Dechreuwch y sgwrs am y gefnogaeth ariannol sydd ar gael yn yr Alban
Awdur
Karyn Dunning | Deputy Director for Low-Income Benefits and Operational Improvement, Social Security Scotland
Oeddech chi’n gwybod mai ar lafar yw’r ail ffordd fwyaf poblogaidd o ddarganfod gwybodaeth am Social Security Scotland? Rydym yn darparu 17 budd-dal i deuluoedd, cartrefi incwm isel, pobl anabl, pobl o oedran Pensiwn y Wladwriaeth a gofalwyr, ac mae rhai ohonynt yn fudd-daliadau sy’n unigryw i ddinasyddion yr Alban.
Os ydych yn adnabod rhywun a allai fod yn gymwys i gael cefnogaeth, rydym yn eich annog i ddechrau’r sgwrs gyda nhw er mwyn iddynt allu gwirio pa fudd-daliadau y gallent fod yn gymwys i’w cael.
Cefnogaeth tuag at gostau bod yn feichiog neu ofalu am blentyn
Mae tri thaliad teulu yn cefnogi rhieni, gofalwyr a phlant o feichiogrwydd nes iddynt droi'n 16 oed.
Mae Best Start FoodsYn agor mewn ffenestr newydd yn helpu teuluoedd gyda chost bwydydd iach drwy gydol beichiogrwydd, nes bod eu plentyn yn troi'n 3 oed.
Mae taliadau’r Best Start GrantYn agor mewn ffenestr newydd yn darparu cymorth yn ystod beichiogrwydd neu ar ôl i'r babi gael ei eni, pan fydd plentyn yn oedran meithrin, a phan fydd plentyn yn ddigon hen i ddechrau'r ysgol gynradd.
Caiff y Scottish Child PaymentYn agor mewn ffenestr newydd ei dalu bob pedair wythnos i gefnogi teuluoedd o incwm isel ar gyfer pob plentyn dan 16 oed.
Mae cymhwysedd yn amrywio yn dibynnu ar y taliad ac oedran y plentyn.
Help ar gyfer pobl sy’n dechrau swydd newydd
Gallai pobl ifanc a phobl sy'n gadael gofal sydd wedi sicrhau swydd newydd yn ddiweddar fod yn gymwys i gael Job Start PaymentYn agor mewn ffenestr newydd
Mae’r Job Start Payment yn daliad un tro o £331.95 ac sy’n gallu helpu gyda chostau dechrau swydd newydd gan gynnwys teithio i’r gwaith, costau gofal plant neu brynu dillad newydd. Mae taliad uwch o £531.10 ar gael i bobl sy’n brif ofalwyr plant.
Gall pobl wneud cais am y taliad hyd at chwe mis ar ôl dyddiad y cynnig swydd. Mae Social Security Scotland yn annog pobl i weld a ydynt yn gymwys ar gyfer y Job Start Payment ac i wneud cais heddiw.
Cefnogaeth ariannol ar gyfer gofalwyr a phobl anabl
Mae Social Security Scotland hefyd yn gwneud y taliadau ar gyfer pobl anabl gan gynnwys Child Disability Payment, Adult Disability Payment a Pension Age Disability PaymentYn agor mewn ffenestr newydd Gall pobl sydd â diagnosis afiechyd terfynol wneud cais trwy lwybr carlam. Gall gofalwyr wneud cais am Carer Support PaymentYn agor mewn ffenestr newydd a Young Carer GrantYn agor mewn ffenestr newydd
Help gyda chostau angladd
Mae’r Funeral Support PaymentYn agor mewn ffenestr newydd wedi helpu miloedd o bobl sydd wedi gorfod talu am angladd. Mae ar gael i bobl cymwys yn yr Alban sydd angen cymorth ar ôl i rywun farw. Gall cael ei ddefnyddio ar gyfer costau angladd babi, plentyn neu oedolyn. Mae’r taliad hefyd yn cynnwys babanod marw-anedig. Gall cynnwys costau claddu neu amlosgi ynghyd â chostau trafnidiaeth a theithio a chostau gweinyddol eraill.
I wirio a ydych yn gymwys ac i wneud cais am fudd-daliadau, ewch i mygov.scotYn agor mewn ffenestr newydd Fel arall, gallwch gysylltu trwy’r post neu dros y ffôn drwy ffonio Social Security Scotlant yn rhad ac am ddim ar 0800 182 2222. Gall pobl hefyd wneud cais wyneb yn wyneb gydag un o’n Client Support Advisers sydd wedi’u lleoli ym mhob ardal awdurdod lleol.
Mae gwybodaeth mewn ieithoedd eraillYn agor mewn ffenestr newydd ar gael a gall cyfieithydd ar y pryd gael ei drefnu os oes angen cefnogaeth ar bobl i wneud cais am fudd-daliadau.
