Gwirio fy mhensiwn a chynnydd fy nghynilion ymddeol

Isod, rydym yn egluro ble i gael amcangyfrifon o’r incwm ymddeoliad misol y gallwch ei ddisgwyl o wahanol fathau o bensiynau.

Nid oes angen i chi boeni am effeithiau chwyddiant rhwng nawr a’ch ymddeoliad oherwydd bydd y datganiadau pensiwn a’r rhagolygon isod yn rhoi amcangyfrifon o’ch incwm pensiwn yn y dyfodol fel “arian heddiw”.

Cofiwch fod yr holl amcangyfrifon yn cael eu dangos cyn treth.

Casglwch y manylion ar gyfer yr holl bensiynau, cynilion a buddsoddiadau sydd gennych. Ar ôl i chi gael y rhain, gofynnwch am amcangyfrifon gan bob un ohonynt i'ch helpu i ddeall faint o arian y gallech ei gael o bob ffynhonnell pan fyddwch yn ymddeol, gan gynnwys cynilion a buddsoddiadau eraill. 

Mae’n syniad da i ofyn yn rheolaidd am ddatganiad Pensiwn y Wladwriaeth i chi allu gweld faint rydych wedi ei gronni hyd yn hyn.

Gallwch wneud cais am un ar-lein neu dros y ffôn neu drwy’r post - os ydych yn 16 oed neu drosodd ac yn o leiaf 30 diwrnod i ffwrdd o’ch oedran Pensiwn y Wladwriaeth.

Mae’r rhain yn talu incwm ymddeoliad yn seiliedig ar eich cyflog ac ers pa bryd y buoch chi’n aelod o’r cynllun.

Fe’i gelwir hefyd yn gynllun pensiwn ‘cyflog terfynol’ neu ‘gyfartaledd gyrfa’.

Fel arfer maent ond yn gynlluniau pensiwn sector cyhoeddus neu gynlluniau gweithle hŷn.

Os ydych yn perthyn i un, fel arfer fe anfonir datganiad buddion blynyddol i chi gan eich darparwr pensiwn.

Os nad ydych yn cael datganiad, gallwch ofyn am un.

Mae’r datganiad yn dangos faint o bensiwn allech chi ei gael. Efallai y bydd yn tybio eich bod yn cymryd eich cyfandaliad di-dreth.

Gyda’r cynlluniau hyn, rydych yn adeiladu cronfa o arian y gallwch yna ei ddefnyddio i ddarparu incwm mewn ymddeoliad.

Mae gwerth eich cronfa yn seiliedig ar:

• eich cyfraniadau
• cyfraniadau eich cyflogwr (os yw’n berthnasol)
• elw ar fuddsoddiadau a gostyngiad treth.

Mae cynlluniau cyfraniadau wedi’u diffinio yn cynnwys pensiynau’r gweithle a phersonol.

Gellir rhedeg cynlluniau trwy gwmni yswiriant, darparwr ‘master trust’, neu gallwch fod yn aelod o gynllun unigryw a sefydlwyd gan eich cyflogwr.

Bydd eich cyfriflen flynyddol yn darparu amcan bris o werth y pot yn y dyfodol, yn ogystal â’r incwm ymddeoliad rheolaidd mae’ch pensiwn yn debygol o’i gynhyrchu. Mae hyn yn seiliedig arnoch yn defnyddio eich cronfa bensiwn i brynu incwm gwarantedig am oes (a elwir hefyd yn flwydd-dal). Ond mae gennych opsiynau eraill.

Yn ogystal â’ch pensiynau, efallai y bydd gennych gynilion a buddsoddiadau eraill a fydd yn cynhyrchu incwm i chi ar ôl i chi ymddeol. Er enghraifft adneuon arian parod, buddsoddiadau mewn cyfranddaliadau neu eiddo rydych yn ei rentu allan. Efallai y byddwch hefyd yn gallu cael datganiadau neu wybodaeth ar gyfer y rhain. 

Gallwch gynnwys eich holl ffynonellau incwm yn y dyfodol, gan gynnwys cynilion a buddsoddiadau eraill sydd gennych. 

I weithio allan a ydych yn talu digon i’ch pensiynau, mae angen i chi gael syniad pa gostau fydd gennych chi mewn ymddeoliad a pha fath o ffordd o fyw yr hoffech ei gael.

Ystyriwch gostau hanfodol fel biliau bwyd a chyfleustodau, a hefyd gwariant fel adloniant a gwyliau.

Er mwyn eich helpu i wneud hyn gallwch lawrlwytho a chwblhau ein taflen Cyllidebu mewn ymddeoliad (Opens in a new window) (PDF/A, 123KB)

Ddim yn siŵr ble i ddechrau? Mae’r ‘Retirement Living Standards’, a gynhyrchwyd gan y Gymdeithas Pensiynau a Chynilion Gydol Oes, yn dangos i chi sut mae bywyd ar ôl ymddeol yn edrych fel ar dair lefel wahanol. Ac mae’n dangos beth fyddai ystod o nwyddau a gwasanaethau cyffredin yn ei gostio ar bob lefel. Gall hwn fod yn fan cychwyn i’ch helpu chi i ystyried faint o arian y byddwch ei angen i ariannu’ch ymddeoliad.  

Neu, i’ch helpu i gymharu faint o incwm y gallech efallai ei gael pan fyddwch yn  ymddeol â faint o incwm y gallech fod ei angen - defnyddiwch ein Cyfrifiannell pensiwn.

P’un a ydych chi’n meddwl eich bod chi wedi bod yn cynilo digon neu’n teimlo y gallech wneud gyda mwy o help, mae gennym ni ganllawiau eraill ar eich cyfer ar ein gwefan.

Mae’n wych os yw’ch cynilion ar y trywydd iawn. Ond efallai y bydd pethau y gallwch chi eu gwneud i wneud iddynt weithio'n galetach fyth i chi.

Ydych chi'n meddwl eich bod chi efallai wedi colli trywydd rhai o’ch pensiynau?