Grantiau a budd-daliadau os ydych yn astudio a bod gennych fabi

Mae’r budd-daliadau y gallech wneud cais amdanynt os ydych yn astudio ac yn cael babi yn dibynnu ar:

• lefel y cymhwyster rydych yn astudio ar ei gyfer
• os ydych yn astudio’n llawn amser neu’n rhan amser.

Myfyrwyr llawn amser: darganfyddwch ba fudd-daliadau y gallech fod â hawl iddynt ar Turn2usYn agor mewn ffenestr newydd

Myfyrwyr rhan amser: efallai y bydd gennych fynediad i fwy o fudd-daliadau.  Darganfyddwch fwy ar Turn2us

Dylech hefyd sicrhau eich bod yn hawlio’r holl fudd-daliadau mae gennych hawl iddynt fel mam newydd.

Efallai y gallech gael taliadau Gofal i Ddysgu os:

• ydych yn rhiant dan 20 oed
• ydych yn byw yn Lloegr
• ydych yn astudio ar gwrs a ariennir yn gyhoeddus – gall eich ysgol, coleg neu ddarparwr dysgu ddweud wrthych a yw’ch cwrs yn gymwys
• mai chi yw prif ofalwr eich plentyn
• ydych yn ddinesydd Prydeinig neu’n dod o wlad Ardal Economaidd Ewropeaidd (EEA)
• yw’ch darparwr gofal plant wedi ei gofrestru ag Ofsted.

Gyda Gofal i Ddysgu gallwch hawlio hyd at:

• £160 fesul plentyn yr wythnos os ydych yn byw y tu allan i Lundain
• £175 fesul plentyn yr wythnos os ydych yn byw yn Llundain.

(Ffigurau 2023/24)

Mae’r taliadau yn mynd yn uniongyrchol i’ch darparwr gofal plant.

Grant wythnosol i helpu gyda chostau gofal plant wrth i chi astudio.

Bydd y swm a gewch yn dibynnu ar eich incwm, eich anghenion gofal plant a’r nifer o blant sydd gennych.

Nid oes rhaid i chi dalu Grant Gofal Plant yn ôl

I gael Grant Gofal Plant mae’n rhaid i chi:

• fod yn fyfyriwr amser llawn
• byw yn barhaol yn Lloegr
• bod â – neu’n gymwys am - becyn ariannu myfyriwr 
• bod â darparwr gofal plant sydd wedi ei gofrestru ag Ofsted
• bod â phlentyn dan 15, neu dan 17 os oes ganddynt anghenion addysgiadol arbennig.

Ni allwch gael Grant Gofal Plant os ydych chi neu’ch partner yn:

• hawlio’r elfen gofal plant Credydau Treth Gwaith
• hawlio’r elfen gofal plant Credyd Cynhwysol
• yn cael cymorth â chostau gofal plant gan y GIG.

Bydd y swm a gewch yn dibynnu ar

• incwm eich cartref
• cost eich gofal plant
• y nifer o blant sydd gennych fel dibynyddion.

Gallwch gael grant i dalu am hyd at 85% o’ch costau gofal plant.

Yn y flwyddyn academaidd 2023/24 y mwyaf gallwch ei gael yw:

• hyd at £183.75 yr wythnos ar gyfer un plentyn
• hyd at £315.03 yr wythnos ar gyfer dau neu fwy o blant.

Gallech gael Lwfans Dysgu Rhieni os ydych yn:

• fyfyriwr o Loegr â phlant dibynnol
• yn astudio cwrs ôl-raddedig amser llawn neu gwrs Hyfforddiant Cychwynnol Athrawon.

Bydd y swm a gewch yn dibynnu ar eich incwm cartref.

Yn y flwyddyn academaidd 2023/24 gallech gael rhwng £50 a £1,863

Gallwch wneud cais am y Lwfans Dysgu Rhieni pan fyddwch yn gwneud cais am gyllid myfyrwyr.

Taliad a wneir i rieni sengl sy’n byw yn yr Alban gydag o leiaf un plentyn dibynnol.

Nid oes rhaid i chi dalu Grant Rhiant Unigol yn ôl.

Gallech gael Grant Rhiant Unigol os ydych yn magu un plentyn o leiaf ar eich pen eich hun a’ch bod yn:

• sengl
• weddw
• wedi ysgaru
• wedi gwahanu.

Gallech gael hyd at £1,305 yn 2023/24. Bydd y swm a gewch yn dibynnu ar eich incwm.

Gwnewch gais yn uniongyrchol i'ch coleg am gymorth ariannol o'r Grant Rhieni Unigol.

