Beth yw tâl ychwanegol mewn yswiriant?

‘Tâl ychwanegol’ yw'r swm o arian y bydd yn rhaid i chi ei dalu os ydych yn gwneud hawliad yn erbyn eich yswiriant.

Y tâl ychwanegol yw'r rhan o'r hawliad rydych yn cytuno i'w dalu eich hun. Yna bydd eich cwmni yswiriant yn talu'r gweddill hyd at derfyn y polisi.

Mae eich tâl ychwanegol yn swm sefydlog y cytunwyd arno pan fyddwch yn cymryd polisi yswiriant. Byddwch yn gallu gweld y swm yn eich dogfennau polisi yswiriant.

Dyma enghraifft o sut y gallai tâl ychwanegol weithio.

• mae gennych bolisi yswiriant car gyda thâl ychwanegol o £250

• rydych yn gwneud hawliad yn erbyn eich yswiriant am waith drwsio sy'n costio £2,000

• mae eich cais yn llwyddiannus

• mae eich yswiriwr yn cymryd £250 allan o'r bil trwsio o £2,000, sy'n golygu y byddwch yn derbyn £1,750 i dalu am y gwaith trwsio.

Wrth brynu polisi yswiriant car, mae dau fath o dâl ychwanegol i fod yn ymwybodol ohonynt:

• tâl ychwanegol gorfodol

• tâl ychwanegol gwirfoddol.

Mae hyn yn dâl ychwanegol y mae'r darparwr yswiriant yn ei ychwanegu at y polisi yn ddiofyn. Fel arfer, ni allwch newid y swm hwn.

Dyma'r swm ychwanegol y gallwch ddewis ei ychwanegu at eich polisi, yn aml fel ffordd o ostwng y gost yswiriant cyffredinol.

Mae'n cael ei ychwanegu at eich tâl ychwanegol gorfodol, felly os ydych yn cael polisi yswiriant gyda:

• £100 o dâl ychwanegol gorfodol a

• £100 o dâl ychwanegol gwirfoddol

bydd £200 yn cael ei dynnu o unrhyw hawliad yswiriant.

Yn aml bydd yn gwneud hynny, ond nid hynny yw’r dewis gorau bob amser.

Wrth gymharu cytundebauyswiriant car, un ffordd o ddod o hyd i brisiau is yw addasu'r swm y byddwch chi'n ei ychwanegu fel tâl ychwanegol gwirfoddol. Mae tâl ychwanegol gwirfoddol uwch yn golygu y bydd eich polisi yswiriant yn rhatach i'w brynu.

Ond meddyliwch yn ofalus:

• A yw'r premiwm yn ddigon isel i fod yn werth y tâl ychwanegol uwch y byddwch yn ei dalu os byddwch yn gwneud hawliad?

• Os oes angen i chi wneud hawliad, a fyddwch yn gallu fforddio'r swm ychwanegol y bydd yn ei gostio?

Efallai y bydd ffyrdd gwell o ostwng eich costau yswiriant – mae ein blog Sut i gael yswiriant car rhatach yn edrych ar rai o'ch opsiynau eraill.

Os ydych wedi cael damwain nad chi oedd ar fai, fel arfer bydd angen i gwmni yswiriant y gyrrwr a achosodd y ddamwain dalu am eich tâl ychwanegol.

Os yw'ch yswiriwr neu'ch cwmni hurio credyd yn delio â'ch hawliad, dylent gael y tâl ychwanegol yn ôl i chi os yw'n amlwg nad chi oedd ar fai, er enghraifft:

• os nad oeddech yn y car ar adeg y ddamwain neu

• os nad oedd eich car yn symud ar adeg y ddamwain.

Nid yw pob cwmni yswiriant yn ei drin yn yr un ffordd, felly siaradwch â'ch yswiriwr i ddarganfod beth maen nhw'n bwriadu ei wneud. Os oes gennych yswiriant treuliau cyfreithiol, efallai y bydd hyn hefyd yn cynnwys eich tâl ychwanegol ac unrhyw dreuliau eraill sy’n dod allan o’ch poced.

Fel arall, efallai y bydd angen i chi hawlio'r swm yn ôl gan gwmni yswiriant y gyrrwr arall. Os ydynt yn cymryd gormod o amser neu'n gwrthod eich talu, efallai y bydd angen i chi fynd â'r cwmni yswiriant neu'r gyrrwr i'r llys.

Mae tâl ychwanegol mewn yswiriant teithio yn gweithio'n debyg i bolisïau eraill - bydd angen i chi dalu'r tâl ychwanegol tuag at unrhyw hawliad a wnewch.

Fodd bynnag, byddwch yn ymwybodol bod polisïau yswiriant teithio fel arfer yn cynnwys sawl rhan, a bod eich tâl ychwanegol yn cael ei gymhwyso 'fesul adran'. Er enghraifft, os bydd rhywbeth yn digwydd a bod angen i chi hawlio yn erbyn:

• yr adran treuliau meddygol

• yr adran eiddo personol ac

• yr adran arian

o'ch polisi, bydd yn rhaid i chi dalu’r tâl ychwanegol dair gwaith.

