Dyma help cam wrth gam ar gyfer gwneud cais am Gredyd Cynhwysol, gan gynnwys y gwaith papur sydd ei angen arnoch a llinellau cymorth am ddim y gallwch eu ffonio.
Beth sydd yn y canllaw hwn
- Cam 1: Gwiriwch eich cymhwysedd a faint y gallech ei gael
- Cam 2: Casglu gwybodaeth bwysig i gefnogi eich cais
- Cam 3: Gwiriwch na fyddwch yn colli unrhyw derfynau amser ymgeisio
- Cam 4: Gwneud cais am Gredyd Cynhwysol ar-lein neu dros y ffôn
- Cam 5: Arhoswch bum wythnos am eich taliad cyntaf
- Siaradwch ag ymgynghorydd Help i Hawlio Cyngor ar Bopeth am gyngor am ddim
Cam 1: Gwiriwch eich cymhwysedd a faint y gallech ei gael
Defnyddiwch ein cyfrifiannell Budd-daliadau am ddim i weld a ydych yn gymwys i gael Credyd Cynhwysol a darganfod faint y gallech ei gael. Bydd hefyd yn dangos i chi a allwch hawlio cymorth a grantiau eraill, fel Budd-dal Plant ac arian tuag at eich biliau gwresogi.
I fod yn gymwys am Gredyd Cynhwysol, fel arfer bydd angen i chi:
- bod yn 18 oed neu’n hŷn
- bod o dan oedran Pensiwn y Wladwriaeth
- byw yn y Deyrnas Unedig
- bod â llai na £16,000 mewn cynilion a buddsoddiadau
- ennill llai na swm penodol bob mis.
Mae eithriadau, fel gallu hawlio o 16 oed os oes gennych anabledd, os oes angen i chi fyw i ffwrdd o rieni neu rydych chi’n gyfrifol am blentyn.
Os ydych chi’n byw gyda’ch partner, bydd angen i’r ddau ohonoch wneud cais
Os ydych chi’n byw gyda’ch partner fel cwpl, mae’n rhaid i’r ddau ohonoch wneud cais ar wahân, hyd yn oed os mai dim ond un ohonoch sy’n gymwys i gael Credyd Cynhwysol.
Mae hyn oherwydd bod y swm a gewch yn seiliedig ar incwm a chynilion eich cartref, felly mae angen i’ch partner ddarparu ei fanylion hefyd.
Cyn i chi ddechrau ar eich ceisiadau, gwnewch yn siŵr bod y wybodaeth angenrheidiol gan y ddau ohonoch, fel prawf o hunaniaeth, manylion cyfrif banc, gwybodaeth am incwm a manylion eich costau tai. Gall cael popeth yn barod wneud y broses ymgeisio yn gynt.
Am fwy o wybodaeth, gweler ein canllaw Ceisiadau Credyd Cynhwysol ar y cyd ar gyfer cyplau.
Cam 2: Casglu gwybodaeth bwysig i gefnogi eich cais
I wneud cais am Gredyd Cynhwysol, bydd angen:
- manylion cyfrif banc
- cyfeiriad e-bost
- Prawf o hunaniaeth – fel pasbort, trwydded yrru, cerdyn debyd neu gredyd.
Hefyd, bydd angen manylion eich:
- incwm
- costau tai – fel rhent, morgais a thaliadau gwasanaeth
- costau gofal plant
- cynilion a buddsoddiadau
- ffurflen P45 – os ydych chi wedi colli’ch swydd.
Os ydych chi’n poeni am brofi’ch hunaniaeth, neu os nad oes gennych y dogfennau cywir, siaradwch ag ymgynghorydd Credyd Cynhwysol am ddim i gael help.
Cam 3: Gwiriwch na fyddwch yn colli unrhyw derfynau amser ymgeisio
Os ydych yn gwneud cais newydd am fudd-daliadau, fel arfer mae’n well gwneud cais cyn gynted ag y gallwch. Y rheswm am hyn yw mai dim ond un mis y gellir ôl-ddyddio taliadau Credyd Cynhwysol.
Ond, os ydych chi’n hawlio gan eich bod wedi colli’ch swydd neu os ydych chi’n symud o fudd-daliadau presennol, gall amseru eich cais effeithio ar faint rydych chi’n ei gael. Dyma sut.
