Rhoi gwybod i gredydwyr am fregusrwydd neu addasiadau

Gall unrhyw un ddod yn fregus ar unrhyw adeg. Os ydych yn fregus, mae cyfrifoldeb ar bob cwmni - yn enwedig y rhai rydych yn ddyledus iddynt – i’ch helpu gyda lefel briodol o ofal. Efallai bod gennych gyflwr iechyd meddwl, salwch hirdymor, anabledd corfforol, amhariad ar y clyw neu olwg, eich bod yn cael problemau gyda chaethiwed neu fod gennych anabledd gwybyddol. 

Efallai y bydd gan y cwmnïau hyn dimau arbenigol i roi’r cymorth sydd ei angen arnoch i reoli eich dyled a’ch arian o ddydd i ddydd.

Mae’r Awdurdod Ymddygiad Ariannol (FCA) yn dweud bod yn rhaid i gwmnïau gymryd gofal ychwanegol o'u cwsmeriaid os ydyn nhw’n profi un o’r pedwar math yma o fregusrwydd:

• Iechyd – er enghraifft os oes gennych gyflwr iechyd neu salwch sy’n effeithio ar eich gallu i gyflawni tasgau o ddydd i ddydd.
• Digwyddiadau bywyd – er enghraifft os ydych wedi dioddef profedigaeth, wedi colli eich swydd, neu bod eich perthynaswedi chwalu.
• Gwydnwch – er enghraifft os ydych chi’n ei chael hi’n anodd gwrthsefyll sioc ariannol neu emosiynol.
• Gallu – os nad ydych yn deall, ac yn cael trafferth rheoli, eich arian. Gall hyn fod oherwydd eich bod yn ei chael hi’n anodd gwneud pethau fel darllen llythyrau neu ysgrifennu e-bost.

Os ydych yn wynebu costau byw uwch, darganfyddwch am ffynonellau ychwanegol o incwm a chymorth yn ein hadran Help gyda chostau byw.

Credydwyr yw cwmnïau a phobl y rydych yn ddyledus iddynt.

Os oes gennych anabledd corfforol, problemau iechyd meddwl, neu rydych yn fregus, efallai y byddwch yn poeni am siarad â’ch credydwyr.

Ond mae’n syniad da i roi gwybod iddynt am eich sefyllfa. Mae hyn oherwydd pan maent yn ymwybodol, byddant yn gallu cynnig cymorth. Efallai bydd ganddynt dîm arbenigol i helpu cwsmeriaid fel chi.

Bydd y rhan fwyaf o gwmnïau’n eich galluogi i gysylltu â nhw yn y ffordd sydd fwyaf addas i chi. Gall hyn fod dros wesgwrs, e-bost, ffôn, neu’n wyneb yn wyneb. Yn aml, gallwch ddod o hyd i fanylion cyswllt ar unrhyw filiau a gewch gan y cwmni.

Mae gan gwmnïau ddyletswydd i wneud addasiadau rhesymol i sicrhau bod nwyddau a gwasanaethau yn hygyrch i gwsmeriaid anabl, heb unrhyw gost ychwanegol. Gallai hyn gynnwys, er enghraifft, gwneud addasiadau i’r ffordd y maent yn cyfathrebu â chi, neu gynnig ffordd i berson dibynadwy eich helpu i reoli eich arian.

Os ydych am roi gwybod i’ch credydwyr am fregusrwydd neu addasiad, gallwch wirio a ydynt wedi cofrestru i SupportHubYn agor mewn ffenestr newydd

Os yw poeni am arian yn effeithio ar eich iechyd meddwl, gallwch ddod o hyd i help yn ein canllaw Problemau ariannol a lles meddyliol.

Os ydych angen helpu i drefnu’ch taliadau, rhowch gynnig ar ein Blaenoriaethwr biliau. A gall ein Cynlluniwr Cyllideb eich helpu i ddeall faint allwch fforddio ei gynnig i’ch credydwyr.

Gallwch hefyd ddarganfod pa fudd-daliadau rydych yn gymwys iddynt a sut i wneud cais amdanynt yn ein canllawiau i fudd-daliadau, a pha gymorth ariannol a gwasanaethau cymorth sydd ar gael i’ch helpu.

Os ydych chi’n teimlo eich bod wedi cael eich cam-drin gan eich banc, cymdeithas adeiladu neu ddarparwr benthyciadau eraill ar ôl dweud wrthynt am y cymorth ychwanegol y gallai fod ei angen arnoch, rhowch gyfle iddyn nhw unioni pethau’n gyntaf.

Y ffordd symlaf o wneud hyn yw cysylltu â goruchwyliwr neu reolwr. Os nad yw hynny’n datrys pethau, gallwch wneud cwyn.

Os ydych yn ei chael hi’n anodd dechrau cwyn ffurfiol, gallech ofyn i ffrind, perthynas neu weithiwr cymorth eich helpu yn lle.

Os na allwch ddatrys y mater gyda’r darparwr benthyciadau a’ch bod yn teimlo bod angen i chi fynd â’ch cwyn ymhellach, gallwch gysylltu â’r Gwasanaeth Ombwdsmon AriannolYn agor mewn ffenestr newydd

Mae gan Gyngor ar Bopeth fwy o wybodaeth am sut i wneud cwynYn agor mewn ffenestr newydd