Ni fydd HelpwrArian byth yn gofyn i chi am arian

Yn ddiweddar, rydym wedi gweld e-byst sgam yn honni eu bod gan "Money Helper Ltd" ynglŷn â dyledion, CCJs a chamau cyfreithiol.  

Mae'r negeseuon hyn wedi'u cynllunio i ymddangos yn argyhoeddiadol. Efallai y byddant yn pwyso arnoch i weithredu'n gyflym. Os ydych chi'n derbyn neges fel hyn, cymerwch eiliad i wirio a yw'n ddilys cyn ymateb. 

Mae’r e-byst yn aml yn honni bod gennych ddyledion heb eu talu neu gyfrifon sydd mewn diffygdaliad. Gallant gyfeirio at: 

• gamau cyfreithiol
• CCJs 
• beilïaid  
• didyniadau o'ch cyflog. 

Gallant ymddangos â manylder ac yn broffesiynol, gan ddefnyddio iaith ffurfiol.  Mae rhai yn dweud mai dim ond ychydig o amser sydd gennych, fel 24 neu 48 awr i ymateb.

Gall sgamwyr: 

• honni eu bod yn ymgynghorwyr ariannol
• defnyddio hunaniaethau ffug a honni eu bod yn gweithio gyda ni, neu sefydliadau dibynadwy eraill.  
• sôn am gynlluniau ad-dalu, setliadau neu gymorth ariannol. 

Rydym wedi gweld enghreifftiau wedi’u hanfon o gyfrifon Gmail yn hytrach na chyfeiriadau e-bost swyddogol HelpwrArian, gan gynnwys cyfeiriadau fel:  

• moneyhelper373@gmail.com 
• steve.money.helper@gmail.com. 
• stephen.moneyhelper@gmail.com

Ni fyddwn byth yn:

• gofyn i chi wneud taliad drwy e-bost
• cysylltu â chi’n annisgwyl ynghylch dyledion nad ydych yn eu hadnabod
• rhoi pwysau arnoch i weithredu ar frys neu fygwth camau cyfreithiol
• defnyddio Gmail na chyfrifon e-bost personol
• gofyn i chi rannu gwybodaeth ariannol sensitif drwy e-bost. 

Mae rhai arwyddion rhybudd cyffredin yn cynnwys: 

• negeseuon sydd wedi'u marcio fel "brys", "hysbysiad terfynol" neu "angen gweithredu ar unwaith” 
• honiadau bod camau cyfreithiol neu orfodaeth ar fin digwydd
• ceisiadau am wybodaeth bersonol neu ariannol
• cyfeiriadau e-bost nad ydynt yn cyfateb i sefydliadau swyddogol
• pwysau i ymateb yn gyflym heb amser i wirio.

• peidiwch ag ateb, clicio ar ddolenni na lawrlwytho atodiadau
• peidiwch â rhannu gwybodaeth bersonol, bancio na diogelwch. 
• ewch i’n gwefan swyddogol HelpwrArian a defnyddio’r manylion cyswllt a restrir yno i wirio a yw neges yn ddilys.  

Gallwch roi gwybod am negeseuon e-bost gwe-rwydo amheus i report@phishing.gov.uk

I roi gwybod am dwyll yng Nghymru, Lloegr neu Ogledd Iwerddon, cysylltwch â Report Fraud Yn agor mewn ffenestr newydd neu ffoniwch 0300 123 2040Yn agor mewn ffenestr newydd. Yn yr Alban, cysylltwch â  Police Scotland drwy ffonio 101Yn agor mewn ffenestr newydd.

helpu i ddiogelu eich hun: 

• cymerwch amser i wirio negeseuon annisgwyl
• byddwch yn ofalus o unrhyw beth sy’n creu ymdeimlad o frys neu ofn
• gwiriwch gyfeiriadau e-bost yn ofalus. 
• peidiwch byth â rhannu cyfrineiriau na manylion bancio drwy e-bost
• dysgwch fwy am dactegau sgamiau cyffredin. 

Mae sgamwyr yn aml yn newid eu dull i wneud i negeseuon edrych yn ddilys. Hyd yn oed os yw neges yn creu ymdeimlad o frys neu'n peri gofid, gall stopio i wirio helpu i ddiogelu eich arian a'ch gwybodaeth bersonol. 

Darllenwch fwy am sgamiau cyffredin a sut i ddiogelu eich hun ar Sut i adnabod ac osgoi sgamiau 101.