Pam fod ceisiadau am forgais yn cael eu gwrthod a beth i’w wneud nesaf

Gwiriwch eich ffeil gredyd gyda’r asiantaethau gwirio credyd (ExperianYn agor mewn ffenestr newydd, EquifaxYn agor mewn ffenestr newydd a TransUnionYn agor mewn ffenestr newydd) i weld pa wybodaeth sydd ganddynt amdanoch.

Os yw unrhyw ran o’r wybodaeth ar eich adroddiad credyd yn anghywir, gallwch ei gywiro.

Mae angen i chi fod ar y gofrestr etholiadol yn eich cyfeiriad presennol er mwyn i ddarparwyr benthyciadau allu cadarnhau pwy ydych a’ch cyfeiriad.

Pan wnewch gais am gredyd, bydd y darparwr benthyciadau yn chwilio drwy eich adroddiad credyd er mwyn gwirio’ch addasrwydd.

Cofnodir y rhan fwyaf o chwiliadau, gan adael nodyn ar eich hanes credyd.

Mae gwneud llawer o geisiadau am gredyd dros gyfnod byr o amser yn ymddangos fel bod gennych broblemau ariannol, felly ceisiwch osgoi cymryd cytundebau credyd newydd am o leiaf blwyddyn cyn i chi ymgeisio am forgais.

Mae cael gormod o ddyled yn barod yn debygol o leihau’ch tebygrwydd o gael eich derbyn am forgais.

Os oes gennych bryderon ariannol, mae digon o gyngor am ddim a chyfrinachol ar gael i’ch helpu.

Bydd unrhyw fenthyciad diwrnod cyflog a gawsoch yn ystod y 6 blynedd diwethaf wedi ei restru ar eich ffeil, hyd yn oed os gwnaethoch ei ad-dalu’n brydlon. Gallai ddal i gyfrif yn eich erbyn gan y gallai darparwyr benthyciadau feddwl na allwch ymdopi gyda’r cyfrifoldeb ariannol o gael morgais.

Bydd effaith cael benthyciad diwrnod cyflog yn amrywio o un darparwr i’r llall a ni fydd hyn o reidrwydd yn golygu y cewch eich gwrthod ar gyfer morgais.

Nid yw darparwyr benthyciadau yn berffaith. Mae llawer ohonynt yn rhoi manylion o’ch cais i mewn i gyfrifiadur felly mae’n bosibl methodd eich cais o ganlyniad i gamgymeriad neu wall ar eich ffeil credyd. Mae darparwr yn annhebygol o roi rheswm penodol i chi pam rydych wedi methu â chais am gredyd ar wahân i’r ffaith ei fod yn ymwneud â’ch ffeil gredyd.

Os bydd hyn yn digwydd, dylai’r darparwr roi manylion yr asiantaeth gyfeirio credyd a wnaethant ei ddefnyddio i chi.

Gallwch ofyn am forgais llai neu weld a ydych yn gymwys am gyd-berchnogaeth neu help trwy un o gynlluniau prynu cartref y llywodraeth.

Mae’n well gan rai darparwyr benthyciadau fenthyca i fath penodol o berson, gallai fod yn seiliedig ar oedran neu leoliad neu faint rydych am ei fenthyg.

Mae gan gynghorydd morgais annibynnol brofiad o’r farchnad ac mae’n debygol o fod â gwell syniad o’r math o fenthyciwr y bydd y darparwr benthyciadau eisiau ei ddenu.

Os mai dim ond blaendal bach rydych wedi gallu ei gynilo, efallai caiff eich ceisiadau eu gwrthod oherwydd eich bod am fenthyg gormod o arian.

Mae rhai cynigion morgais ar gael os oes gennych blaendal bach o 5 i 10%, ond bydd angen i chi chwilio amdanynt.

Gallwch geisio cynilo am gyfnod hwy o amser fel bod gennych blaendal mwy, neu mae cynlluniau gan y llywodraeth i’ch helpu os mai blaendal bach yn unig sydd gennych.

Mae rhaid i chi brofi eich bod yn cael incwm rheolaidd drwy ddangos cyfriflenni treth a chyfrifon busnes am y ddwy i dair blynedd diwethaf o leiaf.

Efallai y bydd yn ofynnol i chi brofi bod gennych waith wedi ei sicrhau ar gyfer y dyfodol hefyd – ond bydd y penderfyniad hwnnw’n amrywio o un darparwr benthyciadau i’r llall.

Mae’r rhan fwyaf, ond nid pob un darparwr benthyciadau yn anfodlon benthyca i bobl sydd newydd gyrraedd y DU.

Bydd angen i chi ddangos eich cytundeb cyflogaeth a fisa, sy’n profi bod gennych hawl i fyw a gweithio yn y DU.

Bydd brocer morgais proffesiynol a chynghorydd ariannol annibynnol sy’n arbenigo mewn morgeisi’n gyfarwydd â’r morgeisi sydd ar gael.

Byddant yn ymwybodol o’r hyn mae wahanol ddarparwyr benthyciadau yn chwilio amdano cyn cynnig morgais, a byddant yn siarad â’r darparwr ar eich rhan.