Agor cyfrif banc yn y DU neu gyfrif cymdeithas adeiladu os ydych yn dod o Wcráin

Gyda’r rhan fwyaf o gyfrifon banc a chymdeithas adeiladu, gallwch:

• talu am bethau gyda cherdyn debyd mewn siopau neu ar-lein
• talu arian a sieciau i mewn
• cael eich cyflog, budd-daliadau ac incwm arall wedi’u talu i’ch cyfrif
• sefydlu Debyd Uniongyrchol a rheolau sefydlog er mwyn talu eich biliau
• trosglwyddo arian dros y ffôn neu fancio ar-lein
• gwirio balans eich cyfrif dros y cownter, ar beiriant arian parod, ar-lein neu ar eich ffôn
• ysgrifennu sieciau i dalu biliau a thalu pobl
• gwneud cais am orddrafft (os ydych dros 18 oed) – bydd hwn yn eich galluogi i wario mwy nag sydd gennych yn eich cyfrif, ond caiff tâl ei godi am hwn. Efallai na fyddwch yn gallu agor cyfrif banc gyda gorddrafft
• gwneud taliadau rhyngwladol. Weithiau mae cost ychwanegol am hwn ond nid yw banciau yn codi tâl taliadau rhyngwladol am daliadau i Wcráin ar hyn o bryd.

Pan geisiwch agor cyfrif gyda banc neu gymdeithas adeiladu, byddant yn cynnig y math o gyfrif maent yn meddwl yw’r mwyaf addas.

Os na allwch agor cyfrif cyfredol safonol, efallai y gallwch agor cyfrif banc free-free sylfaenol yn lle.

Mae cyfrifon banc sylfaenol heb ffioedd yn cynnig llai o wasanaethau na chyfrif banc cyfredol safonol, ac nid oes modd defnyddio gorddrafft, a ni fyddwch yn cael llyfr siec.

Mae rhai banciau a chymdeithasau adeiladu yn caniatáu i chi gwneud cais uniongyrchol am gyfrif banc sylfaenol tra bod eraill dim ond yn cynnig cyfrif banc sylfaenol i gwsmeriaid nad ydynt yn gymwys am gyfrif banc cyfredol safonol.

Er ei fod yn ymddangos yn garedig, peidiwch â defnyddio cyfrif banc y DU neu gymdeithas adeiladu person arall, i arbed amser neu am reswm arall.

Yr unig ffordd i gael mynediad at eich arian i brynu beth rydych eisiau, pryd rydych eisiau, yw cael cyfrif banc eich hun.

Mae nifer o fanciau a chymdeithasau adeiladu'r DU bydd yn eich galluogi i agor cyfrif os ydych yn dod o Wcráin.

Dylech ddewis banc neu gymdeithas adeiladu sy’n addas ar eich cyfer. Pan rydych yn agor cyfrif banc, efallai bydd rhaid i chi ymweld mewn person, felly efallai y byddech am ffeindio banc neu gymdeithas adeiladu sydd gyda changen yn agos i le rydych yn byw dros-dro.

Os nad ydych yn siŵr gallwch ofyn i’ch noddwr eich helpu.

I agor cyfrif banc neu gymdeithas adeiladu, bydd rhaid i chi:

1. Sicrhau bod gennych gyfrif e-bost yn eich enw chi a rhif ffôn dilys er mwyn helpu’r banc i gyfathrebu gyda chi

2. Casglwch eich holl ddogfennau adnabod a fisa.

Bydd angen i chi darparu gwybodaeth bersonol. Dyma restr o’r hyn gall y banc neu gymdeithas adeiladu ofyn i weld:

• eich enw
• eich dyddiad geni
• eich cenedligrwydd
• eich manylion cyswllt (cyfeiriad ebost yn eich enw a rhif ffôn dilys)
.

Er mwyn agor cyfrif banc neu gymdeithas adeiladu yn y DU, bydd hefyd angen dangos tystiolaeth o ID. Efallai bydd y banc neu gymdeithas adeiladu yn gofyn i weld eich:

• pasbort
• trwydded breswylio biometrig
• trwydded yrru
• cerdyn adnabod cydnabyddedig.

Y ffordd gyflymaf i brofi ID bydd eich pasbort a/neu eich trwydded breswylio biometreg (a anfonwyd gan Lywodraeth y DU). Gall rhai banciau a chymdeithasau adeiladu gofyn am dystiolaeth o’ch cyfeiriad.

Os nad oes gennych y dogfennau adnabod i gyd, cymerwch y wybodaeth sydd gyda chi i’r banc.

3. Gwneud cais am gyfrif mewn person mewn cangen banc neu gymdeithas adeiladu (efallai bydd angen trefnu apwyntiad), dros y ffôn, ar-lein neu trwy ap ffôn symudol y banc neu gymdeithas adeiladu. Os ydych yn mynd i mewn i gangen, dylech gymryd unrhyw ddogfennau perthnasol gyda chi. Efallai bydd angen lawrlwytho a llenwi ffurflen gais o wefan y banc neu gymdeithas adeiladu. Efallai y byddech am ofyn i’ch noddwr i’ch helpu i lenwi’r ffurflen a mynd gyda chi i’r banc neu gymdeithas adeiladu.

Dylai eich bod wedi derbyn canllaw croeso gan lywodraeth y DUYn agor mewn ffenestr newydd sydd yn esbonio sut i hawlio budd-daliadau, cael mynediad at wasanaethau cyhoeddus hanfodol a gofal iechyd a mwy.

Gallwch hefyd lawrlwytho’r canllaw yma yn Saesneg, Wcreineg a RwsiegYn agor mewn ffenestr newydd ar GOV.UK.