Yn ôl adroddiad 2019 Which?, gall siopa o gwmpas am flwydd-dal gynyddu incwm ymddeol unigolyn hyd at 20%.
Efallai bod eich darparwr pensiwn wedi darparu dolen i ni. Mae hyn oherwydd bod y rheolydd ar gyfer gwasanaethau ariannol - yr Awdurdod Ymddygiad Ariannol - yn gofyn i holl ddarparwyr pensiynau helpu cwsmeriaid i nodi'n hawdd os byddai'n bosibl iddynt gael cynnig gwell trwy edrych rhywle arall. Yma gallwch gymharu cynnyrch sy'n darparu incwm gwarantedig - naill ai am oes neu am gyfnod penodol.
Ni fydd pob darparwr yn delio’n uniongyrchol â chi, felly efallai yr hoffech ystyried cyngor ariannol proffesiynol neu ddefnyddio brocer blwydd-dal. Pa bynnag lwybr fyddwch yn ei ddewis gan gynnwys mynd yn uniongyrchol, gwiriwch am unrhyw ffioedd. Yn aml gall cynghorwyr a broceriaid marchnad agored gael cyfraddau ychydig yn well na chi, ond cofiwch gymryd eu ffioedd i ystyriaeth. Gall cyfryngwyr, fel broceriaid blwydd-dal, hefyd helpu gyda'r holl waith papur. Gweler ein canllaw siopa o gwmpas. (Yn agor mewn ffenestr newydd)
Gwyliwch y fideo hwn o bobl yn sôn am eu profiadau wrth brynu cynnyrch â gwarant incwm. (Lawrlwythwch y Trawsgrifiad fideo) link downloads a PDF
Os yw eich darparwr pensiynau presennol yn cynnig Cyfradd Blwydd-dal wedi ei Gwarantu bydd yn anodd cael dim i'w churo – cofiwch holi ac yna cymharwch y dyfynbrisiau.
Prynu incwm gwarantedig (blwydd-dal) yw un ymysg amryw o opsiynau sydd gennych chi ar gyfer defnyddio'ch cronfa bensiwn. Darganfyddwch fwy yn ein canllaw Opsiynau ar gyfer defnyddio eich cronfa bensiwn.
Unwaith y byddwch wedi prynu blwydd-dal ni allwch newid eich meddwl – dylech gael cymorth neu gyngor cyn ymrwymo. Dysgwch ragor yn y camau nesaf ar ddiwedd yr offeryn hwn.
