Lwfans Priodas a Pâr Priod

Os ydych yn briod neu mewn partneriaeth sifil, gall un ohonoch drosglwyddo hyd at £1,260 o’ch Lwfans Personol i’r llall.

Dyma 10% o’r Lwfans Personol sylfaenol o £12,570 ar gyfer blwyddyn dreth 2025/26. (Lwfans Personol Sylfaenol yw swm yr incwm nad oes yn rhaid i chi dalu treth arno.)

Mae’r trosglwyddiad hwn yn lleihau treth partner hyd at £252 yn y flwyddyn dreth (6 Ebrill i 5 Ebrill y flwyddyn nesaf).

Weithiau cyfeirir at Lwfans Priodas fel y Lwfans Treth Priodas.

Efallai y byddwch yn gymwys i gael Lwfans Priodas:

• rydych yn briod neu mewn partneriaeth, sifil ac nid ydych yn derbyn Lwfans Pâr Priod
• os nad ydych yn talu treth incwm neu’n ennill llai na’r Lwfans Personol felly dydych chi ddim yn atebol i dreth. Bydd hyn fel arfer yn golygu incwm o lai na £12,570 am 2025/26.
• Os ydy’ch partner yn talu treth ar eu hincwm ar y gyfradd sylfaenol felly dydyn nhw ddim yn atebol am dreth ar y cyfraddau uwch neu ychwanegol. Bydd hyn fel arfer yn golygu bod gan eich partner incwm rhwng £12,571 a £50,270 cyn iddynt dderbyn y Lwfans Priodas. Os ydych yn Yr Alban, mae’n rhaid i’ch partner dalu’r gyfradd gychwynnol, sylfaenol neu ganolradd, sydd fel arfer yn golygu bod eu hincwm rhwng £12,571 a £43,662.

Mae Lwfans Priodas yn golygu y bydd y partner sy’n ennill mwy yn cael £1,260 wedi ei ychwanegu at ei Lwfans Personol sylfaenol.

O'r swm o arian a drosglwyddwyd i bartner fel rhan o’r Lwfans Priodas - rhoddir 20% fel gostyngiad yn eu bil treth. Mae hyn yn wahanol i’r Lwfans Personol - sy’n cael ei ddidynnu o incwm trethadwy cyn cyfrifo treth.

Bydd cod treth y partner sy’n cael y Lwfans Priodas fel arfer yn newid i ‘M’.

Mae hyn yn dangos eu bod yn cael Lwfans Priodas gan eu partner.

Os cyflogir y partner a drosglwyddodd ei Lwfans Personol, bydd ei god treth yn newid i ‘N’. Mae hyn yn dangos eu bod wedi dewis defnyddio’r Lwfans Priodas.

Gallwch ymgeisio ar-lein i HMRCYn agor mewn ffenestr newydd ar wefan GOV.UK. Y cyfan sydd ei angen arnoch yw eich rhif Yswiriant Gwladol a’ch cerdyn adnabyddiaeth.

Gallwch hefyd ymgeisio ar y ffôn ar 0300 200 3300. Mae’r llinellau ar agor o ddydd Llun i ddydd Gwener: 8am i 6pm, efallai y bydd costau galwadau

Rhaid i chi fodloni’r meini prawf ar gyfer pob blwyddyn yr ydych chi’n ymgeisio ar eu cyfer.

Cofiwch fod y trothwy ar gyfer rhai nad ydynt yn talu treth a threthdalwyr ar y gyfradd sylfaenol yn wahanol yn ôl y flwyddyn dreth rydych yn hawlio ar ei chyfer.

Gallwch ôl-ddyddio eich hawliad am hyd at bedair blynedd.

Gallwch wneud cais ar-lein i Gyllid a Thollau EMYn agor mewn ffenestr newydd ar GOV.UK.

Os bu farw’ch partner, a’ch bod chi’n bodloni’r meini prawf eraill ar gyfer Lwfans Priodas, fe allech chi ymgeisio am y budd.

Byddwch yn gallu gwneud cais am ôl-ddyddiad budd-dal o hyd at bedair blynedd, hyd at y flwyddyn y bu farw eich partner.

I wneud cais am Lwfans Priodas os yw’ch partner wedi marw trwy ffonio 0300 200 3300. Mae’r llinellau ar agor o ddydd Llun i ddydd Gwener: 8am i 6pm, efallai y bydd costau galwadau

Lle mae un partner neu’r ddau ohonynt wedi’u geni cyn 6 Ebrill 1935, effallai gallwch chi hawlio lwfans mwy hael, o’r enw Lwfans Pâr Priod.

Ar gyfer priodasau cyn 5 Rhagfyr 2005, defnyddir incwm y gŵr i gyfrifo’r Lwfans Pâr Priod. Er gellir ei drosglwyddo i’r wraig.

Ar gyfer priodas a phartneriaethau sifil ar ôl y dyddiad hwn, incwm yr un sy’n ennill y mwyaf sy’n cyfrif.

Y rhyddhad treth ar gyfer y Lwfans Pâr Priod yw 10%.

Mae gan y budd hwn derfynau uchaf ac isaf ar gyfer swm y dreth y gellir ei hawlio a faint y gellir ei ennill.

Ar gyfer blwyddyn dreth 2025/26, gallai hyn leihau eich bil treth rhwng £401 a £1,037 y flwyddyn.