Os ydych chi wedi colli’ch swydd
Mae Credyd Cynhwysol yn seiliedig ar eich enillion o’r mis blaenorol. Mae hyn yn golygu y gallai fod yn werth aros nes eich bod wedi derbyn eich siec cyflog terfynol cyn gwneud cais, yn enwedig os yw’n cynnwys arian ychwanegol fel:
- tâl diswyddo
- tal am wyliau nad oeddech wedi’u cymryd.
Os ydych yn cael eich cyflog ar ôl gwneud cais, gallai edrych fel eich bod yn ennill gormod i wneud cais am Gredyd Cynhwysol, gan wneud i chi aros am fis arall tan i’ch enillion ostwng. Os oeddech arfer cael budd-daliadau eraill, bydd rhaid i chi wneud cais am Gredyd Cynhwysol nawr.
Mae Credyd Cynhwysol wedi disodli’r budd-daliadau etifeddol hyn ac ni fydd taliadau pellach yn cael eu gwneud:
- Credyd Treth Plant
- Credyd Treth Gwaith
- Cymhorthdal Incwm
- Lwfans Ceisio Gwaith yn Seiliedig ar Incwm
- Lwfans Cyflogaeth a Chymorth yn seiliedig ar incwm.
Mae Budd-dal Tai hefyd wedi cael ei disodli gan Gredyd Cynhwysol ond bydd taliadau’n parhau i nifer fach o bobl.
Am ragor o wybodaeth a help:
- Gweler Shelter am ragor o wybodaeth am gymorth gyda thai â chymorthYn agor mewn ffenestr newydd
- gweler y rhan Siaradwch ag ymgynghorydd Help i Hawlio gyda Chyngor ar Bopeth am gyngor am ddim ar ein tudalen
- gweler ein canllaw Symud i Gredyd Cynhwysol o fudd-daliadau eraill.
Os ydych chi ar fin gadael y carchar
Mae Credyd Cynhwysol ar gael i bobl sy'n gadael y carchar. Os ydych ar fin gadael y carchar, mae yna ychydig o bethau y gallwch eu gwneud cyn eich rhyddhad i sicrhau bod eich cais yn mynd yn esmwyth a bod eich taliad cyntaf mor gyflym â phosibl.
Cyn eich rhyddhad byddwch yn cwrdd â staff o'ch tîm ailsefydlu (os ydych yng Nghymru neu Loegr) i drafod tai, cyllid, gwaith ac addysg. Yr wythnos cyn eich rhyddhad. Bydd yr anogwr gwaith carchar yn eich helpu i baratoi eich cais a bydd yn trefnu eich cyfweliad yn y Ganolfan Gwaith.
Gallwch ymweld â Gov.uk am ganllaw manwl a fydd yn mynd â chi drwy hanfodion sut i wneud a rheoli cais Credyd Cynhwysol newyddYn agor mewn ffenestr newydd - gan gynnwys sut i ddarganfod a yw taliad ymlaen llaw yn iawn i chi. Bydd angen cyfrif banc arnoch i dderbyn eich taliadau. Bydd ein canllaw ar sut i agor cyfrif banc ar gyfer eich taliadau budd-daliadau yn eich helpu i sefydlu un.
Gall eich anogwr gwaith carchar neu dîm ailsefydlu helpu os oes gennych gwestiynau pellach.
Os ydych chi'n byw yn yr Alban neu Ogledd Iwerddon, ni fydd gennych fynediad at dîm ailsefydlu. Dylech wneud eich cais cyn gynted â phosibl ar ôl i chi gael eich rhyddhau. Gweler ein canllawiau ar Sut i wneud cais am Gredyd Cynhwysol os ydych yn yr Alban a Sut i wneud cais am Gredyd Cynhwysol os ydych yng Ngogledd Iwerddon am fwy o fanylion.
Cam 4: Gwneud cais am Gredyd Cynhwysol ar-lein neu dros y ffôn
Crëwch gyfrif a gwnewch gais am Gredyd Cynhwysol ar-leinYn agor mewn ffenestr newydd ar GOV.UK.
Gallwch ddechrau eich cais a dychwelyd ato yn ddiweddarach, ond rhaid ei gwblhau o fewn 28 diwrnod neu mae'n cael ei ailosod.
Os na allwch wneud cais ar-lein, ffoniwch Linell Gymorth Credyd CynhwysolYn agor mewn ffenestr newydd neu’r Ganolfan Gwasanaeth Credyd CynhwysolYn agor mewn ffenestr newydd yng Ngogledd Iwerddon. Efallai y byddant yn trefnu i rywun eich ffonio'n ôl neu ymweld â'ch cartref.
