Sut i ddatrys problem gyda thaliad

Siaradwch â'r cwmni rydych chi'n ei dalu bob amser i geisio datrys unrhyw broblemau yn gyntaf. Gallai hyn gynnwys:

• codi tâl arnoch am y swm anghywir, neu’n fwy nag unwaith
• peidio â derbyn yr eitem neu'r gwasanaeth y gwnaethoch dalu amdano
• eitem sy'n cyrraedd yn ddiffygiol neu o ansawdd gwael.

Os nad yw hyn yn gweithio, gofynnwch i'ch banc ymchwilio. Ar gyfer problemau gyda nwyddau neu wasanaethau, mae'r llwybr i'w gymryd yn dibynnu ar y math o gerdyn rydych wedi'i ddefnyddio.

Mae cerdyn credyd yn rhoi diogelwch wrth wario i chi ar bopeth rydych yn ei brynu. Os aiff rhywbeth o'i le ac na fydd y cwmni'n rhoi ad-daliad i chi, gallwch ofyn i'ch banc roi'r arian yn ôl.

Os yw'r eitem neu'r gwasanaeth yn costio £100 i £30,000, cyflwynwch gais Adran 75. Ar gyfer symiau eraill, mae gennych 120 diwrnod i wneud cais am ‘chargeback’.

Darganfyddwch fwy yn Adran 75 a chargeback wedi’i esbonio.

Mae cerdyn debyd yn rhoi diogelwch chargeback ar bob pryniant. Os yw eitem yn ddiffygiol neu os nad yw'n cyrraedd ac na fydd y cwmni'n rhoi ad-daliad i chi, gallwch ofyn i'ch banc hawlio'r arian yn ôl.

Mae gennych 120 diwrnod o'r dyddiad prynu, neu ddyddiad y tocynnau, i gyflwyno cais am chargeback

Gweler Chargeback wedi'i esbonio am fwy o wybodaeth.

Dylech gael gwybod canlyniad eich cais am chargeback neu Adran 75 o fewn wyth wythnos.

Os ydych chi'n anhapus gyda'r ymateb, neu os yw'r amserlen wedi mynd heibio, gallwch gwyno i Wasanaeth yr Ombwdsmon AriannolYn agor mewn ffenestr newydd

Gweler beth i'w wneud os bydd taliad cerdyn debyd neu gredyd yn mynd o'i le, mae'r broses yr un fath. 

Os na ddanfonir eitem neu nad yw fel y disgrifiwyd, ceisiwch ddatrys y broblem gyda'r cwmni yn gyntaf bob amser.

Os nad yw hyn yn gweithio, gallwch geisio hawlio ad-daliad drwy:

• Gynllun Buyer Protection PayPalYn agor mewn ffenestr newydd mae gennych 180 diwrnod i wneud hyn
• Darparwr eich cerdyn, gan ddefnyddio'r cynllun chargeback  (os oeddech chi'n defnyddio'ch cerdyn debyd neu gredyd i dalu drwy PayPal) – mae gennych 120 diwrnod i gyflwyno cais. 

Os ydych wedi gwneud camgymeriad ac wedi anfon arian i'r cyfrif anghywir, cysylltwch â'ch banc cyn gynted â phosibl i roi gwybod am y broblem. Yna byddant yn:

1. Dechrau ymchwilio o fewn dau ddiwrnod gwaith.
2. Gofyn i ddeiliad y cyfrif arall dalu'r arian yn ôl.
3. Rhoi gwybod i chi am y canlyniad o fewn 20 diwrnod gwaith, naill ai:
   1. Mae eich arian yn cael ei dalu'n ôl
   2. Ni ellir adennill eich arian, yn aml gan fod y person arall yn anghytuno ag ef. Byddwch yn cael gwybod yr opsiynau y gallwch eu cymryd, gan gynnwys gofyn am enw a chyfeiriad y person a dderbyniodd yr arian.

Os ydych yn anhapus gyda gwasanaeth neu ymchwiliad eich banc, gallwch gwyno

Os ydych chi'n meddwl eich bod wedi cael eich twyllo, dilynwch y camau hyn:

1. Dywedwch wrth eich banc neu ddarparwr cerdyn beth sydd wedi digwydd yn syth - byddant yn rhewi'ch cerdyn ac efallai y byddant yn ad-dalu arian coll. Gallwch ffonio'r rhan fwyaf o fanciau trwy ddeialu 159.
2. Rhowch wybod i:
   1. Action Fraud ar-leinYn agor mewn ffenestr newydd neu drwy ffonio 0300 123 2040
   2. yr FCAYn agor mewn ffenestr newydd os yw'n sgam ariannol, fel twyll buddsoddi
   3. Yn yr Alban, ffoniwch 101 i  roi gwybod i'r heddlu a 0808 164 6000 ar gyfer Advice Direct Scotland.
      
3. Os yw rhywun wedi agor cyfrifon yn eich enw, dywedwch wrth y darparwyr hynny eich bod wedi cael eich hunaniaeth wedi'i dwyn. Bydd angen i chi hefyd gysylltu â'r asiantaethau gwirio credyd.  

Gweler lladrad hunaniaeth a sgamiau am fwy o wybodaeth.

I siarad â rhywun, ffoniwch ein Huned Troseddau a Sgamiau Ariannol ar 0800 015 4402.

Mae am ddim ac yn hawdd cwyno i'ch banc neu ddarparwr cerdyn. Cofiwch gadw cofnod o'r holl gyfathrebu sydd gennych.

Dyma'r camau i'w dilyn:

1. Gofynnwch i wasanaethau cwsmeriaid eich banc gywiro pethau – os na allwch gytuno ar ddatrysiad, yna
2. Gwnewch gwyn ffurfiol - mae ganddynt wyth wythnos i ymchwilio a rhoi ymateb terfynol. Os nad ydych yn cytuno o hyd, neu os yw'r amserlen wedi mynd heibio, gallwch chi
3. Mynd â'ch cwyn i Wasanaeth yr Ombwdsmon AriannolYn agor mewn ffenestr newydd am ddim cewch benderfyniad annibynnol ynghylch a oedd ymateb eich banc yn deg neu a oes angen iddynt wneud mwy.

Am ragor o wybodaeth, gweler ein canllaw llawn Sut i gwyno i’ch banc, benthyciwr neu ddarparwr cerdyn.