Lle gallaf gael cymorth a chyngor am fudd-daliadau?

Gall Cyngor Ar Bopeth roi cyngor cyfrinachol, diduedd ac annibynnol am ddim i chi ar fudd-daliadau.

Yn ogystal â chyngor ar fudd-daliadau, gallant eich helpu i ddatrys problemau â dyled, tai a llawer mwy.

• ar-lein
• ymweliadau cartref
• wyneb yn wyneb
• llinell gymorth
• e-bost (mewn rhai achosion).

Pawb.

Chwiliwch am eich canolfan leol i drefnu apwyntiad neu i weld rhestr o rifau ffôn:

• Cymru a Lloegr gwefan Cyngor Ar Bopeth
• Yr Alban gwefan Cyngor Ar Bopeth
• Gogledd Iwerddon gwefan Advice NI

Os ydych yn wynebu argyfwng ac nid oes gennych arian i dalu am fwyd, efallai y gallech ddefnyddio banc bwyd.

Fel arfer ni allwch fynd yn uniongyrchol at fanc bwyd. Bydd y rhan fwyaf ohonynt yn gofyn i chi gael taleb atgyfeirio gan sefydliad yn eich cymuned cyn i chi allu eu defnyddio.

Dyma rai o’r llefydd ble gallwch gael taleb banc bwyd:

• Cyngor ar Bopeth
• eich cyngor lleol
• Meddyg teulu neu ymwelydd iechyd
• Gweithiwr cymorth
• Gweithiwr cymdeithasol
• Canolfan Blant
• Heddlu.

Os credwch fod angen i chi ddefnyddio banc bwyd, dilynwch y camau canlynol:

1. Gallwch chwilio ar-lein am fanciau bwyd yn eich ardal leol. Byddwch yn gallu gweld lleoliad pob un ac â pha sefydliadau cymunedol y mae’r banciau bwyd yn cydweithio â hwy a fydd yn gallu trefnu’r daleb ar eich cyfer.
2. Neu, gall sefydliad atgyfeirio eich helpu i ddod o hyd i'r banc bwyd agosaf a rhoi taleb i chi. I gael help â hyn, ewch i wefan Cyngor ar Bopeth
3. Wedi i chi gyrraedd y sefydliad atgyfeirio, byddant yn gofyn am ychydig o wybodaeth syml gennych er mwyn canfod eich anghenion a gwirio a ydych yn ddilys i gael taleb.
4. Os byddwch yn gymwys, cewch daleb gan y sefydliad atgyfeirio i’w defnyddio yn y banc bwyd i chi ei chyfnewid am fwyd.
5. Os bydd angen i ddefnyddio banc bwyd eto, bydd angen i chi gael atgyfeiriad arall.

Os credwch y byddwch yn fyr o fwyd erbyn diwedd yr wythnos mae’n bwysig i chi gynllunio ymlaen llaw. Nid yw’r rhan fwyaf o fanciau bwyd ar agor dros y penwythnos, felly ceisiwch gael atgyfeiriad cyn y penwythnos.

Cyn ymweld â sefydliadau atgyfeirio cymunedol, neu gangen Cyngor Ar Bopeth - gwnewch yn siŵr eich bod yn gwirio eu bod ar agor yn gyntaf, cyn teithio yno.

Os ydych wedi cael eich taleb ond nid oes modd i chi deithio, efallai y gallai’ch banc bwyd agosaf ddanfon y bwyd atoch. Dylech gysylltu â hwy i gael gwybod hynny.

Mae rhai banciau bwyd yn cyfyngu ar y nifer o weithiau y cewch fynd atynt. Os gwelwch eich bod yn dibynnu’n ormodol arnynt, byddant yn gallu eich cyfeirio at rywle arall am gymorth.

