrach na dod i ben ar swm enillion sefydlog.
Os ydych yn ennill arian o waith cyflogedig
Fel arfer, bydd eich taliad Credyd Cynhwysol yn gostwng 55c am bob £1 rydych chi'n ei ennill (ar ôl tynnu treth ac Yswiriant Gwladol) trwy weithio.
Mae unrhyw swm a enillwch fel arfer yn lleihau eich taliad Credyd Cynhwysol, ond byddwch yn gymwys i gael lwfans gwaith os ydych chi neu'ch partner yn:
- yn gyfrifol am blentyn, neu
- methu gweithio llawer o oriau oherwydd salwch neu anabledd.
Mae hyn yn golygu y bydd eich taliad Credyd Cynhwysol ond yn lleihau 55c am bob £1 a enillwch dros eich lwfans.
Dyma'r lwfansau gwaith misol ar gyfer blwyddyn dreth 2026/27 (hyd at 5 Ebrill 2027):
- £427 os yw eich taliad Credyd Cynhwysol yn cynnwys costau tai, neu
- £710 os nad yw'n cynnwys costau tai.
Lwfans gwaith: beth ydyw a phwy sy'n ei gael
Lwfans gwaith yw'r swm y gallwch ei ennill cyn i'ch Credyd Cynhwysol ddechrau lleihau.
Efallai y byddwch yn gymwys i gael lwfans gwaith os ydych chi neu'ch partner:
- yn gyfrifol am blentyn, neu
- â gallu cyfyngedig i weithio oherwydd salwch neu anabledd.
Os yw lwfans gwaith yn berthnasol, bydd eich taliad Credyd Cynhwysol yn gostwng 55c am bob £1 rydych chi'n ei ennill dros eich lwfans.
Os ydych yn cael incwm o fudd-daliadau eraill neu bensiwn
Fel arfer, bydd eich taliad Credyd Cynhwysol yn gostwng £1 am bob £1 a gewch o bensiynau a budd-daliadau eraill.
Fodd bynnag, ni fydd rhai budd-daliadau yn lleihau eich taliad. Gweler entitledto am restr o'r incwm di-waithYn agor mewn ffenestr newydd a budd-daliadau eraillYn agor mewn ffenestr newydd a fydd yn lleihau eich taliad Credyd Cynhwysol.
Os oes mwy nag un person yn gofalu am yr un person, bydd angen i chi benderfynu pwy fydd yn cael yr elfen gofalwr.
Os oes gennych gynilion neu fuddsoddiadau
Os oes gennych chi a'ch partner gynilion neu fuddsoddiadau sydd gyda gwerth o:
- £6,000 neu lai, ni fydd eich taliad Credyd Cynhwysol yn newid.
- £6,001 i £16,000, bydd eich taliad yn mynd i lawr po fwyaf o gynilion sydd gennych
- Dros £16,000, ni fyddwch yn gymwys i gael unrhyw beth.
Am fwy o wybodaeth, gweler ein canllaw Sut mae cynilion a chyfandaliadau’n effeithio ar fudd-daliadau?
Os oes angen i chi ad-dalu dyledion o'ch taliad
Efallai y bydd eich taliad Credyd Cynhwysol yn gostwng hyd at 25% os ydych yn ad-dalu pethau fel:
- taliadau caledi
- taliadau neu fenthyciadau ymlaen llaw
- 'ôl-ddyledion trydydd parti', megis:
- dyled gyda landlord, darparwyr trydan, nwy a/neu ddŵr
- Treth Cyngor gorddyledus.
Ydych chi’n cael trafferthion gyda thaliadau?
Defnyddiwch ein Teclyn Lleolwr cyngor ar ddyledion i ddod o hyd i gyngor ar ddyledion diduedd ac am ddim ar-lein, dros y ffon neu yn agos at le rydych yn byw.
Bydd eich datganiad ar eich cyfrif Credyd Cynhwysol ar-leinYn agor mewn ffenestr newydd yn dangos a oes unrhyw ddidyniadau.
Os ydych yn talu llawer o arian yn ôl i'r Adran Gwaith a Phensiynau (DWP) a'ch bod yn cael trafferth talu costau hanfodol eraill, fel rhent neu fwyd, gallwch gysylltu â chanolfan rheoli dyledion DWPYn agor mewn ffenestr newydd i weld a allwch chi gyfrifo cynllun ad-dalu mwy fforddiadwy.