Am help gyda’ch cais, siaradwch ag ymgynghorydd Cymorth i Hawlio Gyngor ar Bopeth am ddim
Sut i wneud cais am Gredyd Cynhwysol dros y ffôn
Os na allwch wneud cais ar-lein, gallwch wneud cais dros y ffôn neu gael cymorth gyda'ch cais drwy linell gymorth Credyd Cynhwysol.
Credyd Cynhwysol: Cysylltu â Chredyd CynhwysolYn agor mewn ffenestr newydd ar GOV.UK.
Gwiriwch y rhif ffôn cywir ar GOV.UK bob amser cyn ffonio, yn hytrach na defnyddio rhif o neges destun, postiad ar y cyfryngau cymdeithasol, hysbyseb ar-lein, neu gan rywun sydd wedi cysylltu â chi yn annisgwyl gan honni eu bod yn cynrychioli'r DWP.
Gall rhifau llinellau cymorth newid, felly mae'n bwysig gwirio ar GOV.UK (gwefan swyddogol y llywodraeth) bob amser cyn ffonio.
Cam 5: Arhoswch bum wythnos am eich taliad cyntaf
Ar ôl i chi wneud cais, fel arfer mae cyfnod aros o bum wythnos am eich taliad Credyd Cynhwysol cyntaf. Mae hyn yn cynnwys:
- cyfnod asesu pedair wythnos i gyfrifo faint fyddwch chi’n ei gael
- hyd at saith diwrnod i chi gael yr arian.
Os yw’r dyddiad talu yn disgyn ar benwythnos neu ŵyl banc, byddwch fel arfer yn cael yr arian y diwrnod gwaith cyn hynny.
Edrychwch ar ein canllaw Help i reoli eich arian tra byddwch yn aros am eich taliad Credyd Cynhwysol cyntaf am beth i’w wneud wrth i chi aros, gan gynnwys sut i wneud cais am daliadau ymlaen llaw os byddwch yn cael trafferth.
Siaradwch ag ymgynghorydd Help i Hawlio Cyngor ar Bopeth am gyngor am ddim
Os oes angen mwy o help neu gefnogaeth arnoch ac eisiau siarad â rhywun yn gyfrinachol, gallwch siarad â ymgynghorydd ar-lein neu dros y ffôn.
Gallant eich helpu gyda:
sefydlu cyfrif:
- cyfeiriad e-bost
- cyfrif Credyd Cynhwysol
- cyfrif banc.
gweithio drwy'r rhestr o bethau i'w gwneud ar gyfer gwneud cais llwyddiannus
esbonio'r dyddlyfr ar-lein a sut mae'n cael ei ddefnyddio
cael mynediad i wasanaeth ceisiadau ffôn Credyd Cynhwysol
cael cymorth ymweliadau cartref yr Adran Gwaith a Phensiynau.
| Os ydych yn byw yn: | Gallwch gysylltu â: |
|---|---|
|
Lloegr |
|
|
Yr Alban |
|
|
Cymru |
|
|
Gogledd Iwerddon |
Gallwch hefyd:
- Ffonio’r llinell gymorth Credyd CynhwysoYn agor mewn ffenestr newydd l am ddim yng Nghymru, Lloegr a'r Alban neu'r Ganolfan Gwasanaeth Credyd Cynhwysol yng Ngogledd IwerddonYn agor mewn ffenestr newydd am help gyda'ch cais.
- Dod o hyd i ymgynghorydd arbenigol yn eich ardal chi ar Advicelocal i gael help a chymorth am ddim gyda budd-daliadau, gan gynnwys cyngor cyfrinacholYn agor mewn ffenestr newydd ynghylch a ddylech chi wneud cais am Gredyd Cynhwysol.
- Defnyddio Gwasanaeth Video Relay Iaith Arwyddion Prydain (BSL) i'ch helpu gyda chamau cynnar eich cais Credyd Cynhwysol.
Gallwch ddod o hyd i ragor o wybodaeth yma:
- Cymru: ewch i Cyngor ar Bopeth CymruYn agor mewn ffenestr newydd
- Lloegr: ewch i Cyngor ar BopethYn agor mewn ffenestr newydd
- Yr Alban: ewch i Citizens Advice ScotlandYn agor mewn ffenestr newydd
- Gogledd Iwerddon: ewch i nidirectYn agor mewn ffenestr newydd
