Mae ymuno â chynllun pensiwn gweithle nawr mor hawdd â phosibl i bobl gyflogedig. Ac mae'n ffordd wych o'ch helpu i gynilo ar gyfer ymddeoliad.
Beth sydd yn y canllaw hwn
Sut y byddaf yn ymuno â phensiwn gweithle fy nghyflogwr?
Mae gan bob gweithiwr hawl i ymuno â chynllun pensiwn gweithle.
Os ydych yn gymwys, dylai'ch cyflogwr eich ymrestru'n awtomatig i’r cynllun (amlinellir y rheolau cymhwysedd isod).
Os nad ydych yn gymwys, gallwch ddal i ymuno ond mae angen i chi ei drefnu hyn gyda'ch cyflogwr.
Os ydych yn gymwys ond nad ydych am ymuno, gallwch eithrio allan.
Darganfyddwch fwy yn ein canllaw A gaf optio allan o'm pensiwn?
Gallech ddarganfod nad ydych wedi eich ymrestru yn awtomatig pan fyddwch yn ymuno â’ch cyflogwr am y tro cyntaf, ond yn cael eich ymestru nes ymlaen os yw eich enillion yn cynyddu. Gall hyn fod os yw eich tâl yn cynyddu am un cyfnod tâl yn unig.
Angen mwy o wybodaeth am bensiynau?
Ffoniwch ni am ddim ar 0800 011 3797 neu defnyddiwch ein gwe-sgwrs. Bydd un o’n harbenigwyr pensiwn yn hapus i ateb eich cwestiynau.
Mae ein help yn ddiduedd ac am ddim i’w ddefnyddio, p’un ai yw hynny ar-lein neu dros y ffôn.
Amseroedd agor: Dydd Llun i Ddydd Gwener, 9am i 5pm. Ar gau ar wyliau banc.
Ydw i'n gymwys i ymuno â fy nghynllun pensiwn gweithle?
Deiliaid swydd cymwys
Os ydych yn ddeiliad swydd cymwys (fel y'i diffinnir isod), byddwch yn cael eich ymrestru'n awtomatig yng nghynllun pensiwn gweithle eich cyflogwr.
Mae deiliaid swydd cymwys:
- rhwng 22 ac oedran Pensiwn y Wladwriaeth
- yn ennill dros y trothwy enillion (£10,000 y flwyddyn, gweler isod) a
- yn gweithio (yn bennaf) yn y DU a bod â chontract cyflogaeth (nid contractwr hunangyflogedig); neu bod â chontract i ddarparu gwaith a/neu wasanaethau yn bersonol (dim is-gontractio i drydydd parti).
Rhaid i'ch cyflogwr wneud cyfraniadau i'r cynllun pensiwn, ac efallai y bydd yn rhaid i chi gyfrannu hefyd.
Os nad ydych am ymuno â'r cynllun, gallwch eithrio allan.
Darganfyddwch fwy yn ein canllaw A gaf optio allan o'm pensiwn?
Yn ôl y gyfraith, mae’n rhaid i'ch cyflogwr eich ail ymrestru yn ôl i'r cynllun tua bob tair blynedd. Mae hyn cyhyd â'ch bod yn dal i fodloni'r meini prawf cymhwysedd.
Deiliad swydd sydd ddim yn gymwys
Os ydych yn ddeiliad swydd sydd ddim yn gymwys (fel y'i diffinnir isod), does dim rhaid i chi gael eich ymrestru'n awtomatig ym mhensiwn gweithle eich cyflogwr. Ond gallwch ofyn am ymuno.
Os ymunwch, byddwch hefyd yn cael cyfraniadau cyflogwr.
Mae deiliad swydd sydd ddim yn gymwys:
- naill ai rhwng 16 a 21 oed neu oedran Pensiwn y Wladwriaeth a 74 oed
- yn ennill dros y trothwy enillion (£10,000 y flwyddyn), ac
- yn gweithio (yn bennaf) yn y DU a bod â chontract cyflogaeth (nid contractwr hunangyflogedig); neu fod â chontract i ddarparu gwaith a/neu wasanaethau yn bersonol (heb is-gontractio i drydydd parti).
Neu:
- rhwng 16 a 74 oed
- yn ennill rhwng y swm enillion is a'r trothwy enillion, ac (£6,240 - £10,000 y flwyddyn)
- yn gweithio (yn bennaf) yn y DU a bod â chontract cyflogaeth (nid contractwr hunangyflogedig); neu fod â chontract i ddarparu gwaith a/neu wasanaethau yn bersonol (heb is-gontractio i drydydd parti).
Gweithwyr â hawl
Os ydych yn weithiwr cymwys (fel y'i diffinnir isod), gallwch ofyn am ymuno â'ch cynllun pensiwn gweithle.
Ond nid oes rhaid iddo fod yr un cynllun â gweithwyr cymwys a gweithwyr nad ydynt yn gymwys.
Gallai fod yn bensiwn personol neu'n fath arall o gynllun pensiwn.
