A ddylwn i sefydlogi fy mhrisiau ynni?

Mae'r terfyn hwn yn berthnasol yng Nghymru, Lloegr a'r Alban. Yng Ngogledd Iwerddon, mae'r Rheoleiddiwr Cyfleustodau yn gwirio bod y prisiau a godir yn deg.

Mae ychydig o gytundebau sefydlog ar gael am lai na chap ar brisiau mis Gorffennaf i gwsmeriaid newydd a chwsmeriaid presennol. Cadwch lygad am lythyrau ac e-byst gan eich cyflenwr i gael gwybod a oes unrhyw rai y gallwch gofrestru ar eu cyfer.

Gallwch hefyd ddefnyddio gwefannau cymharu i ddod o hyd i fargeinion gwell gan gwmnïau ynni eraill.

Mae cap pris Ofgem yn cael ei gyfrifo ar sail faint mae'n ei gostio i brynu nwy a thrydan ar y farchnad gyfanwerthu. Mae'r cap pris yn newid bob tri mis, ar ddechrau Ionawr, Ebrill, Gorffennaf a Hydref. Ofgem yn cyhoeddi beth fydd y cap pris tua mis cyn iddo newid.

Mae’n anodd cyllidebu ar gyfer costau byw bob dydd pan nad ydych yn gwybod pa olwg fydd ar eich biliau mewn tri mis. Gall sefydlogi eich biliau ynni eich helpu i wybod beth i’w ddisgwyl bob mis.

Efallai na fydd dyfynbris eich cyflenwr yn rhoi’r gost flynyddol ar gyfer cartref arferol, gallai fod yn seiliedig ar eich defnydd. Defnyddiwch gyfradd uned y cap ar brisiau a’r gost sefydlog isod i gymharu â’r hyn y mae eich cyflenwr wedi’i gynnig.

Ffynhonnell: OfgemOpens in a new window

Chi sydd i benderfynu a yw gwybod beth fydd eich biliau bob mis yn werth y risg y bydd prisiau ynni yn gostwng yn ystod eich contract, a gallech chi dalu gormod drwy symud ymlaen i gytundeb sefydlog.

Yn ddiweddar, fodd bynnag, mae cyflenwyr ynni wedi tynnu’n ôl lawer o’r cytundebau yr oeddent yn eu cynnig islaw’r cap ar brisiau. Mae’n werth gwirio a oes cynigion gwell ar gael o hyd. Mae rhai cyflenwyr ynni yn cynnig cytundebau sefydlog ar tua’r un lefel â chap ar brisiau mis Gorffennaf neu ychydig islaw hynny. Mae’r cytundebau hyn ar gael i gwsmeriaid newydd a chwsmeriaid presennol, felly gallai fod yn fanteisiol os ydych yn ystyried newid cyflenwr.

Gweler ein canllaw ar wefannau cymharu am fwy o wybodaeth.

Er efallai na fyddwch yn gallu lleihau’n sylweddol y swm y byddwch yn ei dalu fesul uned o nwy neu drydan, os gallwch ddefnyddio llai, yna bydd eich biliau’n gostwng.

Gallai gwneud eich cartref yn fwy effeithlon o ran ynni eich helpu i wneud arbedion tymor hir. Mae gan ein canllaw am dalu am welliannau cartref wybodaeth am grantiau a benthyciadau y gallwch eu defnyddio am bethau fel gwell inswleiddio neu foeler mwy effeithlon.