Beth yw cost yswiriant car ar gyfartaledd?

Mae yswirwyr yn ystyried llawer o bethau wrth benderfynu faint i’w godi arnoch, gan gynnwys:

• manylion personol, fel eich:
  • oed
  • cyfeiriad
  • swydd
• y math o gar sydd gennych
• faint o filltiroedd rydych chi'n eu gyrru
• lle rydych chi'n parcio'ch car
• os ydych wedi hawlio yn ddiweddar
• os oes gennych unrhyw euogfarnau gyrru.

Mae hyn yn eu helpu i weithio allan pa mor debygol ydych chi o hawlio. Er enghraifft, rydych yn debygol o gael dyfynbris rhatach os:

• nad ydych erioed wedi hawlio o'r blaen
• dydych chi ddim yn gyrru llawer o filltiroedd
• mae gennych gar rhad.

Ond gall yswirwyr gwahanol godi prisiau gwahanol, felly cymharwch gynifer o ddyfynbrisiau ag y gallwch bob amser

Gall eich oedran wneud gwahaniaeth mawr i gost yswiriant, fel mae’r tabl yn dangos. Gyda gyrwyr iau a rhai dros 65 oed fel arfer yn talu mwy. Gweler Yswiriant car i yrwyr ifanc am help.

Mae’r ffigurau uchod gan NimbleFinsYn agor mewn ffenestr newydd, yn dangos cyfartaledd y pum dyfynbris rhataf. Mae hyn yn seiliedig ar 5,000 o filltiroedd y flwyddyn, £200 dros ben a gostyngiad pum mlynedd heb hawliadau.

Rydyn ni'n gwybod beth rydych chi'n ei feddwl - allwch chi ddim gwahaniaethu ar sail rhyw mwyach! Ond mae gyrwyr gwrywaidd yn talu mwy ar gyfartaledd o hyd na gyrwyr benywaidd:

• mae dynion yn talu £987
• mae merched yn talu £820.

Yn seiliedig ar ffigurau o fynegai prisiau yswiriant carYn agor mewn ffenestr newydd Confused.com

Opens in a new window

Rhaid i yswirwyr godi'r un tâl ar gwsmeriaid newydd a phresennol, ond gwiriwch bob amser a allwch arbed trwy newid yswirwyr. Peidiwch byth ag adnewyddu'n awtomatig.

Gallwch gael dyfynbrisiau yswiriant gan:

• wefannau cymharu – rhowch eich manylion unwaith i gael dyfynbrisiau gan lawer o yswirwyr:
  • Gweler ein rheolau euraidd gwefan gymharu
  • Gweler trefn MoneySavingExpert o’r gwefannau cymharu rhatafYn agor mewn ffenestr newydd
• yswirwyr yn uniongyrchol – nid yw pob yswiriwr yn ymddangos ar safleoedd cymharu, fel Direct Line
• broceriaid yswiriant – am gyngor neu bolisi wedi’i deilwra. Gweler Pryd i ddefnyddio brocer yswiriant.

Mae awgrymiadau eraill ar gyfer cael dyfynbris rhatach yn cynnwys:

• ceisiwch ychwanegu gyrrwr a enwir â risg is (fel rhiant neu bartner)
• cynydwchu eich tâl dros ben, os ydych chi’n hapus i dalu mwy pe bai’n rhaid i chi wneud hawliad
• talwch yn flynyddol yn hytrach nag yn fisol.

Gweler deg ffordd o gadw costau yswiriant car i lawr am fwy o wybodaeth.

Os ydych yn yrrwr ifanc neu ddibrofiad efallai y cewch gynnig polisi ‘blwch du’ sy’n rhatach na’r rhai eraill a restrir – a elwir hefyd yn bolisïau telemateg.

Maent yn rhoi sgôr gyrru i chi a allai leihau faint y byddwch yn ei dalu pan ddaw'n amser adnewyddu. Mae rhai yswirwyr hefyd yn rhoi gwobrau i chi fel talebau am yrru'n ddiogel.

Efallai y bydd eich yswiriwr yn trefnu i ddyfais fach gael ei gosod ar eich car neu’n gofyn i chi lawrlwytho ap sy’n anfon gwybodaeth yn ôl ato am y ffordd rydych yn gyrru.

Gall hyn gynnwys:

• Pan fyddwch chi'n gyrru, os ydych chi'n gyrru gyda'r nos yn aml gall hyn effeithio ar eich sgôr gyrru gyda rhai yswirwyr.
• Sawl milltir yr ydych yn gyrru ac os cymerwch seibiannau ar deithiau hir.
• P'un ai ydych yn torri'r terfyn cyflymder.
• Pa mor esmwyth rydych chi'n gyrru, os ydych chi bob amser yn bwrw’ch brêc yn sydyn neu'n cyflymu wrth ddod at gorneli, gallai hynny achosi damweiniau.

Mae llawer o bobl wedi gweld cynnydd sydyn yn eu taliadau yswiriant car eleni.

Yn ôl Association of British Insurers (ABI), mae prisiau yswiriant car wedi cynyddu gan fod atgyweiriadau bellach yn ddrytach. Mae hyn yn golygu bod yswirwyr yn gorfod talu mwy oherwydd cynnydd yng nghostau:

• rhannau sbar
• paent, a
• llafur.

Mae prinder gweithwyr medrus a rhannau sydd ddim ar gael hefyd yn arwain at oedi costus.

Mae angen i yswirwyr godi digon fel y gallant fforddio talu hawliadau, felly yn anffodus mae hyn yn golygu bod yn rhaid i ni i gyd dalu mwy.