Dysgwch fwy yn ein canllaw Beth yw yswiriant teithio?

Bydd rhai darparwyr yn cynnig yr opsiwn hwn. Gellir ei alw'n 'hepgor y tâl ychwanegol' y gallwch ei ychwanegu at un o'u polisïau safonol.

Bydd hyn yn cynyddu cost prynu'r polisi, felly meddyliwch yn ofalus ai hyn fyddai’r dewis iawn i chi.

Mae tâl ychwanegol mewn yswiriant cartref yn debyg i yswiriant car. Fel arfer, bydd gennych chi:

• tâl ychwanegol gorfodol – swm sefydlog a bennir gan y cwmni yswiriant.

• tâl ychwanegol gwirfoddol – swm y gallwch ei ddewis ar ben y tâl ychwanegol gorfodol i geisio gostwng cost y polisi.

Os ydych chi'n cael y ddau:

• yswiriant cynnwys, sy'n cynnwys eich eiddo yn y cartref ac

• yswiriant adeiladau, sy'n cwmpasu'r cartref ei hun

Yn aml fe welwch fod y taliadauychwanegol yn wahanol ar gyfer pob rhan o'r yswiriant.

Efallai y gwelwch hefyd fod gan rai mathau o hawliad dâl ychwanegol uwch. Fel arfer, bydd hawliadau sy'n ymwneud â difrod a achosir gan lifogydd neu ymsuddiant yn codi tâl ychwanegol uwch, felly mae'n werth edrych trwy'ch manylion polisi i'w gwirio.

Os ydych chi'n byw yn rhywle sydd â risg uchel o lifogydd, mae help ar gael i ddod o hyd i yswiriant fforddiadwyYn agor mewn ffenestr newydd ar Flood Re.

Os oes gennych bolisi yswiriant iechyd, bydd eich tâl ychwanegol yn gweithio mewn ffordd debyg i yswiriant car neu deithio.

Bydd yn rhaid i chi dalu'r tâl ychwanegol ar unrhyw hawliad a wnewch am driniaethau gofal iechyd.

Efallai y bydd yn rhaid i chi dalu'r tâl ychwanegol sawl gwaith os ydych yn hawlio am:

• mwy nag un person neu

• mwy nag un driniaeth.

Bydd gan rai polisïau derfyn ar faint o daliadau ychwanegol y gallwch eu talu bob blwyddyn - gwiriwch eich dogfennau polisi i weld a yw hyn yn berthnasol i chi.

Dysgwch fwy yn ein canllaw Beth yw yswiriant meddygol preifat?

Mae tâl ychwanegol mewn yswiriant anifeiliaid anwes yn gweithio'n debyg i yswiriant car – fel arfer bydd gennych:

• dâl ychwanegol gorfodol, sy'n cael ei ychwanegu gan y cwmni yswiriant – yn aml mewn yswiriant anifeiliaid anwes byddwch yn cael ystod o opsiynau ar gyfer y tâl ychwanegol gorfodol

• tâl ychwanegol gwirfoddol, y gallwch ei ychwanegu ar ben y tâl ychwanegol gorfodol i ostwng cost prynu'r polisi.

Byddwch wedyn yn talu cyfanswm y tâl ychwanegol gorfodol a gwirfoddol pryd bynnag y byddwch yn gwneud hawliad.

Mae trydydd math o dâl ychwanegol yn bodoli o'r enw cyd-daliadau. Fel arfer, ychwanegir hyn at bolisïau ar gyfer anifeiliaid anwes sy'n cyrraedd oedran penodol, yn aml ar bolisïau ar gyfer cŵn.

Gyda chyd-daliadau, bydd angen i chi dalu canran o'ch biliau milfeddyg. Fel arfer caiff ei ychwanegu ar ben eich tâl ychwanegol gorfodol a gwirfoddol.

Bydd rhai polisïau anifeiliaid anwes yn cynnwys cyd-daliadau fel amod safonol. Mae hyn yn golygu efallai y bydd yn rhaid i chi dalu canran am unrhyw driniaeth a ddarperir o dan eich polisi yswiriant.

Dysgwch fwy yn ein canllaw Yswiriant Anifeiliaid Anwes – oes ei angen arnoch?

Peidiwch â chael eich drysu - mae atebolrwydd tâl ychwanegol yn rhywbeth gwahanol iawn i ‘dâl ychwanegol’ mewn yswiriant car a theithio.

Mae atebolrwydd tâl ychwanegol, a elwir weithiau'n yswiriant ymbarél, yn fath o yswiriant busnes. Mae'n darparu amddiffyniad ychwanegol i fusnes ar ben eu hyswiriant atebolrwydd safonol.