Darganfyddwch fanc bwyd annibynnol yn lleol ar wefan Food Aid Network

Gallwch ddod o hyd i’ch banc bwyd Ymddiriedolaeth Trussell ar wefan Ymddiriedolaeth Trussell

Darganfyddwch eich swyddfa Cyngor ar Bopeth agosaf a’i horiau agor, ar wefan Cyngor Ar Bopeth

Os ydych yn byw yng Ngogledd Iwerddon, ewch i wefan Advice NI

Mae Canolfannau’r Gyfraith yn darparu cyngor cyfreithiol a chynrychiolaeth am ddim i bobl dan anfantais. Efallai y gallant eich helpu â chyngor arbenigol os oes gennych broblem budd-dal gymhleth neu os ydych am apelio yn erbyn penderfyniad a wnaed ar eich hawl i fudd-dal.

Yn ogystal â chyngor ar fudd-daliadau a hawliau lles, mae Canolfannau’r Gyfraith yn cynnig cyngor cyfreithiol ar faterion yn cynnwys cyflogaeth a thai.

• wyneb yn wyneb
• ffôn (mewn rhai ardaloedd).

Pawb sy'n methu fforddio talu am gymorth cyfreithiol.

Yng Nghymru, Lloegr a Gogledd Iwerddon, darganfyddwch eich un agosaf ar wefan Law Centres Network

Yn yr Alban, darganfyddwch eich Canolfan Gyfraith agosaf ar wefan Shelter Scotland

Gall cynghorydd budd-daliadau Macmillan eich helpu i gyfrifo pa gymorth ariannol mae gennych hawl iddo.

Maent yn cynnig cyngor arbenigol i helpu i leddfu pryderon ariannol.

Gan gynnwys gwybodaeth ar:

• fenthyciadau
• grantiau
• budd-daliadau
• credydau treth.

• wyneb yn wyneb
• ymweliadau cartref
• ffôn.

Unrhyw un a effeithir gan ganser. 

Darganfyddwch un yn agos i chi ar wefan Macmillan Cancer Support

Mae rhai canghennau lleol Age UK yn cynnig gwasanaeth cyngor cyfrinachol am ddim ar fudd-daliadau.

Cymorth ymarferol i wneud yn siŵr eich bod yn cael yr holl fudd-daliadau y mae gennych hawl iddynt.

• wyneb yn wyneb
• ymweliadau cartref
• ffôn
• cymorth i lenwi ffurflenni cais.

Unrhyw un sydd dros oedran Pensiwn y Wladwriaeth ac yn byw yn yr ardal a gwmpasir gan y gangen leol.

Ffoniwch Linell Gymorth Age UK: 0800 169 6565 (8am i 7pm, 365 diwrnod y flwyddyn).

Ewch i wefan Age UK

Neu rhowch ‘Age UK’ ac enw’ch ardal leol mewn peiriant chwilio.

Mae Gingerbread yn cynnig cyngor a chymorth ymarferol i rieni sengl, gan gynnwys cyngor ar fudd-daliadau a chredydau treth.

Gallwch ffonio am ddim ar 0808 802 0925 (ddydd Llun: 10am i 6pm, ddydd Mawrth, ddydd Iau, ddydd Gwener: 10am i 4pm, ddydd Mercher: 10am i 1pm a 5pm-7pm). Neu ewch i wefan Gingerbread

Gogledd Iwerddon

Ewch i wefan Parenting NI Gallwch hefyd eu ffonio am ddim ar 0808 8010 722 (ddydd Llun i ddydd Iau: 9.30am i 3.30pm, a ddydd Gwener: 9.30am i 12.30pm).

Os ydych yn poeni am gadw i fyny ag ad-daliadau dyled mae llawer o gymorth a chyngor cyfrinachol ar gael am ddim.

Os oes gennych ôl-ddyledion rhent neu forgais neu os ydych yn poeni am golli’ch cartref, mae Shelter yn cynnig cyngor cyfrinachol ar amrediad o broblemau ynghylch tai.

• Ewch i Shelter Cymru am gyngor
• Ewch i Shelter England am gyngor
• Ewch i Shelter Scotland am gyngor
• Ewch i Shelter Northern Ireland am gyngor

Os yw eich problem yn gymhleth, gall Advicelocal eich helpu i ddod o hyd i gyngor am ddim a didueddYn agor mewn ffenestr newydd yn eich ardal chi ar:

• fudd-daliadau
• Treth Cyngor
• Tai
• cyflogaeth
• Anabledd a gofal cymdeithasol
• Lloches a mewnfudo