Cyhoeddwyd ar:
30 June 2021
Wedi’i ddiweddaru diwethaf:
06 January 2022
Os oes gennych gar, bydd angen yswiriant car arnoch, ond mae’n anodd darganfod pris yswiriant ar gyfartaledd oherwydd nid yw pawb yn cytuno. Yn ôl Money Supermarket, cost yswiriant car ar gyfartaledd yn y DU am yswiriant cynhwysfawr oedd £412 y flwyddyn ar ddiwedd 2021. Er y gallai hyn ymddangos yn uchel, mae yswiriant car wedi bod yn gostwng mewn gwirionedd ac mae hyn 10.4% yn is nag yr oedd ar ddiwedd 2020.
Eich oedran yw’r peth mwyaf arwyddocaol y mae cwmnïau yswiriant yn ei ddefnyddio i roi dyfynbris yswiriant car i chi. Mae hyn, ynghyd â ble rydych yn byw, y math o gar rydych yn ei yrru a ffactorau eraill, yn rhoi’r wybodaeth werthfawr i ddarpar yswirwyr am eich gyrru a’r tebygolrwydd y byddwch yn cael damwain.
Bydd ein cynllun hyblyg ac am ddim, O’r Soffa i Ffitrwydd Ariannol yn eich helpu i fagu hyder i reoli eich arian.
Cam wrth gam gallwn helpu i dorri eich gwariant, datblygu cyhyrau cynilo craidd a chreu gwell arferion am y dyfodol.
Llofnodwch i fyny am y cynllun O’r Soffa i Ffitrwydd Ariannol gan HelpwrArian
Os yw’r ffactorau hyn yn awgrymu eich bod mewn risg isel o gael damwain neu gael eich car wedi’i ddwyn, fe gewch ddyfynbris rhatach.
Gan y gall dyfynbrisiau amrywio’n sylweddol ar sail y ffactorau hyn, gall fod yn anodd gwybod a ydych wedi cael eich cynnig cyfradd deg neu a ydych wedi cael eich twyllo.
Yn ôl *Statista, yn 2020 cost yswiriant car ar gyfartaledd i’r rheini yn eu 20au oedd yr uchaf allan o’r ystodau oedran gyda chyfartaledd o £851.
Y grŵp oedran cyfartalog isaf am yswiriant car yn y DU oedd y rhai yn eu pumdegau gyda chost cyfartalog o £468. Nid yw hyn yn golygu po hynaf y byddwch, y rhatach fydd eich yswiriant, wrth I’r pris godi eto unwaith y byddwch yn cyrraedd eich 60au.
Cost yswiriant car ar gyfartaledd yn ôl oedran:
Pobl ifanc 20 oed: £851
Pobl 25 oed: £719
Pobl 35 oed: £639
Pobl 45 oed: £575
Pobl 55 oed: £468
Pobl 65 oed: £491
Pobl 75 oed: £752
*Ffynhonnell: Ffigurau o Statista (Opens in a new window) Mae’r ffigurau hyn yn gyfartaledd o ddyfyniadau o ddetholiad o yswirwyr mawr y DU ac yn rhagdybio profiad gyrru pum mlynedd a gostyngiad dim hawliadau pum mlynedd.
Rydym yn gwybod beth rydych yn ei feddwl – allwch chi ddim gwahaniaethu ar sail rhyw mwyach! Ac eto, mae gyrwyr gwrywaidd yn parhau i dalu mwy ar gyfartaledd na gyrwyr benywaidd.
Yn ôl Confused.com (Opens in a new window) mae gyrwyr gwrywaidd yn ymylu’n agosach at y marc £600 ac yn talu £574 ar gyfartaledd am eu hyswiriant car – bron i £100 yn fwy na modurwyr benywaidd sy’n talu £477 ar gyfartaledd.
Ers blynyddoedd mae modurwyr wedi dioddef ‘cosb teyrngarwch’ am ganiatáu i'r polisi adnewyddu'n awtomatig ac am aros gyda'r un yswiriwr. Fodd bynnag, ar 1 Ionawr 2022 daw rheolau newydd yr Awdurdod Ymddygiad Ariannol (FCA) i rym, sy'n golygu bod yn rhaid i gwmnïau yswiriant gynnig pris i gwsmeriaid presennol nad yw’n uwch nag y byddent yn ei dalu fel cwsmer newydd. Mae hyn nid yn unig yn arbed arian i chi ond hefyd amser gan nad oes rhaid i chi siopa o gwmpas a newid bob blwyddyn er mwyn osgoi talu prisiau uwch am fod yn deyrngar.
Wrth gwrs, gallwch barhau i gymharu â darparwyr eraill, neu drafod gyda’ch darparwr cyfredol. Mewn gwirionedd, rhaid i ddarparwyr yswiriant roi ffyrdd syml i chi ganslo adnewyddiad awtomatig eich polisi. Ond ni chodir mwy arnoch am adnewyddu dim ond am fod yn gwsmer cyfredol.
Mae’n werth nodi hefyd nad yswiriant car rhad yw’r yswiriant car gorau i chi o reidrwydd. Ond wedi dweud hynny, mae yna bethau y gallwch eu gwneud a fydd yn gostwng y siawns eich bod yn edrych fel gyrrwr peryglus yng ngolwg cwmnïau yswiriant ac yn cael cynnig rhatach I’ch hun.
Mae gennym ganllaw sydd â rhestr lawn o driciau ac awgrymiadau i gael y cynnig gorau ar eich yswiriant car, ond mae syniadau’n cynnwys gwneud eich car yn fwy diogel, gyrru gwneuthuriad car a model o grŵp yswiriant isel, byddwch yn gywir am eich milltiroedd, gyrru’n ddiogel ac ychwanegu ail yrrwr.
Yn anffodus, mae llawer o hawliadau yswiriant car yn dwyllodrus a’i fodurwyr gonest sy’n talu’r bil yn y pen draw. Yn ôl Cymdeithas Yswirwyr Prydain (Opens in a new window) mae’r diwydiant yswiriant yn canfod tua 1,250,000 o achosion y flwyddyn o hawliadau twyllodrus yn werth syfrdanol £1.3 biliwn.
Hawliadau Whiplash – Ym mis Mai 2021, daeth rheolau newydd (Opens in a new window) i rym i fynd i’r afael â hawliadau whiplash twyllodrus. Yn flaenorol, ar gyfartaledd roedd bron i 800 o hawliadau whiplash bob dydd yn y DU. Mae’r hawliadau hyn yn costio tua £ 1.2 biliwn y flwyddyn I’r diwydiant ac mae yswirwyr wedi addo trosglwyddo’r arbedion hyn i gwsmeriaid (hyd at £35 y flwyddyn).
Modurwyr heb yswiriant – Mae dros filiwn o fodurwyr heb yswiriant ar ffyrdd y DU, sy’n broblem am lawer o resymau, ond hefyd oherwydd eu bod yn cynyddu costau yswiriant I’r rhai sy’n talu. Mae hyn oherwydd bod y diwydiant yswiriant yn dal i orfod talu cost unrhyw anaf neu ddifrod i berson neu gar pe bai damwain.