Os ydych yn cael trafferth, siaradwch â chynghorydd dyled am ddim am help a ffyrdd fforddiadwy o fynd i’r afael â’ch dyled.
Os nad ydych yn bodloni amodau eich hawliad
I gael Credyd Cynhwysol, rhaid i chi fodloni'r amodau a nodir yn eich 'ymrwymiad hawlydd'. Er enghraifft, cytuno i wneud cais am nifer penodol o swyddi a mynychu sesiynau hyfforddi neu baratoi at waith. Er nad oes disgwyliad i bawb chwilio am waith.
Os na wnewch hynny, efallai y byddwch yn cael cosb a elwir yn sancsiwn. Mae hyn yn golygu y gall eich Credyd Cynhwysol leihau neu stopio am ychydig.
Am fwy o wybodaeth, gweler ein canllaw Sancsiynau budd-daliadau a beth i'w wneud amdanynt.
Os yw’ch taliad yn uwch na'r cap ar fudd-dal
Y cap ar fudd-dal yw'r uchafswm y gall eich cartref ei gael mewn budd-daliadau.
Ond efallai na fydd yn berthnasol i chi, er enghraifft os ydych dros oedran Pensiwn y Wladwriaeth, os oes gennych anabledd neu os ydych yn ennill dros swm penodol. Gweler GOV.UK am restr o pan nad ydych yn cael eich effeithioYn agor mewn ffenestr newydd
| Eich sefyllfa | Cap ar fudd-daliadau misol ar gyfer blwyddyn dreth 2026/27 |
|---|---|
|
Sengl (heb plant) |
£1,229.42 (£1,413.92 yn Llundain) |
|
Yn sengl ac yn byw gyda'ch plant,neu mewn cwpl ac yn byw gyda'ch partner |
£1,835 (£2,110.25 yn Llundain) |
Siaradwch ag ymgynghorydd Help i Hawlio Cyngor ar Bopeth i gael cyngor am ddim
Os oes angen mwy o help neu gefnogaeth arnoch ac eisiau siarad â rhywun yn gyfrinachol, gallwch siarad â ymgynghorydd ar-lein neu dros y ffôn.
Gallant eich helpu gyda:
sefydlu cyfrif:
- cyfeiriad e-bost
- cyfrif Credyd Cynhwysol
- cyfrif banc.
gweithio drwy'r rhestr o bethau i'w gwneud ar gyfer gwneud cais llwyddiannus
esbonio'r dyddlyfr ar-lein a sut mae'n cael ei ddefnyddio
cael mynediad i wasanaeth ceisiadau ffôn Credyd Cynhwysol
cael cymorth ymweliadau cartref yr Adran Gwaith a Phensiynau.
| Os ydych yn byw yn: | Gallwch gysylltu â: |
|---|---|
|
Lloegr |
|
|
Yr Alban |
|
|
Cymru |
|
|
Gogledd Iwerddon |
Gallwch hefyd:
- Ffonio’r llinell gymorth Credyd CynhwysoYn agor mewn ffenestr newydd l am ddim yng Nghymru, Lloegr a'r Alban neu'r Ganolfan Gwasanaeth Credyd Cynhwysol yng Ngogledd IwerddonYn agor mewn ffenestr newydd am help gyda'ch cais.
- Dod o hyd i ymgynghorydd arbenigol yn eich ardal chi ar Advicelocal i gael help a chymorth am ddim gyda budd-daliadau, gan gynnwys cyngor cyfrinacholYn agor mewn ffenestr newydd ynghylch a ddylech chi wneud cais am Gredyd Cynhwysol.
- Defnyddio Gwasanaeth Video Relay Iaith Arwyddion Prydain (BSL) i'ch helpu gyda chamau cynnar eich cais Credyd Cynhwysol.
Gallwch ddod o hyd i ragor o wybodaeth yma:
- Cymru: ewch i Cyngor ar Bopeth CymruYn agor mewn ffenestr newydd
- Lloegr: ewch i Cyngor ar BopethYn agor mewn ffenestr newydd
- Yr Alban: ewch i Citizens Advice ScotlandYn agor mewn ffenestr newydd
- Gogledd Iwerddon: ewch i nidirectYn agor mewn ffenestr newydd
