Prynu car trwy hurbwrcasu

Fel arfer, bydd rhaid i chi dalu blaendal ar y car y dymunwch ei brynu. Ar gyfer y rhan fwyaf o gytundebau hurbwrcasu bydd hyn yn 10% neu ragor o werth y cerbyd.

Byddwch wedyn yn talu gweddill gwerth y car mewn rhandaliadau, dros gyfnod o 12 i 60 mis (un i bum mlynedd).

Trefnir hurbwrcasu gan y gwerthwr ceir, ond mae broceriaid yn cynnig y gwasanaeth hwn hefyd. Yn aml mae’r cyfraddau’n gystadleuol iawn ar gyfer ceir newydd, ond yn llai cystadleuol ar gyfer ceir ail law. Ar gyfer ceir ail law gall y gyfradd ganrannol flynyddol amrywio rhwng 4% - 8%. Po isaf yw’r ganran, gorau oll.

Gallai’r gyfradd fod yn uwch os, er enghraifft, nad oes gennych sgôr credyd da. Gweler ein canllaw Sut i wella'ch sgôr credyd am ragor o wybodaeth a sut i wirio'ch adroddiadau am ddim.

Mae'r benthyciad wedi'i warantu yn erbyn y car. Mae hyn yn golygu mai dim ond ar ôl i chi:

• wneud yr holl ad-daliadau, a
• thalu ffi derfynol, a elwir yn ‘Opsiwn i Brynu' – fel arfer rhwng £100 a £200.

Rydym hefyd yn argymell eich bod yn gwirio a oes unrhyw ffioedd a thaliadau ychwanegol ar eich benthyciad.

Er mwyn eich helpu i gyfrifo faint y bydd benthyciad yn ei gostio, defnyddiwch gyfrifiannell benthyciad Money Saving ExpertYn agor mewn ffenestr newydd

Ceir dau brif ddewis yma:

• cael y cyllid drwy’r gwerthwr ceir sy’n gwerthu’r car i chi
• cael cyllid drwy frocer ar-lein
• cael cyllid drwy eich banc.

Mae’n ddefnyddiol chwilio ar-lein yn gyntaf er mwyn i chi gael ychydig o ffigurau i’ch helpu i fargeinio gyda’r gwahanol werthwyr ceir. Gall bargeinion amrywio’n sylweddol ar-lein a rhwng gwerthwyr ceir felly mae’n hanfodol cael mwy nag un ddyfynbris.

I’ch helpu i gymharu’r gwahanol gynigion gofynnwch am:

• yr APR y byddwch yn ei thalu
• y cyfanswm i’w dalu’n ôl
• cyfanswm cost y credyd
• unrhyw ffioedd ychwanegol.

Er mwyn eich helpu i ddod o hyd i'r fargen HP orau, rydym yn awgrymu naill o'r ddwy wefan canlynol:

• Money Saving ExpertYn agor mewn ffenestr newydd
• The Car ExpertYn agor mewn ffenestr newydd

• Rhowch gynnig ar wahanol werthwyr ceir – gall pob gwerthwr, hyd yn oed gan yr un gwneuthurwr, gynnig bargeinion sy’n wahanol i’w gilydd. Os nad ydych yn cael cynnig pris da, gallwch roi cynnig ar werthwr arall a gweld beth sydd ar gael yno.
• Bargeiniwch – gallwch fargeinio dros yr APR, nid dim ond pris y car yn unig. Gyda llai o log bydd eich taliadau yn gannoedd os nad miloedd o bunnoedd yn llai dros gyfnod y contract hurbwrcasu. Gallwch fargeinio dros flaendaliadau a ffioedd hefyd.
• Peidiwch â brysio – nid oes rhaid i chi fodloni ar y cynnig cyntaf a gewch, ac os cewch chi gontract, sicrhewch eich bod yn cymryd eich amser ac yn darllen y cyfan, gan gynnwys yr amodau a’r telerau.
• Defnyddiwch gerdyn credyd – ystyriwch dalu rhan o’r gost ar gerdyn credyd. Ni fydd llawer o ddelwyr yn eich galluogi i wneud hynny, felly gwiriwch gyda nhw. Mae talu dim ond 1c o’r blaendal ar gerdyn credyd yn rhoi diogelwch gwerthfawr i chi o dan Adran 75: diogelwch taliad cerdyn credyd.
• Gwiriwch y bwlch – ystyriwch unrhyw ychwanegion yn ofalus. Er enghraifft, mae yswiriant bwlch wedi’i ddylunio i gynnwys y gwahaniaeth rhwng y swm bydd eich yswiriwr car yn ei dalu os caiff eich car ei ddwyn, neu ddileu, a’r pris wnaethoch dalu am eich car. Darganfyddwch fwy ar wefan Which?Yn agor mewn ffenestr newydd

Pan brynwch gar, rydych yn debygol o fynd at un ai werthwr ceir annibynnol (un a redir gan fusnes ac sy’n cadw ceir gan amryw o wahanol wneuthurwyr) neu un fasnachfreiniol (un sy’n cydweithio â gwneuthurwr fel Ford neu Volkswagen ac ati).

Bydd gan werthwyr annibynnol ddewis mwy helaeth o geir gan ei bod yn haws iddynt gadw stoc gan wahanol wneuthurwyr ceir. Ceir ail law welwch gan amlaf hefyd, sy’n gerbydau rhatach fel arfer.

Fel arfer ni fyddwch yn medru cael bargeinion cyllid 0% na bargeinion â chyfraniad blaendal sylweddol a bydd yr APR rhwng tua 5-20% - er bydd eich hanes credyd yn effeithio’r gyfradd a fydd ar gael i chi.

Gwerthwyr ceir masnachfreiniol yw’r lle i fynd i gael car newydd – er cofiwch fod ceir newydd yn colli eu gwerth yn sgil dibrisiad yn gyflym iawn.

Gall masnachfreinio gynnig bargeinion cystadleuol iawn hefyd fel cyllid 0% neu gyfraniadau rhwng £500-£2,000 ar flaendal ar gar. Mae’r bargeinion hyn yn fwy cyffredin ar geir newydd, ond bydd angen hanes credyd da iawn arnoch i fod yn gymwys am y bargeinion gorau.

Mae pryniant amodol yn debyg i hurbwrcasu ond chi fydd yn berchen ar y car ar ddiwedd cytundeb pryniant amodol. Yn wahanol i hurbwrcasu, nid oes ffi ‘Opsiwn i Brynu’ yn daladwy, felly chi fydd perchennog y car fel mater o drefn wedi i chi gwblhau’r holl ad-daliadau i’ch darparwr benthyciadau.

Fel arfer nid ydych yn perchen ar y car hyd nes i chi dalu’r rhandaliad terfynol a gallai darparwr y benthyciad gymryd y car yn ei ôl os methwch â thalu’ch taliadau’n brydlon.

Mae amryw o ddulliau i brynu car, o ddefnyddio arian parod ar ôl cyfnod o gynilo, i gael benthyciad gan fanc neu ddefnyddio ffordd arall i gael cyllid. 

Os ydych yn ei chael yn anodd talu’ch ad-daliadau hurbwrcasu car yn brydlon, mae rhai opsiynau ar gael i chi.