Darganfyddwch fwy yn ein canllaw Pensiynau personol
Nid oes rhaid i’ch cyflogwr gyfrannu, er y gallant ddewis gwneud.
Mae gweithwyr â hawl:
- rhwng 16 a 74 oed
- yn ennill llai na’r swm enillion is (£6,240 y flwyddyn), ac
- yn gweithio (yn bennaf) yn y DU a bod â chontract cyflogaeth (nid contractwr hunangyflogedig); neu fod â chontract i ddarparu gwaith a/neu wasanaethau yn bersonol (heb is-gontractio i drydydd parti).
Os nad ydych yn ddeiliad swydd cymwys, deiliad swydd sydd ddim yn gymwys neu weithiwr â hawl
Mae hyn yn golygu nad oes gennych unrhyw hawliau i ymuno â chynllun pensiwn gweithle eich cyflogwr.
Ond gallwch ddal i gynilo ar gyfer eich ymddeoliad trwy gymryd pensiwn personol.
Darganfyddwch fwy yn ein canllaw Pensiynau personol
Trothwy enillion
Y trothwy enillion yw £10,000 y flwyddyn.
Fe'ch asesir o ran cymhwysedd ar bob cyfnod tâl.
Bydd y trothwy enillion yn cael ei ragbrisio. Mae hyn yn golygu y bydd y gwir drothwy enillion yn wahanol os ydych yn cael eich talu'n fisol, bob pedair wythnos, bob pythefnos neu bob wythnos.
Er enghraifft, os ydych yn cael eich talu'n fisol - byddwch yn cwrdd â'r trothwy enillion os yw'ch enillion misol yn cyrraedd o leiaf £833.
Os ydych yn cael eich talu'n wythnosol, byddwch yn cwrdd â'r trothwy enillion os yw'ch enillion wythnosol yn cyrraedd o leiaf £192.
Wrth i chi gael eich asesu ar gyfer cymhwysedd ym mhob cyfnod tâl, efallai y gwelwch eich bod wedi ymrestru'n awtomatig os bydd eich enillion yn cynyddu. Mae hyn hyd yn oed os mai dim ond am gyfnod byr y mae’n digwydd.
Swm enillion is
Y swm enillion is ar hyn o bryd yw £6,240 y flwyddyn.
Ond fe'ch asesir o ran cymhwysedd ym mhob cyfnod tâl - a bydd y swm enillion is yn cael ei ragbrisio.
Wrth i chi gael eich asesu ar gyfer cymhwysedd ym mhob cyfnod tâl, efallai y gwelwch eich bod wedi ymrestru'n awtomatig os bydd eich enillion yn cynyddu. Mae hyn hyd yn oed os mai dim ond am gyfnod byr y mae’n digwydd.
Er enghraifft, os ydych yn cael eich talu'n fisol, byddwch yn cwrdd â'r swm enillion is os yw'ch enillion misol yn £520.
Os ydych yn cael eich talu'n wythnosol, byddwch yn talu'r swm enillion is os yw'ch enillion wythnosol yn £120.
Eithrio allan o’r cynllun
Pan fyddwch wedi ymrestru yn y cynllun pensiwn, mae gennych un mis calendr i eithrio allan a chael ad-daliad llawn o unrhyw gyfraniadau.
Gelwir hyn yn gyfnod eithrio allan. Mae'n dechrau o ba bynnag ddyddiad yw'r diweddaraf:
- y dyddiad y cyflawnwyd aelodaeth weithredol, neu
- y dyddiad y cawsoch lythyr gan eich cyflogwr gyda gwybodaeth ymrestru.
Ni allwch eithrio allan cyn i'r cyfnod eithrio allan ddechrau neu ar ôl iddo ddod i ben.
Os penderfynwch adael y cynllun ar ôl yr amser hwn, bydd p'un a ydych yn cael ad-daliad yn dibynnu ar reolau'r cynllun pensiwn.
Cyn i chi eithrio allan, mae'n werth ystyried y buddion gwerthfawr y gallech fod yn eu rhoi i fyny.
Darganfyddwch fwy yn ein canllaw A gaf optio allan o'm pensiwn?
Os oes gennych fwy nag un swydd
Os oes gennych fwy nag un swydd, bydd pob cyflogwr yn gwirio a ydych yn ddeiliad swydd cymwys.
Os ydych, byddwch yn cael eich ymrestru'n awtomatig. Mae hyn yn golygu y gallech chi gael eich ymrestru'n awtomatig i fwy nag un cynllun pensiwn gweithle.
Os nad ydych yn ddeiliad swydd cymwys, gallwch ddal i ofyn i ymuno â chynllun pensiwn gweithle pob cyflogwr.
Er y byddwch yn adeiladu cronfa bensiwn ar wahân, efallai y gallwch chi gyfuno'r rhain yn nes ymlaen. Gallai hyn fod os byddwch yn gadael un neu fwy o'ch swyddi, neu pan fyddwch yn dechrau cymryd eich pensiwn.
