Sut mae yswiriant aml-gar yn gweithio?

Gydag yswiriant aml-gar, mae pob cerbyd yn cael ei gwmpasu o dan un polisi gyda'r un yswiriwr.

Gall yswiriant aml-gar fod yn gyfleus i deuluoedd neu gartrefi sydd â sawl cerbyd. Mae'r cerbydau'n rhannu rhif polisi, sy'n golygu mai dim ond un dyddiad adnewyddu sydd gennych i'w ystyried pan fydd eich yswiriant yn dod i ben.

Fel arfer, byddwch yn cael holl fuddion yswiriant a gostyngiadau safonol ar gyfer pob car a ychwanegir. Tra bod eich premiwm yn cynyddu gyda phob car, mae eich disgownt yn cynyddu hefyd.

Mae yswiriant aml-gar hefyd yn golygu bod pob car yn cael ei ostyngiad bonws dim hawliadau ei hun ar gyfer pob blwyddyn ddi-hawliad.

Gallwch, gellir yswirio dau gar ar yr un polisi aml-gar cyn belled â'u bod wedi'u cofrestru yn yr un cyfeiriad.

Mae'r holl geir ar y polisi aml-gar yn adnewyddu ar yr un dyddiad, waeth pryd y cafodd pob car ei ychwanegu.

Gallwch adnewyddu pob car gyda'i gilydd ar ddiwedd y polisi.

Gall manylion amrywio rhwng yswirwyr, felly gwiriwch manylion eich polisi.

Mae rhai yswirwyr yn gadael i chi brynu yswiriant aml-gar ar gyfer cerbydau sydd wedi'u cofrestru mewn sawl cyfeiriad os yw'r deiliaid polisi yn aelodau o'r teulu.

Mae'r rhan fwyaf o yswirwyr yn gofyn bod y ceir yn perthyn i aelodau agos o'r teulu, fel priod, rhieni neu blant. Fodd bynnag, mae rhai yswirwyr hefyd yn cynnwys brodyr a chwiorydd neu berthnasau agos eraill.

Weithiau mae cyfyngiadau. Yn nodweddiadol, rhaid i'r cyfeiriadau fod yn yr un wlad neu ranbarth, a gallai rhai yswirwyr gyfyngu ar y pellter rhwng y cyfeiriadau.

Gall yswirio ceir mewn gwahanol gyfeiriadau effeithio ar y premiwm cyffredinol.

Mae polisïau'n amrywio rhwng yswirwyr, felly edrychwch o gwmpas am y cytundeb orau os ydych chi eisiau yswirio mwy nag un car o wahanol gyfeiriadau.

Os oes gan eich cartref sawl car, byddwch fel arfer yn gymwys i gael yswiriant aml-gar - does dim rhaid iddynt fod yn deulu bob amser. Os ydych chi'n byw gyda ffrind, efallai y gallwch ddewis yswiriant aml-gar.

Mae gan rai yswirwyr reolau sy'n cyfyngu pwy all rannu un polisi yswiriant os nad ydynt yn byw gyda'i gilydd. Fel arfer, gall aelodau uniongyrchol o'r teulu, fel plant, gael eu cynnwys yn eich polisi, ni waeth ble maent yn byw.

Fel arfer, gallwch gymryd polisi am hyd at chwe car.

Mae'r gofynion yn amrywio rhwng darparwyr. Gallai gyrwyr iau a'r rhai sydd â hanes gyrru gwael ei chael hi'n anodd dod o hyd i yswirwyr sy'n eu derbyn.

Mae costau yswiriant aml-gar yn amrywio yn dibynnu ar lefel eich yswiriant a ffactorau fel:

• oed
• cyfeiriad
• swydd
• hanes gyrru.

Os oes gan rywun ar y polisi gar drud neu hanes gyrru gwael, gallai effeithio ar y premiwm cyffredinol.

Mae'n bwysig ystyried hyn wrth bwyso a mesur manteision yswiriant aml-gar. 

Er bod yswiriant aml-gar yn aml yn rhatach na'r safonol, efallai na fydd yn addas i bawb.

Gall fod yn ddrytach os oes gan un car neu yrrwr ffactorau risg uchel.

Mae'n ddoeth i siopa o gwmpas i wneud yn siŵr nad ydych yn gor dalu.

Bydd cymharu'r ffactorau hyn yn eich helpu i brynu'r polisi cywir:

Bydd pwyso a mesur costau premiwm yn erbyn lefelau’r hyn mae’n ei gwmpasu yn eich helpu i ddod o hyd i'r polisi cywir ar gyfer eich cyllideb.

Gofynnwch am ddyfynbrisiau ar gyfer pob cerbyd yn gyntaf i wneud yn siŵr bod yswiriant aml-gar yn iawn ar eich cyfer.

Yna gallwch gymharu cyfanswm cost yswirio pob car yn unigol â dyfyniadau aml-gar gan wahanol ddarparwyr.

Gall defnyddio safleoedd cymharu eich helpu i gymharu premiymau yswiriant aml-gar. Fodd bynnag, mae'n bwysig cofio efallai nad y cytundeb rhataf fydd orau.

Cymharwch bolisïau yswiriant car ar DefaqtoYn agor mewn ffenestr newydd

Ystyriwch pa lefel o yswiriant sydd ei angen arnoch a'r hyn y gallwch ei fforddio. Nid yw pob polisi yn cynnwys diogelu pethau fel torri mecanyddol neu drydanol.

Wrth gymharu polisïau, gwiriwch am nodweddion fel  sicrwydd sgrin wynt, diogelu bonws dim hawliad ac yswiriant ar gyfer gyrru ceir eraill.

Mae hefyd yn bwysig nodi nad yw mwy o yswiriant o reidrwydd yn cyfateb yn ddrutach - cymharwch brisiau bob amser.

Efallai y bydd rhai yswirwyr yn cynnig gostyngiadau ar bethau ychwanegol fel yswiriant  aml-gar os yw car yn torri lawr nad yw fel arfer yn cael eu cynnwys.

Bydd siopa o gwmpas yn eich helpu i ddod o hyd i'r polisi gorau.

Mae hawlio ar yswiriant aml-gar yr un fath ag yswiriant safonol.

Bydd angen i chi roi gwybod am y digwyddiad, darparu manylion damweiniau, a gadael i'r yswiriwr ddelio â’ch hawliad.

Mae p'un a yw yswiriant aml-gerbyd yn iawn i chi ai peidio yn dibynnu ar wahanol ffactorau.

Bydd pwyso a mesur y manteision a'r anfanteision yn eich helpu i benderfynu a yw'n werth ei gael.

Dysgwch sut i ddod o hyd i'r polisi gorau, gan gynnwys y gwahanol fathau o yswiriant, awgrymiadau arbed arian, a lefel y diogelwch sydd ei angen arnoch yn ein canllaw Yswiriant car – yr hyn sydd angen i chi ei wybod.