Gall eich coleg neu brifysgol wneud taliadau o Grant Gofal Plant Rhiant Unigol.

Mae i helpu i dalu costau gofal plant cofrestredig am y diwrnodau rydych yn mynychu'r coleg neu'r brifysgol.

Nid oes rhaid i chi dalu'r arian yn ôl.

Gwneir taliadau Grant Gofal Plant Rhiant Unigol fesul achos. Gwneir y penderfyniad gan bob coleg neu brifysgol.

Ni fydd pob myfyriwr cymwys yn cael help gan fod y gronfa'n gyfyngedig – ond fel rheol rhoddir blaenoriaeth i rieni sengl.

Gallwch wneud cais am daliad Grant Gofal Plant Rhiant unigol os ydych yn:

• fyfyriwr israddedig neu ôl-raddedig amser llawn
• sicrhau bod y benthyciad myfyriwr uchaf ar gael
• yn gymwys i gael eich ffioedd dysgu gan Asiantaeth Dyfarnu Myfyrwyr yr Alban (SAAS).

Mae’n rhaid i chi fod yn talu am ofal plant cofrestredig, sy'n cynnwys:

• gofal dydd
• cyn-ysgolion
• clybiau ar ôl ysgol
• gwarchodwyr plant cofrestredig.

Os ydych yn gymwys, gallwch wneud cais am daliad o hyd at £1,215.

Bydd eich coleg neu brifysgol yn penderfynu faint ddylai'r taliad fod.

Gwnewch gais i'ch coleg am gymorth ariannol gan y Gronfa Gofal Plant.

Taliadau gan eich coleg neu brifysgol i roi cymorth gyda chostau gofal plant os ydych ar incwm isel.

Defnyddir y gronfa hefyd i roi cymorth i fyfyrwyr heb blant a allai fod angen cymorth ariannol i fynd ar gwrs.

Efallai y gallwch gael cymorth gan Gronfa Ariannol wrth Gefn os:

• ydych yn 16 neu hŷn
• ydych yn talu am ofal plant cofrestredig.
• yw eich incwm cartref blynyddol yn llai na £28,000

Bydd eich coleg neu brifysgol yn penderfynu ar swm y taliad a gewch. 

Gofynnwch i’ch coleg am gymorth o’r Gronfa Ariannol Wrth Gefn.

Taliadau i roi cymorth i dalu am gostau gofal plant os ydych yn astudio.

Gallech gael cymorth gan y cynllun Gofal i Ddysgu os:

• mai chi yw prif ofalwr y plentyn
• ydych yn byw yng Ngogledd Iwerddon
• ydych rhwng 16 a 20 oed ar ddechrau’ch cwrs
• ydych yn astudio cwrs amser llawn neu ran-amser a restrir ar Gronfa Ddata Genedlaethol o Gymwysterau Achrededig (NDAQ) - bydd eich coleg yn medru cadarnhau a yw eich cwrs yn gymwys.

Gofynnwch i’ch coleg am help drwy’r cynllun Gofal i Ddysgu.

Taliadau wythnosol i roi cymorth i dalu am hyd at 85% o’ch costau gofal plant.

Gallwch wneud cais os:

• ydych yn fyfyriwr amser llawn
• oes gennych blant dan 15 mewn gofal plant cymeradwy neu gofrestredig (neu dan 17 os oes ganddynt anghenion addysgiadol arbennig).

Yn ddibynnol ar eich incwm cartref, yn 2023/24 gallwch wneud cais am hyd at 85% o’ch costau gofal plant, hyd at uchafswm o:

• £148.75 yr wythnos ar gyfer un plentyn
• £255 yr wythnos ar gyfer mwy nag un plentyn.

Ni fyddwch yn gymwys i gael y Grant Gofal Plant os ydych chi (neu’ch partner) yn hawlio elfen gofal plant y Credyd Treth Gwaith.

Gallwch wneud cais am daliadau Grant Gofal Plant ar eich prif gais cyllid myfyrwyr.

Taliadau i helpu â chostau’n gysylltiedig â chyrsiau os oes gennych blant.

Gallwch wneud cais am gymorth os ydych yn fyfyriwr â phlant. 

Os ydych yn gymwys, gallech gael hyd at £1,538 y flwyddyn. Bydd y swm a gewch yn dibynnu ar eich incwm cartref.

Gallwch wneud cais am Lwfans Dysgu Rhieni ar eich prif gais cyllid myfyrwyr. Cwblhewch y rhan am ragor o gymorth i fyfyrwyr â phlant.